الموضوع: أشــرى جيــن2 موديــل 2007 بسعــر مخفــض و لا أنتــظر موديــل 2008 بدون تخفيــض

بصراحة انا ميش عارف اقولكو ايه بس بصراحة الف الف شكر على ردودكو و تعبكو و وقتكو و الف شكر على اقتراحاتكم و باذن الله انتو اول ناس هتعرفو ايه الى هيتم لان بصراحة انا بحاول اوصل لعلاقات او حد يكون امين فى الادارة نفسها لان انا مفرحش بفرق السعر الغريب دا لان ممكن يبقى فيها حاجة لا قدر الله و باذن هتسمعو الاخبار قريبا و الف شكر ليكو مرة تانيه و وقفتكم جنبى يا اجدع رجاله و اكتر الرجال احترام

بص يا استاذ TAG_Turbo0 اولا بردو مافيش زعل بين الاخوات بس هوة كل الى فى الحكاية انى بتكلم بلغة عامية كانى بعمل شات او كانى بتكلم عادى معاك فى تليفون او وجه لوجه فاميش مدقق فى موضوع الاملاء و الف شكر ليك على التنبيه لان الاخ او الصاحب مريا لخوه او صحبه ولا انا غلطان و شكرا ليك مرة تانيه

انا راى بصراحة انك تركب اللون الى انت عاوزة دى اهم حاجة فى العربية اصل حرام لما تجيب عربية زيرو ومفروض عليك لون وبعدين انا شايف ان الخصم مش جامد اوى هو 3000 بس لان العربية المانيوال واحد صاحبى جابها السنة الى فاتت ب81 الف وبصراحة مدام هتركب زيرو اركب موديل السنة واعتقد موديل السنة واللون الى انت عاوزه يساوى اكتر من 3000 او حتى 5000

يا جماعة انا جيبت اخر سعر للعربية دى وهى 77الف و كنارى و فعلن ناوى اجيبها بس قولولى ايه رايكو فى الون بتعها

اولا يا استاذ فهد انا حبيتك من مجرد كلامك و شكرا جدا على تعبك و وقتك
انا يا استاذ فهد فاهم كويس ان دى ازواق بس الحكاية انى ماكنتش متوقع انى ممكن اركب عربية لونها اصفر ميش قصدى انها وحشة بس هى اصلا ماجتش فى دماغى او حتى تخيلتها و انا دلوقتى المفروض انى اخذ قرار اجيبها ولا لا خاصة ان التوكيل مستنينى لانها اخر عربية 2007 و ادانى بعد مشوار اخر سعر وهوة 77 الف و كمان انا حبيت انى اطول فى الوقت عشان اشوف هل موديل 2008 فى فرق ولا لا بس لاقيت ان مافيش فرق ملوحظ و انا الكسبان بفرق الفلوس دا فانتا حط نفسك مكانى موضوع الون دا انا مقتنع بيه بس فى حاجة من جواية مخليانى متردد بس هوة يمكن يكون عشان عنصر المفجاة ان دى اخر عربية و انى مقيد بلون فاظن ان حاضرتك و رجالة المنتدى ممكن يفودونى خاصة انى فى حيرة جامدة

اولا يا استاذ فهد انا حبيتك من مجرد كلامك و شكرا جدا على تعبك و وقتك
انا يا استاذ فهد فاهم كويس ان دى ازواق بس الحكاية انى ماكنتش متوقع انى ممكن اركب عربية لونها اصفر ميش قصدى انها وحشة بس هى اصلا ماجتش فى دماغى او حتى تخيلتها و انا دلوقتى المفروض انى اخذ قرار اجيبها ولا لا خاصة ان التوكيل مستنينى لانها اخر عربية 2007 و ادانى بعد مشوار اخر سعر وهوة 77 الف و كمان انا حبيت انى اطول فى الوقت عشان اشوف هل موديل 2008 فى فرق ولا لا بس لاقيت ان مافيش فرق ملوحظ و انا الكسبان بفرق الفلوس دا فانتا حط نفسك مكانى موضوع الون دا انا مقتنع بيه بس فى حاجة من جواية مخليانى متردد بس هوة يمكن يكون عشان عنصر المفجاة ان دى اخر عربية و انى مقيد بلون فاظن ان حاضرتك و رجالة المنتدى ممكن يفودونى خاصة انى فى حيرة جامدة

أصل الألوان دى أزواق فعلا ً ...
يعنى انا مثلا عمرى مافكر اركب عربية لونها أصفر ، لأن ببساطة كأنى راكب تاكسى العاصمة ..
بغض النظر بقى عن فرق السعر ..

أصل شوف ، الجين 2 عربية شبابى وروشة وأحلى حاجة فيها الروشنة ، فلو جبتلها لون مش عاجبك هيبوظ حلاوة العربية ...

وفى الآخر دى ازواق ، انت اللى هتركب وانت اللى هتسوق بيها و انت اللى اصحابك هيشوفوك بيها ، فى الأول وفى الآخر المسألة مجرد احساس بالإكتفاء مش أكتر ..

وانا بصراحة اللون يفرق معايا جامد جدا ً ...

يعنى انا مثلا بحب الجين 2 باللون الأزرق والأحمر والبرتقالى .... لو عرفت اخلص موضوع الشراء زيك كدة على 77 ألف مش هقول لأ خاصة إن 2008 مش يفرق كتير عن 2007 .... لكن لما الاقيها بلون انا مش بحبه استحالة أجيبها ..

لو انت بتحب اللون الأصفر وشايفه مش مشكلة ، يبقى صفقة ممتازة ، بس انا لو مكانك أحسسهم إن اللون زبالة ومش حلو أنك واخده غصب عنك وتنزل سعر العربية ل 75 ألف :d

وبالتوفيق. ..