الموضوع: حاولت أستخدم الورقة والقم وأبعد حاجات تانية

كلامك مضبوط تماما ياجو
ده كلام أنا تعبت ياباشا من توضيحه وإكتشفت إن فيه ناس كتير قافلة دماغها ومش عايزة حتى تسمع ... عشان كده قلت يمكن تقرا

ربنا يبارك فيك يارب
ويهدينا جميعا
ويصلح حالنا ويحفظنا من شر الفتن

المشاركة الأصلية كتبت بواسطة dodino2006

كلام سليم 100% و احب اضيف عليه اني في الاول كنت معتقد ان مبارك حب يستغل تعاطف الشعب و يفرق المتبقيين في ميدان التحرير, و خصوصاً ان عددهم قليل... توقعت ان هيبتدي عليهم بالبلطجية و بعد كده يدخل بقوات مكافحة شغب لابسة مدني, اتلقيت الخيول داخلة... قلت يبقي فرقة خيالة, لحد لما لقيت واحد فيهم داخل علي جحش ولا بغل و حسيت انه مشهد كوميدي اكتر من انها تكون حاجة متخططة من غرفة عمليات حربية في نظام رئاسي.... ده الميدان كان اساسا شبه فاضي, و كان واضح لأي حد انه مش هيكمل لتاني يوم.... و الاغرب كمية بطاقات الشرطة اللي بيلاقوها معاهم... طيب اول يوم كانت غلطة,, لكن لحد النهاردة مازالوا بيلاقوا معاهم كارنيهات شرطة بشكل مريب و غريب.... يعني يا اما احنا بنتعامل مع نظام مصاب بالعته و ده انا استبعده, يا اما في حاجة مقصودة... و خاصة ان احد الاخوة الاعضاء في المنتدي ذكر ان بعد تسليم واحد من المقبوض عليهم و معاه كارنيه شرطة لنقطة الجيش, اكتشفوا ان الكارنيه مزور (للأسف مش هعرف الاقي مشاركته في كم المشاركات و المواضيه الرهيبة)
ده غير موضوع الاخت نور القمر بخصوص اتصال من السويد لزوجها... الموضوع بجد مرعب, و في دفع للشعب المصري لاتخاذ قرارات في وسط الهوجة و العتمة.... و لما تقول احنا بس محتاجين الدخان يتبدد علشان نعرف بس مين مع مين و نرتب نفسنا يقولولنا خونة و عملاء....



.

متفق معاك مائة بالمائة في كل حرف نطقت به ... بارك الله فيك

المشاركة الأصلية كتبت بواسطة n.y.s.m.a

كلامك مضبوط تماما ياجو
ده كلام أنا تعبت ياباشا من توضيحه وإكتشفت إن فيه ناس كتير قافلة دماغها ومش عايزة حتى تسمع ... عشان كده قلت يمكن تقرا

ربنا يبارك فيك يارب
ويهدينا جميعا
ويصلح حالنا ويحفظنا من شر الفتن

ربنا يهدينا جميعا
الوضع متلخبط خالص
و أي حد هيتلخبط
بس مادام متلخبط ماتخدش سكة وتمشي فيها !
انا لما قريت موضوعك مش عارف ليه حسيت أن الكلام هو هو :):)

المشاركة الأصلية كتبت بواسطة sara2001

قلت كل الخواطر اللي بتدور في دماغي
كم التناقضات والمفاجآت في الأحداث هتخلي الواحد يتجنن
وخاصة أحداث الفوضى الأمنيه
مازلت في اعتقادي ان اللي نزلوا في الأول يوم 28 كانوا حرس جمهوري
وليس الجيش لإلهاء المتظاهرين
وفي الوقت ده حصلت الحرائق والتدمير والنهب
وبعدها قرار حظر التجوال
الخطه الشيطانيه بحرق الأقسام والسجون واخراج المساجين في كل انحاء مصر
اعتقد انها اكبر من ان تكون قرار فرد واحد مثل العادلي
الهجوم الأخير على المتظاهرين يقف وراؤه المنتفعين من الحزب والخائفين على مصالحهم
والله اعلم

نفترض برضه أن وراها مبارك
الحلول قدامنا
يمشي
يمشي بعد شوية
شوفي الموضوع كدة من جميع النواحي