يا ريتني عندي نفس تفاؤلكم... لكني للأسف متشائم جدا جدا...
الديمقراطية بتيجي في الاخر لما قيمها و قبول الاخر يكون مزروع في البشر الاول...
الديمقراطية لا تسبق القيم و الا نكون مثل من يضع العربة امام الحصان...
للأسف بدأت جريمة تجهيل الشعب و تسطيحه منذ عهد عبد الناصر...
و لم يتواني مبارك في الاستمرار علي ذات الاستراتيجية...
جميع المفاهيم الساسية في مصر ملخبطة و ملهاش معني...
تلاقي حزب يقول اشتراكي و رئيسه رجل اعمال...
و حزب ليبرالي اغلب اعضاؤه اسلاميين..
و حزب ديمقراطي رئيسه متحنط علي كرسي رئاسة الحزب من 100 سنة..
وواحد يقول يساري بس في نفس الوقت بيشجع الحكم الديني...
او واحد يقول يميني و افكاره و تصرفاته شاريها من اقصي اليسار...
ده غير الطائفية و القبلية و العصبية العائلية المنتشرة في ربوع مصر...
و البسطاء من الناس اللي فاكرين ان الليبرالية او العلمانية رجس من عمل الشيطان...
الوضع ممكن يكون في القاهرة و الاسكندرية احسن...
بس انزلوا تحت شوية و انت تشوفوا قري بكاملها ممكن تعطي صوتها للجاموسة لو العمدة امر بكده ..
ده غير التعتيم اللي عشنا فيها من 50 سنة بدون شفافية...
يعني اي حد هيمسك محتاج سنين عقبال ما يقدر يفهم موازيننا الاقتصادية ماشية ازاي...
اتمني زوال مبارك بالأمس قبل اليوم...
و اعلنها اليوم لأول مرة علي المنتدي ان وجودي خارج مصر هو بسبب فساد النظام ..
ولكني مازلت قلقاً جدا جدا من الاندفاع نحو الديمقراطية في ظل الظروف السابق شرحها...
.
متخافشي ،،،
أنا و أنتا و الناس المحترمين اللي ماليين البلد مكنوش بيروحوا ينتخبوا
بعد كده ،، كله هيروح ينتخب ،،
المفضلات