الموضوع: لمن يريد ان يعرف من المسئول عن مجزره ميدان التحرير

المشاركة الأصلية كتبت بواسطة ahmed-moga

القسم ومعسكر الأمن المركزي في منطقتي تم الهجوم عليه من الأهالي واخذوا منه السلاح والذخيره وحرقوهم وقام كبراء المنطقه ووكبار العائلات في امنطقه باخذ السلاح من الاهالي وشباب كتير وتم تسليمه لجهه امنيه الجهه دية قامت بتوزيعه مره اخري للبلطجيه بمعرفة اعضاء مجلس الشعب وتم حشدهم وهما في الطريق لميدان لتحرير الجيش اعترض طريقهم ورجعهم تاني علشان كانت الساعه 5 فجرا وقلهم الساعه 11 صباحا فيه مظاهرات مؤيده للرئيس مسموح بها وهتكون عند جامع مصطفي محمود في المهندسين لأن الجيش مكنش عايز الأمور تتطور في الوقت ده ولما رجعوا حاول اعضاء مجلس الشعب لم اكبر كميه من الناس والأتفاق مع عدد اخر من البلطجيه وعرفت ان عربيات نقل كتيره واتوبيسات اخذتهم لميدان التحرير مباشرة وحصل اللي حصل

شكرا جدا يا احمد باشا

المشاركة الأصلية كتبت بواسطة ahmed-moga

كله تبع النظام ويأتمر بأوامر رئيس النظام هو السيد الوزير طنطاوي مش وزير الدفاع يعني من ضمن تشكيل الحكومه والحكومه كلها تتبع لرئيس الدوله بس بيفرق مين اللي بيقدر بيتعامل مع الأمور بحكمه وعقل وهدوء لو الشرطه كانت اتعاملت مع المتظاهرين بنفس اسلوب الجيش مكنش الموضوع هيوصل للمرحله دية

ده الى كنت عاوز اوصله ان الجيش شايف وعارف كل حاجه وميقدرش يتكلم او يعمل حاجه غير الاوامر الى عنده

والى حصل من ضرب نار برصاص الداخليه والقناصه الى كانو فوق الاسطح دول مش من الفئه الى انت اتكلمت عليها
القناصه دول الله اعلم مين بعتهم كماله واجب مع الريس

على رأى عمر اديب اليوم ده كان يوم فرح وكله بيجامل الريس

اما الشربات فكانت دم الشعب حسبى الله ونعم الوكيل الناس دى الدم عندها زى المياه