الموضوع: اتفرج ياعم ال cnn بتذيع فلوس عائلة مبارك في الخارج

المشاركة الأصلية كتبت بواسطة ahmed anwer

يا دكتور ،، لما لعيب كورة يبقي هيعتزل ،، و و لا ممثل بيموت
طبيعي إن كل التحقيقات التليفزيونية بتكون عن حياته و انجازاته و ثروته ،،،، الخ
و الريس محور الأحداث حاليا

معاك طبعا يا احمد بيه
بس معلش ما انت طول ما اللعيب في الملعب بتقول مميزاته وعيوبه
انما تقول المميزات كلها طول ما هو في الملعب ولما يقرب يعتزل تطلع فضايحه
لازم فيه مصلحة للقناة ومن يديروها

المشاركة الأصلية كتبت بواسطة mahmoudysf

ممكن تقولي باختصار
كانت ليه انتفاضة 25
ماذا تحقق منها

طيب حضرتك تعرف مطالب 25 يناير كانت ايه ؟
بعيد عن الشعار بتاع الشعب يريد اسقاط النظام
ايه هي المطالب ؟

المشاركة الأصلية كتبت بواسطة mahmoudysf

اذا كنت فقدت الامل ولديك نظرة تشاؤمية
ومحاولة الاصلاح بقت عندك مجرد شعارات لماذا خرجت يوم 25
ولماذا تريد ان تفرض على غيرك انه لا امل

بالعكس انا نفسي اكون متفائل جدا كمان
ونفسي الاصلاح يتم بدون خسائر ضخمة ولاحظ ان ما حدث من خسائر للان قليل جدا مقارنة بالخسائر القادمة في اكثر محاولات التفاؤل
لكن ما يحدث من يوم السبت الماضي ويوم الاربعاء واليوم والمتظاهرين ومطالبهم التي تتغير وتتصاعد كلما تم تلبية طلب ونوعية المتظاهرين الجدد كل ذلك لا يبعث على النفس اي تفاؤل

المشاركة الأصلية كتبت بواسطة mahmoudysf

لان اذكى من كدة بككتير
وعايز يخرج بطريقة تضمن الايتم ملاحقتة قانونيا زي بتاع تونس
ولا تنخدعو بانة خايف على الشعب من الفوضى وبماذا تسمي ما يحدث الان

والجيش لا يمكن يخليه يخرج غير كدة مهما كانت الاسباب
وطبعا مش مصدق انه خايف من الفوضي
لكن هل ستنتهي الفوضي برحيله الان وليس غدا ؟
لو كان ذلك صحيح فأنا اول واحد يطالب بخروجه في هذه اللحظة

المشاركة الأصلية كتبت بواسطة jato.33

مين دول إلي هيسرقوا بعده
بعده بلد جديدة
أي حرامي يسرق فيها لازم ياخد إذن من الجيش بل ومكتوب كمان
هوا حد هيسيب حد يسرق جنية في البلد دية بعد كده
ده الناس تاكله
إحنا إدينا درس للحكومة وأي واحد فيها
حتى أصغر مدير على مجموعة موظفينأن الظلم والتسلط والإستبداد له نتيجة
وهيا إني ممكن أثور وأديله على قفاه وأخليه يعمل إلي أنا عايزة
إنتوا ماكوا بتتكلموا زي ما يكون ال10 مليون إلي نزلوا من بيوتهم يوم 1/2/2011 ماتوا ولا هاجروا

برجاء مراعاة الموضوعية والمنطقية في الكلام

بلاش نفخ في النار وخلاص

جاتو حبيببي
كل عصر بيكون له مريديه وراكبي الموجة والمنتفعين منه ومن يحميهم واوع تفتكر ان فيه نظام حكم ايا كان هايكون شريف كله وامين حتي امريكا اكثر الدول ديمقراطية وحرية بها نهب وسرقات ومصالح ولا يديرها الرئيس فعلا ولكن شركات السلاح والبترول والسيارات واللوبي الصهيوني وهو مجرد منفذ لمكاسبهم مثل النظام الجديد الذي سيتولي سيكون له رجاله الذين يسرقون وينهبون ويتمتعون بحماية النظام لكن قديما كان يقال على من يعارض النظام فئة مندسة الله اعلم المفارضين للنظام الجديد بعد ان يستقر هايتقال عنهم ايه
واللى نزل يوم 1-2- 2011 مش 10 مليون ولا حاجة مش عايزين تضخيم
اه ملايين لكن لا يمكن يكونوا 10 مليون ابدا