تعبان نفسيا من اللانسر .......ممكن تساعدونى

**vet mitcho** · 18-04-2008 09:55 PM

المشاركة الأصلية كتبت بواسطة mido_smsm

يا جماعه بجد انا عاوز الاتنين
ثبات وراحه الكلام دا فى اى عربيه بليز؟
وشكرا

جرب سوبارو لمبريزا 2008

**محمد أنور** · 19-04-2008 12:55 AM

بصراحة انا معايا الكورولا واللانسر .. و بفضل اللانسر .. بحس انها اقوى من التويوتا .. يعني اللانسر هي العربية اللي اقدر اجري بيها و الاقيها ثابتة عالسرعات العالية و فراملها بتسعفني في اي وقت .. و افصل بماتورها .. دة غير ان شكلها شبابي عن الكورولا .. و بعدين انا بقطع اي كورولا عالطريق .. حاول تنسى نعومة الكورولا دي عشان بحس ان النعومة دي متنفعش الشباب

**abo samra** · 19-04-2008 01:47 AM

ع فكره اعتقد ان طرق مصر محتاجه النعومه اكتر من الثبات ولا ايه رايك حضرتك يا استاذ روود ماستر
وبعدين حضرتك بتقطع كل الكورولات اللى ع الطريق لان معظمهم 1300 سى سى ودا المنتشر انما 1600 من الكورورلا حكايه فى السحب وواحد صاحبى كان بيسابقنى بكورولا 1600 وانا كنت مستهتر بيه لان بسبق معظم العربيات اللى بشد معاهم باللانسر ولكن بصراحه هو سبقنى وبفرق كبييييييييير ومكنتش متوقع نهائى دا يحصل انه يسبقنى بفارق كبير قوى يعنى كنا بنتسابق على لحد 140 كم وهو سبقنى بحوالى 20 متر بلا مبالغه وعلى فكره ثباتها مش وحش لانه مركبلها جنوط 16 وكاوتش 205 وموطيها بس بجد شدها حسسنى ان اللانسر اللى انا فرحان بشدها دى اى كلام

**محمد أنور** · 20-04-2008 12:42 AM

دة على اساس ان طرق مصر حرير فمحتاجة النعومة ؟ معلش انا مش قصدي الاستهزاء بس الكلام دة لو الطرق متسفلتة حلو و مفهاش حفر و مطبات هوا .. لكن طرقنا في مصر محتاجة الثبات طبعا عشان لا قدر الله عالسرعات متتقلبش ..
بالنسبة للشد انا فعلا شديت السنة اللي فاتت مع كورولا1600 على المحور خيطته بمعنى الكلمة .. هو يمكن صاحبك عرف يطلع منك عشان انت جير اتوماتيك .. لكن انا 1600 جير مانيول .. و دة احسن بكتير فالشد ..
عموما بلاش نتكلم كتير عالشد والجري عشان انا بسخن بسرعة و في نفس الوقت واحد صحبي اتقلب ب أوبل كورسا الاسبوع اللي فات .. ربنا يسترها علينا

**mohameduoser** · 20-04-2008 12:55 AM

الكورولا انعم و اعدتها افضل من الانسر و حجم مبيعاتها عالميا اعلى بمراحل من الانسر
وكمان هى تكيفها افضل

**abo samra** · 20-04-2008 03:45 AM

يا استاذ روود ماستر حضرتك فاهم غلط
مصر محتاجة عربيه ناعمة اكثر علشان فيه مطبات كتير فى شوارعنا غير الطرق مش متسفله كويس فاكيد العربيه اللى هركبها ومش هحس بيها بعجائب الشارع المصرى هتبقى احسن
وبعدين مصر كلها مفهياش غير طريقين بس هما اللى تجرى فيه جامد قوى
وبعدين بدال انت بتحب تجرى كده وتسخن بلاش اقول لصاحبى اللى معاه ماذدا 3 مانيوال يجى يشد معاك وهتزعلى قوى ان حد سبقك صح

**Dr Ahmed** · 20-04-2008 04:32 PM

وهل (نعومة الكورولا) - التى لم أشعر بها- فعلا تجعل من مطبات المحروسة حرير؟ أم خسرنا الثبات وفضلت معانا المطبات؟

من الآخر العربيتين زى الفل وكل اللى بنقوله دا نسبى جدا ولا يعيب أو يميز عربية

**محمد أنور** · 20-04-2008 06:51 PM

قولوه يا باشا انا جاهز D: وانا مبزعلش بالعكس .. بس اصبر بس لما حوار صحبي دة يهدى عشان لما اتقلب الناس يكونوا لحقوا خدوا رست من الزعل عشان خبطتين فالراس توجع D: