الموضوع: ايه المطالب اللي اتنفذت فعلا من المطالب دي ؟

المشاركة الأصلية كتبت بواسطة أبو عبدالله

زي ما اقنع وغسل مخ الشعب في يومين في الاعلام ان فيه يهود وامريكان وجواسيس وعملاء في ميدان التحرير وان اغلب او كل اللي في ميدان التحرير خونة وعملاء
صدقني عنده القدرة خلال 6 اشهر القادمة انه يخلي الشعب نفسه ينزل يموت اي حد يقف في ميدان التحرير
يارب اهدنا لما تحيه وترضاه

يا ابو عبد الله بغض النظر عمن كذب لان الكل كذب ويكذب الان والكل يسعي لتحقيق مصالحه
طبعا الفزاعة الجديدة بتاعة ان اغلب او كل من في ميدان التحرير خونة وعملاء غير صحيحة ومحدش مصدقها وفي نفس الوقت لا ننكر ان هناك اجانب كثيرين في مصر وكلهم يحقق اجندات دولهم
ولو حصل والشعب هو اللى نزل يموت اي حد نزل يقف في ميدان التحرير يبقي ده اختيار الشعب ولا كل الف واحد هايتكلموا على انهم هم الشعب ويبقي في الحالة دي الغلط من الثوار اللى خسروا الناس بعد ما كانت الملايين معاهم
ربنا يهدينا ويهدي الجميع لما فيه صالح البلاد والعباد

المشاركة الأصلية كتبت بواسطة hossaam

"لم اكن انوي الترشح لفترة رئاسية جديدة"...في خطابه
"i am fed up after 62 yeras in public service" في حديثه لشبكة اي بي سي
يعني من الاخر عاوز يقول للشعب والعالم..انا ما حدش يجبرني على حاجة...انااصلا زهقت وما كنتش ناوي اكمل..
يعني ما جبتوش جديد...بيحسسني انه ببطلعلنا لسانه...
ليه الريس مش عاوز يشعر الناس اللي اتظاهرت وماتت واتبهدلت انه فعلا نزل على رغبة الشعب
غرووووووور..وكبرررر لاخر رمق...وده بالذات اللي مخليني مش متقبل اي حاجة غير التنحي الفوري
عودة الى الموضوع...اللي اتغير من يوم 25 يناير انه وزير الطيران المدني بقه رئيس الوزراء

مينفعش يتنازل عن سلطاته للنائب وحللنا ده الف مرة من الناحية الدستورية والتشريعية علشان تتم التعديلات بشكل سليم واساتذة القانون الدستوري المحترمين زي ابراهيم درويش وضحوا ده
والتنحي الفوري هيرجعنا لما قبل المربع صفر فعلا
واللى اتغير كتير جدا بس الظاهر انك مش عايز تشوف حاجة لانك مش شايف غير انه لازم يمشي فورا بغض النظر عن النتائج المترتبة عليه

المشاركة الأصلية كتبت بواسطة ahmed samy

عندي سيناريو جامد بقى ليكم
كمان شهرين تلاتة كده
تحصل مناوشات على الحدود الشرقية
بمبة من هنا على طلقة من هناك
و طيارتين اسرائيلي يخترقوا المجال الجوي و يحلقوا فوق السويس مثلا
حرب حرب
و مش وقت دستور و لا قرف احنا بنحارب ياولاد الـتيييت يا فرافير
و كمان بالمرة تطلع الثورة هي السبب في تجرؤ العدو علينا
و ابقى قاااابلني

هههههههههههههههه
زي ما عضو قال لك لو عمل كدة يبقي بامانة الله يستاهل يحكم العالم كله
بتفكرني بنكتته مع ابليس لما كان بيستشيره يعمل ايه في الشعب المصري

المشاركة الأصلية كتبت بواسطة أبو عبدالله

اولا الشباب بتوع الحركة طلعوا قبل الفجر على الفضائية المصرية كذبوا الكلام ده وكذبوا ان فيه حد منهم مشى من هناك والكلام اللي التلفزيون المصري بقاله كام يوم عمال يهلل عليه

ثانيا الاخوان قالو مش هيرشحوا نفسهم للرئاسة
حد يقولي سيناريو للعملاء والأخوان والمدنسين هيمسكوا البلد ازاي بس علشان انا مش فاهم دي بصراحه خصوصا ان فيه جيش في كل حته وان الكثير من الشعب مش موافق عليهم

وعلى فكره فيه فيديو تاني ولكن اتشال من على اليوتيوب قولي بقه مين له مصلحه يتشال بالله عليكم

هما مين الشباب بتوع الحركة ؟؟؟؟؟؟؟؟؟؟؟
الموجودين دلوقت في التحرير ؟ ولا من دعوا لبدء التظاهر ؟ ولا من نظموه ؟ ولا الشعب اللى خرج معاهم بالملايين ؟؟؟؟؟؟؟؟؟

وانا زي ما مش مصدق النظام الحاكم زي ما انا مش مصدق الاخوان بردو
وعايزين يحكوما ازاي راجع النقابات وشوف لما مسكها الاخوان عملوا ايه
والاخوان فعلا ممكن ميترشحوش للرئاسة لانه هايتحول لمنصب ذو سلطات اقل بكتير لكن المؤكد انهم هايقاتلوا على مجلس الشعب لان الوزارة هاتشكل منه
اما حذف فيديو من اليوتيوب فا اما صاحب الفيديو يا اما الموقع نفسه واشمعني الفيديو اللى بتتكلم عنه تحديدا ما اليوتيوب فيه الاف الفيديوهات عما حدث ولا هو توزيع اتهامات بائ شئ

المشاركة الأصلية كتبت بواسطة tyler_durden

و الله ده لو وصلوا للتفكير ده و طبقوه بحرفية و إتقان .. ده يبقى حقهم يقودوا العالم مش يقودونا

والله عندك حق يا درش ولو انى لا استبعد اي شئ عن اي حد اليومين دول

المشاركة الأصلية كتبت بواسطة otefa

موضوع الأخوان ده كارت للأستعمال داخلي وخارجي
داخلي علشان يهدأوا ويتحاوروا وخصوصا أنهم فعليا وزي ماكلنا شايفين متشددين ورافضين الحوار
خارجي لتطمين أمريكا وأسرائيل
ومانقولش ومال أمريكا بينا كلنا عارفين مدى قوتها السياسية والعسكرية يبقي نتصادم معاها والموضوع يكبر وتقلب بمناوشلت عسكرية (ماتنسوش أن قطعها الحربية منتشرة في المنطقة حوالينا وقناة السويس موجودة)
ده غير الأخوان ليهم طلبات خاصة بهم فوق طلبات الثورة الأصلية يوم 25
من حقهم في أي طلبات مشروعة ولكنهم لايمثلون الشعب المصري بالكامل وبالفعل تم عرض حوار معهم من الحكومة ولكنهم وبمنهى الصراحة وده رأى الشخصي يحتمل الصواب أو الخطأ متشددين جداااااااااا ومعليين سقف الطلبات دون وعي بما يمكن القبول به وبما لايمكن بأي حال من الأحوال

الله ينور عليك الاخوان اللى لما كان النظام قوي اعلنوا انهم لن يشاركوا في 25 يناير و دلوقت بيتفاوضوا كانهم هم اللى عملوها زيهم زي الاحزاب والبرادعي ونور وغيرهم ومفيش حد منهم يهمه غير مصالحه انما شفت حد بيتكلم عن مصالح الشعب ؟؟؟؟؟؟؟

المشاركة الأصلية كتبت بواسطة otefa

لو الريس مات أو تنحى حتى يبقى عليه العوض في الحريات...............حكم وأحكام عسكرية صاااااااااااارمة
أصل بالمنطق كده أحتمالية وصول الأخوان المسلمين للحكم مرفوضة تماما وسيناريو فاشل جدا في وقتنا الحالي
وعلشان كده هما أكتر ناس مطالبين بتنحي الرئيس علشان يبقي عندهم فرصة جامدة جدا للوصول للحكم وده صعب جدا القبول به دوليا وبلاش شعارات وأحنا مالنا ومال أمريكا الواقع بيقول أمريكا الأقوي عسكريا ده غير أسطولها وقطعها الحربية في كل مكان بالشرق الأوسط
فبلاش نخبط راسنا في الحيط ونفهم الأمور دون أنفعالات وشعارات لاتودي ولا تجيب
نمشي في الأصلاح ونساعد الحكومة الجديدة ماظبتتش ميدان التحرير موجود
أوأكد أن كلامي ليس هجوم على الأخوان ولكن قراءة للوضع الداخلي والدولي

مش مهم بردو لازم يتنحي


خدوا عندكم قرارات جديدة
استقالة هيئة مكتب الحزب الوطني كاملة والصابونة لصفوت الشريف وبتوع لجنة السياسات
د حسام بدراوي وهو من الناس المحترمة جدا امين عام للحزب الوطني وامين للسياسات