هى لسه نبره الحزب الوطنى ومواقف العداء دى شغاله
هو عقولكم راحت فين ياناس
واللى هيقولى انى من الحزب الوطنى هاجبله مواضيع قديمه موقفى واضح وصريح فى طلب التغيير وساعتها اتهمت انى من مؤيدى البرادعى اللى مابيطقوش اصلا
اللى بيحصل دا مهزله وملهوش علاقه بأى طلب من الطلبات االلى اتطلبط
يوم 25
كدا العمليه بقت مصلحتى ويولع الباقى
نفسى الناس تشغل دماغها بدل ماتخسر كل حاجه
والأخ اللى داير شتيمه فى الناس انت مش واصى على حد ومش من حقك تشتم حد ولم الدور شويا ومش هقولك انك تبع النظام
زى ماليك رأيك غيرك له رأيه ومحدش له الحق بفرض رأيه على الأخر بالطريقه دى
عندك كلمه حلوه واسباب مقنعه قولها معندكش يبقى متشتمش فى حد وتقل من شأنه
وياريت الناس تدى نفسها لحظه تفكر فيها وتشوف بلدها اللى عايشه فيها رايحه على فين
انا اول واحد عايز اللى ماسكين البلد يمشوومش مستحمل اشوف اى وجه منهم
بس لو وجود وجوهم هيؤدى لهدؤ البلد واستقرارها يبقى خليه قاعد ما جتش على 6 شهور نعصر على نفسنا لمونه ونستحملهم
بس فكرو فى بلدكم اللى بتبوظ وبتتجه ناحيه القاع هتقولولى انها فى القاع
هقلكم انتم بكدا بتردموها فكرو فى مصر وبلاش العرق الصعيدى فى التشبس بمواقفنا نفكر ايه اللى فى مصلحه البلد ونعمله
والخراب اللى هيعم هيعم على الكل لو مفكرناش بعقلنا \
انا عارف ان مفيش ثقه فى الوعد اللى اعطيت لكن نستنا ونشوف مجبتش نتيجه نهب كلنا تانى الناس خلاص صحيت وعرفت يعنى ايه ان يبقالهم صوت
واللى بيعترض ويقولى لأ مش هتقوم تانى هقولك لأ هتقوم تانى
اخيرا حكمو عقولكم قليلا وبلاش الأندفاع لأنو هيؤدى لجنى خسائر مش مكاسب اذا كنا حققنا 50%من طلبتنا دلوقتى هنعرف نحقق الباقى واحده واحده
لكن باللى شايفه بيدور فى بعض الرؤس هنرجع ورى ميت خطوه