نصف عمرة للأوبل

**danash** · 02-04-2008 08:16 AM

عندى الموتور لو تفتكرم كان بيجيب دخان أبيض من الشكمان
دورت فى الإسكندرية لغاية ما لقيت واحد شغال فى الأوبل
لما شافها قال لى عايزة طقم شمبر وكاوتش صباب
المهم أخذها يومين فك الموتور وضرب فى غطس رحت له يومها بالليل لقيت كل حتة فى مكان
المهم بعد ما خلص الدخان راح بس صوت الموتور علىَ شوية وسحبها زاد قال ماتعديش التين لغاية خمسميت كيلو وبعدين نغيرلك الزيت المية الوضع مش وحش
سعر الحاجة ودة يتهيأ لى المهم
جوان وش سلندر 80 جنيه
طقم سبيكة 450 جنية أصلى
طقم شمبر 280 جنية gm
طقم أويل سيل صباب 50 جنية
سير تقسيمة 80 جنية
جوان مانيفول 45 جنية
جوان فرن 30 جنية
فلتر البنزين 50 جنية
وشكرا للجماعة اللى متابعين معايا :(:(:(

**Ahmad Allawy** · 02-04-2008 10:34 AM

انا شايف ان الموضوع كله اتكلف حوالي 1100 جنيه وده انا باعتبره مبلغ كويس جدا جدا علي طقم شنبر..
واللي هو اتعدي كونه طقم شنبر بس..
كده ما شاء الله اقتصادي الي حد كبير..
موضوع التليين ده مهم جدا يا باشا خلي بالك منه قوي..
ولو ان في ناس قالتلي ان الواحد في التليين ميعديش ال 80 و حاجات كده.. بس طالما هوا لراجل قالك كده يبقي تسمع كلامه عشان هو اللي بيضمنلك العربية في الفترة دي.. يعني لو لا قدر الله حصل فيها حاجة هتروح تحمله المسئولية.. عشان كده تسمع كلامه.. وعلي فكرة انا بعربيتي القديمة الميكانيكي خلاني الين العربية في 1000 كيلو الف مش مية بس..والمفروض لو حافظت علي العربية في فترة التليين دي كل ما تحافظ علي عمر الموتور معاك اكتر..
وربنا يوفقك ان شاء الله..

**amir_ezzat** · 02-04-2008 11:37 AM

ممكن يا باشا توضح العربية دى اوبيل اية وموديل كام

**M.Mokhtar** · 02-04-2008 11:57 AM

الف مبروك يا باشا
الاسعار حلوه جدا
ربنا يباركلك فيها وتبقى احسن من الاول ان شاء الله

**ramyso4** · 02-04-2008 01:46 PM

الأسعار مش غالية أوي على فكرة

**Xpert** · 02-04-2008 02:09 PM

ال 1100 اللي انت دفعتهم في نص عمره انا دفعتهم في طقم سبيكه هعهعهعهعهع العربيه بي ام موديل 1979 هعهعهع

**mohamed ibiza** · 02-04-2008 09:40 PM

الاسعار كده حلوة التكلفة مش عالية يا اكسبرت ما انت اكيد عارف ان البي ام اسعارها........

و متنساش التليين 20 واقف و 20 علي 80كم\ساعة....

Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzaaaaaaaaaaaaaaaaa For Ever

**danash** · 03-04-2008 09:31 PM

مش عارف حسبتوها 1100 إزاى المهم دة أسعار قطع الغيار مصنعية العمرة 350 جنية وشوية حاجات زى الزيت والمية الخضرة تقريبا كله 1500 جنية لقيت المية ناقصة شوية قمت جبت جركن مية خضرة صناعة سعودى تخيلوا ب17 جنية على الرغم إن من البنزينة موبيل ب42جنية واضح إن الناس بتشتغلنا للى عايز يعرف مكان الميكانيكى عندنا فى إسكندرية السيوف ورا عبد الوهاب للمشويات راجل طيب جدا إسمة عبد العزيز
المهم الدعوات ربنا يسترها معانا

**danash** · 04-04-2008 03:42 PM

مفروض أغير زيت عند 500 كم كنت حاطط التعاون gs الجركن 5ك ب 53 جنية
مش عارف تعبان ولا لأ عايز أغير بنوع نضيف بس مش ب300 جنية
ولكم وافر التحية

**33yassin** · 25-12-2012 03:51 AM

الاسعار دي رخيصة جدا

الموضوع: نصف عمرة للأوبل

LinkBack

أدوات الموضوع

عرض

-

-

-

المواضيع المتشابهه

عايزة عمرة او نص عمرة ربنا يستر :(

احسن قطع غيار للأوبل

زيوت فيسكو للأوبل

الاضافات السائله لرفع كفائة المحرك او عمل عمرة اونصف عمرة

نص عمرة ولا استنى و أعمل عمرة كاملة

الكلمات الدلالية لهذا الموضوع

المفضلات

المفضلات

ضوابط المشاركة