عصاااااااااابة... كله يجمع هنا.

**FrozenFire** · 05-02-2011 12:50 PM

طبعا بعد السلامات والتحيات واللذي منه.

أنا حبيت بس نطمن على بعض خصوصا بعد القلق اللي إحنا فيه ده وانقطاع النت لفترة زادت عن أسبوع.
كل واحد يسلم على العصابة عشان نطمن على بعض لأن في ناس إختفت مش عارف ليه.

وياريت ياريت ياريت بلاش كلام في أي موضوع تاني عشان كل واحد ليه رأي هو حر فيه ومالوش دعوة برأي غيره.

وياريت برضه كلنا ندعي إن ربنا يعدي الغمة دي على خير.

والسلام ختام

د أحمد الفيومي

**m3touk_85** · 05-02-2011 02:23 PM

ربنا ان شاء الله يتمم الموضوع على خير

والحمد لله على هذا الابتلاء

**No Comment** · 05-02-2011 04:59 PM

السلام عليكم ورحمة الله وبركاته

ازيكم يا أخوانى ..... والله ليكم وحشة كبيرة
ازيك يا دكتور أحمد ..... أخبار حضرتك ايه ...!!
اخباركم كلكم أيه يا هونداوية ...؟ فى الظروف اللى مش ميه ميه ديه .
يارب كلكم تكونوا بخير كدة وسلامة .
وبشكر دكتور فروزن على المبادرة ده بالأطمئنان على افراد العصابة ..... اللى يارب تكون سدت بس كويس فى الأيام اللى فاتت دى وكانت أد انضمامها للعصابة المفترية .
وياريت كل واحد يخش هنا يطمنا عليه الله يخليكم .
أخوكم / أحمد نــوكـومنـــت

**SAMEH_FOUAD** · 05-02-2011 09:38 PM

اهلا ياعصابة

لحد دلوقتى الحمد لله بخير وربنا يكرمنا وينصرنا دايما بإذن الله

**wael ahmed** · 07-02-2011 07:59 AM

يا رب تكون كل العصابه بخير وان شاء الايام دى تعدى

**Horsepower** · 07-02-2011 03:34 PM

السلام عليكم جميعا,
الحمد لله على سلامتكم يا رجالة والحمد لله أنا سليم بدون إصابات عضوية (بالغة الطبية) ,,, وشكرا يا دكتور أحمد على المبادرة الجميلة دي من حضرتك ,,,
أسألكم جميعا قراءة الفاتحة والدعاء والصلاة لشهداء ثورة 25 يناير ,,, إنا لله وإنا إليه راجعون.

**shfra** · 07-02-2011 06:30 PM

الحمد لله .. يا رب يكون كله بألف خير وكل مصر بخير

**FrozenFire** · 08-02-2011 01:27 AM

الحمد لله على سلامتكم جميعا

وياريت باقي أفراد العصابة يطمنونا عليهم.

في ناس مختفية أرجو من الله إن يكون المانع خير.

ولا شكر على واجب. إحنا كلنا هنا أسرة واحدة إخوة وده اللي إتعلمته منكم وحسيته فعلا معاكم.

وفي إنتظار باقي أفراد العصابة