الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة

**human** · 05-02-2011 10:00 PM

موضوع الرحيل ده معنوى جدا

عشان اى واحد بعد كده يعرف انه خادم للشعب مش اله ولا بابا ولا ماما

ده الدرس اللى لازم ياخده و كمان عقابا على ما فعله من شعبه

مصر دوله عظيمه لاتستحق اللى حصل فيها فى عهده

لازم عشان ولادك وولادى يترسخ مبدأ ان اللى يذل شعبه و يبهدله يرحل بناء على طلب الناس

الموضوع كبير و مافهوش مكان لعواطف

**أبو إياد** · 05-02-2011 10:06 PM

المشاركة الأصلية كتبت بواسطة ahmed1981

وليتذكر الناس عبدالحكيم عامر وشمس بدران والمشير عامر وغيرهم من عصابة الجيش التي دمرت مصر بعد ثورة محمد نجيب

ارفض تشبيه المشير عامر بما شبهته وذلك الرجل لمن لا يعرف فهو قتل بسبب اصراره على ان يحاكم

اما شمس بدران فاتحاكم
والراجل حى يرزق ويقدر يدافع عن نفسه مثلما فعل من قبل
والحمد لله ان الرئيس عبد الناصر لم يتنحى عن الحكم والا كان زمان شمس بدران هو الرئيس الحالى

**Ghamrawy** · 05-02-2011 10:26 PM

المشاركة الأصلية كتبت بواسطة dr.amr

واحتمال الريس يجي ساعة الانتخابات ويقولك الشعب عاوزني والحركات البلدي ده

و ده اللى انا متوقعه فعلا

و ده ممكن يحصل بعد ماتشين كوره
واحد مثلا مع نادى من اوروبا و التانى اهلى و زمالك
و يطلع كام واحد من البلطجية و الستات اللى قابضين و تامر حسنى و عمرو مصطفى معاهم و يعيطوا و يقولوا عايزين بابا

**Col. Eng. Khaled** · 05-02-2011 10:27 PM

المشاركة الأصلية كتبت بواسطة dr.amr

طيب يعني المفروض الناس تمشي ولا ايه

انا مش فاهم لو الحكم هيبقي عسكري ازاي

مهو دلوقتي عسكري

وبعدين مهو مكن ينقل لعمر سليمان ويمشي

ياريت حد يفهمني الفرق لأني مش فاهم النقطه ده

وشكرا جزيلا

اعتراضي الاخر ان كده الحكم للحزب الوطني

ولن يخرج منه

واحتمال الريس يجي ساعة الانتخابات ويقولك الشعب عاوزني والحركات البلدي ده

المشاركة الأصلية كتبت بواسطة col. Eng. Khaled

1 - الحُكم المدني :-

حكم المؤسسات و الأحزاب و حكم الشعب للشعب بالطرق الديمقراطية عن طريق تداول السلطة في انتخابات

- المفترض - حرة نزيهة و كل مرشح حزبي أو مستقل يعرض برنامجه الإنتخابي و للشعب حرية الإختيار .

2 - الحُكم العسكري :-

السيطرة علي الحكم و ليس عن طريق تداول السلطة مثل الثورات و الإنقلابات العسكرية (و هو من النظم

الديكتاتورية) تسيطر عليه القوة و لا يتم تداول الحكم و لا يتدخل الشعب في اختيار حاكمه .

و لله الأمر من قبل و من بعد .

سيناريو - مع إختلاف عناصره - بثورة 52 بما يتماشى مع الأحداث و الألفية الثانية .

إيه إللي مش واضح علشان أقدر أوضّح على قد معلومتي ؟

1 - كمان مش عايزين ننسى بدء أعمال التخريب (خط غاز العريش) أيًا كان مَن وراءها و أسبابها

2 - مش عايزين ننسى بدء سريان الإشاعات الهدّامة أيًا كان مصدرها

1 ، 2 قد يكونا بداية مبررات ......... ربنا يلطلف بمصر .

**أبو إياد** · 05-02-2011 10:29 PM

المشاركة الأصلية كتبت بواسطة dr.amr

طيب يعني المفروض الناس تمشي ولا ايه

انا مش فاهم لو الحكم هيبقي عسكري ازاي

مهو دلوقتي عسكري

وبعدين مهو مكن ينقل لعمر سليمان ويمشي

ياريت حد يفهمني الفرق لأني مش فاهم النقطه ده

وشكرا جزيلا

الحكم العسكري . يستخدم قانون الطوارئ والاحكام العرفية كسكين على كافة اصعدة ومجالات الحياة وهو يعتبر حكم منضبط نوعا ما وقوانينه ونظامه يمتازون بالقوه وتعد من الانظمه الديكتاتوريه

عكس الحكم المدني القابل للتطور هو الذي يحترم الانسان وتطلعاته

والحكم العسكرى اثبت فشله عالميا و كذالك اى أسلوب حكم مدنى بعيد عن الديمقراطيه و مشورة الشعب فهو فاشل و فاشى لا يصلح للحكم كحكم رجال الثوره لمصر وحكم صدام للعرق

والإدارة العسكرية تحافظ على هيبة الدولة لو كانت عسكرية حازمة فعلا تعمل على تطبيق القوانين بادق التفاصيل واتباع الاوامر كما ينص القانون وبالحرف

الاستقرار والرخاء غير مرتبط بنوعية الحكم قد ما هو مرتبط بالحاكم نفسه وطواعية الشعب له فيما يراه مصلحة للبلد
ليس له اي ميزة الا اذا كان لفترة مؤقتة (وضمن ظروف مبررة) يضمن خلالها وضع البلاد على طريق الديمقراطية الصحيح ثم يسلم السلطة للمدنيين ويعود العسكر الى ثكناتهم

واذا كانت الدوله مقسمه الى طوائف فالنظام العسكري هو الامثل

**No Comment** · 05-02-2011 10:38 PM

يا سادة موضوع الجيش فعلاً حتى هذه اللحظة محايد .... وقادة الجيش على الرغم من ان بعضهم مخنوق زيه زى الشعب من النظام الفاسد لاكن هما لسة محايديين .
ولو كانوا حد فى الجيش عاوز يعمل انقلاب على الرئيس اللى هو أصلاً القائد الأعلى للقوات المسلحة كان عمل كدة من يوم جمعة الغضب أو من الايام اللاحقة ليه .
لاكن هما زينا بردوا نفس شعورنا بالظلم والقهر من فساد النظام .... هما ناس مش من كوكب تانى دول برضوا والدى و اخويا و ابن عمى و خالى .....الخ يعنى ناس من الشعب برضوا وعاوزين حال البلد كله ينصلح بالتغلب على الفساد المستشرى فيها واللى كان للأسف بيدعمه فساد الأغلبية فى وزارة الداخلية اللى اصبحوا حماة للنظام الفاسد بدل ما يبقوا حماة للشعب اللى هو اصلاً بيدفع مرتباتهم من الضرائب المفروضة علينا .
خلاصة الكلام ..... قادة الجيش بردوا عاوزين الأصلاح السياسى والأقتصادى للبلد زى كل الشعب ومش طمع فى التحكم بالسلطة والا كانوا خلصوا من زمان والشعب كان هيبقى وراهم .
والله أعلم ..

المشاركة الأصلية كتبت بواسطة moh.abdelbaset

اللي يتابع حضرتك في موضوع اللغة العربية
لازم يتعلم من حضرتك حاجة :)
إنت أستاذنا في التعبيرات و البلاغة

الله يكرمك يا سيد محمد .... بس مشفناكشى هناك ليه ساعتها .
وحشتنى الأيام دى .... اكنها ايام كانت فى زمن تانى .... بعالم تانى .

**A7MED_PHARMA** · 05-02-2011 10:39 PM

المشاركة الأصلية كتبت بواسطة dr ahmed

استمرار المظاهرات هو السبب الرئيسى لاستمرار ما تسمونه إصلاحات حتى الآن والتى لم يطبق منها من المطالب الأساسية شئ تقريبا ورغم ذلك تدعون أن كل المكاسب تحققت!!!!

ولو كان المتظاهرين نَفَسهم ضيق زيكم كان آخركم تعيين نائب وشكرا
بس الحمد لله إن شباب المتظاهرين مش زيكم وإلا كانت فعلا هتبقى كارثة
--------------------
مبارك مازال يحكم ويتحكم ويضحى بكل من حوله ليبقى وما تقولوه عن الحاكمين الآن أوهام لا دليل لها على الإطلاق

بالظبط يادكتور
كباش الفداء للفرعون العظيم دلوقتي بقت مدعاه للسخرية والله
إمبارح كان الفرعون متشال على أكتاف الكهنة
لكن لما دخل عليه الشباب ...دبح الكهنة بتوعه واحد ورا التاني ورا التالت
حتى إبنه ..دبحه علشان يفضل هوا القائد والزعيم واول طلعة جوية فتحت باب الحرية..وإديهاااااااااا كمان حرية

-

-

الموضوع: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة

LinkBack

أدوات الموضوع

عرض

-

-

-

-

المواضيع المتشابهه

هل تغيرت مصر؟

الإعتصامات والمظاهرات ((الفئوية))

اذا اردت التغيير فكن انت التغيير الذى تصبو اليه

الكلمات الدلالية لهذا الموضوع

المفضلات

المفضلات

ضوابط المشاركة