ما حدش من بتوع بلاد بره رد عليك ؟؟؟
ما حدش من بتوع بلاد بره رد عليك ؟؟؟
لا يا باشا تقريبا عاملين إضراب و لسة ما خلصش
كدة علامة اكس على كل النيسان مش الصنى بس , لان ببساطة الموضوع واضح , انا مش عارف لية مش عاوزين يغيرو العربية , انا متاكد ان تمن العربية مش هوه المشكلة , اعتقد يا اخ يوسف ان الموضوع اكبر من مجرد بقع , لازم فى عندهم مشكلة فى المصنع نفسة و نيسان متعرفش بالمشكلة دى ,
هما موفرين فى حاجة فى الانتاج و نيسان اليابان متعرفش اى حاجة , و العربية بتاعتك دى لو رجعت حتفضح المشكلة , دة راى اعتقد , لان اساسا اى شركة بيكون عندها نسبة محددة من المراجعات لاى سبب و دة معمول حسابة فى الانتاج و المبيعات , عشان كدة انا متاكد ان الموضوع مش موضوع فلوس خالص .
الحل انك تبعت الصور و تبعت اللى حصل لنيسان اليابان او نيسان الشرق الاوسط , و هما حيقومو بتحريتهم و اكيد حيهتمو , لان نيسان مش شركة صغيرة عشان تسب مشكلة زى دة تدمر سمعتهم بالمنظر دة , دى ناس صرفت ملايين على هذة السمعة , مش حيستغنو عنها عشان عربية بكام الف .
الموضوع عاوز صبر بس و اكيد حيخيروك بين تبديل العربية او اختيرا موديل تانى او رد الفلوس ,
سعتها مضرداش باقل من الاكس تريل كتعويض عن الوقت و عن العطلة و عن كل الاضرار اللى حصلتلك .
بجد دة استعبااااااااط جامد اوى ...... بس كويس ان حضرتك ( زنقتة ) بموضوع الربع مليون جنية ده ... لانة لو كان متأكد من كلامه .. وطبعا هو متأكد من عكس كلامه .... و بعدين الى بيقولك دة مش كل عربية يبوظ فيها كلاكس اغيرهولك .... قولة دة مش كلاكس ... دية حاجة بتأثر على تمن العربية فى حالية اغادة البيع !!!! وبعدين دية مش قطعة حتتشال وتتغير !!!!!!!!!!!!!
هية المشكلة فعلا .. ان ممكن يعملو السقف و المشكلة دية تطلع فى الابواب مثلا مع الشمس او فى الرفارف ؟؟ يبقى اية العمل ؟؟؟؟؟؟؟؟؟
الله يعينك على نيسان وتوكيل نيسان
هو سبعاوى باشا مختفى فين من هذا النقاش خصوصا عنده نيسان صنى ؟؟؟
سؤال جميل يا محسن باشا
هو فين السبعاوي باشا صحيح
مع إنة كان أحد اهم الأسباب فى إقناعي بالنيسان
لية ما شرفنيش بمشاركة واحدة منة من بين 115 مشاركة
مستنى رأيك و مشورتك يا باشا
طبعا انا متعاطف جدا مع الأخ صاحب المشكلة
بس ليا تعليق علي افتراض ان الخواجة ملاك
و كل الحاجات دي من ورا ظهره ،،
يا اخوانا دي شركات ميهمهاش غير المكسب
و لو طالت تبيع مخدرات عشان تكسب فلوس هتبيعها
سواء ياباني او الماني او حتي بنجلاديشي
الموضوع كله ان بادفع فلوس و عايز مقابلها خدمة و سلعة
هوا مش عايز مني غير فلوسي و انا مش عايز منه غير السلعة و الخدمة
علاقة نفعية بحته مفهاش و لا مبادئ و لا احترام و لا حب و لا كل الكلام ده
مش عارف إزاي يعني نيسان مصر هتبني مصنع بايز من ورا نيسان اليابان ،، من غير نيسان اليابان الطيبة المسالمة ما تعرف
و تقبل تحط علامة نيسان علي عربيات المصنع ده اللي بتخلي عبد المنعم السعودي يبيع العربية و هوا حاطط رجل علي رجل
هوا اكيد في احتمال ان المصانع اللي بتجمع في مصر و الدول النامية
مش نفس التكنولوجيا و التقدم في مصانع الدول المتقدمة
بس ده بعلمهم و موافقتهم و رضاهم
و كل الشركات الكبيرة بتتبع السياسة دي sell it, where you build it
الأخ صاحب الموضوع ،،
من خبرتي في حكاية الميلات دي ،،
اعمل الأول سيرش كويس ،، و ابعت لكل الميلات اللي تلاقيها ،،
لأنك مبتعرفش انهو ميل منهم اللي شغال و بيرد
يعني لقيت ميل في اليابان ابعت في امريكا ابعت في الهند ابعت ،، مركز رئيسي في الشرق الأوسط ابعت
و حاول توصل لمسئول في نيسان مصر ،،
i am very surprised that you are all supposing that the nissan manufacturing plant in Egypt has a problem and you turned the problem into a problem with the nissan sunny in general. I do sympathize very much with Mr. Youssef and his problem, but it is an individual problem. There are no manufacturer in the whole world who doesn't produce defected products, but a good manufacturer has a very low percentage of defected products.
The real problem is with the warranty system, because i think that if the car has such a very major manufacturing defect then it should be replaced. I suggest that you file a formal complaint not to the organization that you talked about but to the police "el niabah" and even file a law suit. This will make them realize you will not give up and they might get afraid of the bad publicity this will cause.
يا باشا المشكلة انهم مش حاسسين إن المشكلة كبيرة و محتاجة تغيير. بدليل إنة بيقولى انا مش كل واحد الكلاكس بتاعة بايظ حغير العربية , شايف المنطلق اللى بيكلمنى منة . اللى مضايقنى إنهم مش حاسسين بحجم المشكلة و معتبرنها حاجة عادية زي الكلاكس و إن انا مكبر الموضوع و مافيهاش حاجة لو وديتلهم العربية تالث و رابع . و لما قولت انا عايزكم تضمنوا بشكل رسمى إنها لو رجعت رابع مرة حتغيروا العربية او ترجعوا تمنها ..... رفضوا ده
بالنسبة للنيابة و الشرطة و القضاء .... انا فعلا حعمل الخطوة دية و ناوي كمان أكتب الموضوع ده فى جريدة ,, يمكن يحسوا إن الموضوع مش كلاكس
انا الحمد للة نفسي طويل و حفضل قارفهم طول ما هما قارفنني
دول مش حاسسين إن عيب لما العربية تروح المصنع و ترجع تلات مرات من دون نتيجة
و فى نفس الوقت إن المسئولين عن الدهان كاتبين تقرير إن العربية معالجتها سهلة و مش محتاجة تغيير . مش عايزين يعترفوا إن المشكلة ليس لها حل و أبسط دليل إن الكبوت و الشنطة إتغيروا و الحاجة الوحيدة اللى إتعالجت كذا مرة هي السقف و دية اللى فاضل فيها المشكلة و فى نفس الوقت كل اللى فى المصنع مصدقين كلام مسئول الدهان و مقتعين بية و مش عايزين يقولوا إنة غلطان و مش فاهم حاجة
و انا أعترف إنني غلطان إنى و افقت على تغير الكبوت و الشنطة و كنت خليتهم يعالجوهوم زي السقف
علشان هما بيقولوا مشكلة الكبوت و الشنطة إختفت و اللى فاضل السقف (( منطق غريم لتقييم المشكلة و تحديد حجمها))
شكلها حتطول و ربينا يصبرنى عليهم
و شكرا يا جماعة على أرائكم دية كلها
لما المشكلة تتكرر اكثر من اللازم يبقى فى عيوب تصنيع سواء بأستخدام خامات رديئة او تشطيب سئ خصوصا لو كان العمال غير مدربين تدريب كافى او مهملين و مفيش رقابة عليهم و مفيش Quality control زى اى مصنع عالمى محترم .. كما ان زيادة الشكوى من منتجات مصنعة محليا يؤكد الشكوى ..
انظر لكبرى الشركات العالمية بالخارج اذا اكتشفوا عيب فى منتج كدفعة من السيارات يعملوا اعلان و يطلبوا من المشترين اعادة المنتج للقيام باللازم لتلافى العيب الذى تم اكتشافه حتى لو كلفهم ذلك ملايين و مليارات ..
اما خدمة العملاء هنا فأديك والارض .. من التعامل مع اقسام خدمة العملاء فى مصر تكتشف ان خدمة العملاء Customer service تتحول ببساطة الى Customer torture ..
فى العالم المحترم العميل على حق و هنا الشركة على حق و التعامل مع العميل على ان شكوته غير صحيحة و انه متحامل او موتور او بيشتكى بدون حق وان كل حاجة فل الفل و لازم يرضى باللى تشوفة او تعملة الشركة لو رضيت تعمل حاجة .. و احيانا يتم التعامل مع الزبون بمنطق القانون لا يحمى المغفلين .. يعنى سيادتك خلاص اشتريت و دفعت الفلوس متوجعش دماغنا و لو فيع عيب فى السلعة محدش ضربك على ايدك عشان تشترى و اعلى ما فى خيلك اركبه !!