أثبت يا باشا على موقفك
ومتسمعش كلام التوكيل
هما أبتدو يستجسبو يعنى الموضوع فى دمغهم
ما ضاع حق ورائه مطالب
أثبت يا باشا على موقفك
ومتسمعش كلام التوكيل
هما أبتدو يستجسبو يعنى الموضوع فى دمغهم
ما ضاع حق ورائه مطالب
يا ترى ايه الاخبار ؟؟
ابعت للشركة فى اليابان
أولاً ربنا معاك يا باشا في اللي انت فيه
ثانياً لو حيرسي الموضوع علي التغير صمم ان يكون الكبوت الاوريجينال بتاع العربيه مش زي اللي بيتباع في المحلات ده علشان اكيد حيكون في اختلاف من جوه زي العضم او الشفه بتاعت الكبوت مثلاً زي ما كان موجود في اللانوس اللي كانت معايا كان في كده خزام من السيليكون عند الشفه اللي جوه داير الكبوت كله دي ماكانتش موجوده في اي كبوت تجيبوا من المحل او حته التوكيل و ربنا معاك و لو عرفت تاخد الكبوت و الشنطه دول يبقي ماشي لو معرفتش يبقي هما يرشوا احسن و متستلمش العربيه لو كان فيها ديفوه صغير
و ربنا معاك
شكرا يا شباب على ارائكم دية
و بالنسبة لأخر التطورات هما سحبوا العربية يوم الأربعاء الماضي و سابولي عربية بديلة من بتوع المصنع و اتفقت معاهم على تغير الكبوت و الشنطة بإثنين جداد من خط الإنتاج و معالجة السقف بالإنفرا رد
بالإضافى الى شوية طلبات ليا ( من باب الغلاسة ) زي تغيير السماعات اللى بتخروش و خربوش فى الإكصدام يعملوه و تغير كاوتش زجاج الباب الخلفى علشان بيصفر مع فتح و قفل الشباك و علاج صوت صفارة بيظهر عند سرعة 160
و طبعا طبعا .... عدم الرش نهائى لأي حاجة
و المفروض انهم يجيبوهالى ( تحت البيت ) فى نص الإسبوع الحالى
و فى نفس الوقت ماشى مع الناس بتوع حماية المستهلك و لو قدروا يعملولى حاجة فى تغيير العربية يبقى خير و بركة
ربنا يوفقك بس انا كان نفسى يغيروهالك احسن
موضوع التغيير ده صعب جدا طالما مافيش اعوجاج بشاسيه العربية او الركب
صعقت لما كلمت الناس بتوع حماية المستهلك
اولا شرحت الموضوع للمختص هناك فى لجنة التحقيقات
و سألتة ... انا اية حقى ؟
قاللى الماده 8 من قانون الساكسونيا بتقول ان الإسترجاع يكون فى خلال 14 يوم من الشراء فقط
و الضمان لازم يصلحلك العربية حتى لو حيرشوهالك كلها .... كلام جميل طبعا
و قولتلة لو تعذر إصلاح العيب : رد قالى طبقا للشروط القياسية للمواصفات المصرية و شروط الضمان طبقا لقانون الساكسونيا برضة لو تكرر العيب بعد الإصلاح لأكثر من 4 مرات من حقك انك تطالب بتبديل السيارة
يبقى انا كده فاضلى مرتين كمان ( و عجبى على القانون )
قولتلهم ده انتم حنينين قوي عليهم ....
قاللى حنبعتلهم جواب علشان يهتموا زياده
و انا راي ما فيش داعى نتعبهم ... انا كده طماع و واخد حقى و زياده .....هاهاهاهاها