ألف مبروك يا جو
بس خليك متابع السقف بعد ما تغسل العربية.. على الأقل لمدة أسبوعين تلاتة كده
مرة تانية ألف مبروك يا صديقي.. وسلم لي على جارك :)
بس من باب العلم بالشئ...... الاخ صاحب العربية النيسان........ إية أخبار الصاج وهل ظهرت البقع مرة تانية؟؟؟؟؟؟؟؟؟؟
عليك وعلى جهاز حماية المستهلك
أشرحلهم الوضع ووريهم الصور والتقارير
وان شاء الله هيجيبولك حقق
بدأت الاحظ من كام يوم ظهور بقع على السقف بشكل خفيف قوي
بس اليوم ظهرت الرؤيا و تأكدت من البقع ... بانت و ظهرت تاني فى السقف اللى تم معالجتة
بس الكبوت والشنطة الجداد ما فيهومش حاجة ( الحمد للة )
كلمت مدير الضمان فى المصنع و حدد معايا ميعاد على الأحد القادم علشان يجي يصور العربية ( اللهم طولك يا رووووووح )
مش عارف اقول اية . بس إحتمال تسمعوا عن جريمة قتل فى الجرايد قريب قوي
أكيد أنت سألتهم السبب ايه ممكن تقول لنا ما هو السبب العلمى لظهور هذه البقع زى ما الناس قالولك؟
شكلها هترسى على تغيير العربيه بالكامل لأنه واضح انه عيب دهان. وأعتقد انه هو ده الحل العادل لمشكلتك لأنه ايش ضمنك أن مهما كان الحل أنه يرجع تانى بعد فتره أطول أو حتى بعد أنتهاء الضمان أو فى أماكن أخرى غير السقف لأنه دهان نوع واحد.
موضوع أن السبب هو اللصق الأبيض أنك سبته مده طويله ده ممكن يتساب 6 شهور من غير ما يحصل حاجه وده حسب ما قرأت على اللصق اللى بتنزل بيه الماتركس والألنترا بتوع هيونداى. مكتوب لازم يتشال بحد أقصى 6 شهور من تاريخ الأنتاج.
قول لهم أن مشكلتك بيتابعها جمهور شعب مصر على النت ويوجد ناس كتير مستنيين يشوفوا رد فعل المصنع علشان يخدوا قرار الشراء
والله فكرة ايه رأيكم يا شباب الأستاذ يوسف صاحب المشكله يدينا رقم موبيل مدير الضمان وكلنا نكلمه نقول له عملت ايه فى مشكلة أستاذ يوسف
ربنا يوفقك فى حل مشكلتك وقول لنا على التفاصيل أول بأول.
ماتفكرنيش بيهم انا لما كلمتهم و بعد طوووووول إنتظار و كل شوية يقولولي إبعتلنا فاتورة الصيانة و مرة فاتورة الشراء و مرة كتب الضمان و بعد اسبوعين رد عليا واحد ظريف جدا من حماية المستهلك قاللى
الإستبدال و الإرتجاع خلال 14 يوم من الشراء ( على أساس انى شاري قميص ) و بعد كدة الضمان يصلحها او يرشها و لما قولتلة رش إية يا عم الحج قالى ده رش المصنع . المهم قولتلة دلوقتي هما صلحوا العربية مرة و رجعت تانى ,,, قالى قانون المواصفات المصرية و قانون الساكسونيا بيقول انة لو تعذر الإصلاح 3 مرات من حقك التغيير ..( دول حماية المستهلك )
يا أستاذ ماجد ....
هما قالولى كذا سبب علمى مقنع جدا
1 - الورق اللى بيجي على العربية الزيرو : و لما قولتلهم انا إستلمت العربية من غير الورق ده اصلا قالوا يمكن كانت متخزنة كتير بالورق قبل ما تستلم و لما قولتلهم انا اتأخرت شهرين علشان مكانش فى عربيات موجوده و اول ما وصلت العربية المعرض اللى كنت حاجزها فية إستلمتها تانى يووم
2 - لما لاقو ان الأسباب اللى قالوها كلها ما تنفعش فى حالتى قالولي ( الرطوبة هيا السبب ) و ده طبعا علشان العربية شافوها ملاكي إسكندرية مع العلم إن انا مرخص من هناك بس عايش و شغال فى القاهرة و إسكندرية بنزلها كل اسبوعين يومين و بس و قولتلهم يا جماعة انا العربية مستلمها في شهر 11 يعنى كانت الدنيا لسة حر و بعدين فين الرطوبة اللى فى القاهرة و بعدين قولتلهم يا جماعة دي العربيات بتيجى فى المراكب من أخر الدنيا فى عرض البحر يعنى الرطوبة كلها و بتيجى من غير البقع دي
المهم هما حتى اللحظة دي مش عايزين يعترفوا ان ده عيب فى الصناعة
eh el estefzaz da ya absha di tany mara aw3a te2bal ay 7lool tanya tybadel el 3arabeya azon mafish 7aga esmaha t3'ayar el sa2f kaman yb2a eh el 7al kol yomeen tro7 tsa5anha wala ygbolak forn ta7t el beet :D
azon mafish 7al tany 3'er tabdelha w rabena ma3ak
walhy ana kont nawy agebha bas ba3d mawdo3ak
w mawdoo3 tany lesa arih now 3an 5amat el tabloh bi2ol fih enaha we7sha gedan wbi2ol en el farsh bta3ha da3eef gedan w takifha mesh kawy
walahy el wa7ed maba2ash 3aref 7aga meet ra2y wmeet 7okm 3al 3arabeya saba7 el la5bata
ya reet tayb t2olena eh a5bar el 3arabeya ma3ak 3amatan b3eed 3an el sag tayb ymken el wa7ed ystaker tany 3aleha :D
على فكره هل انت بتقف تحت شجر ومعرض السياره لفضلات الطيور لانها ممكن تؤدى لظهور تلك البقع وكذللك لو انت واقف فى جراج وفيه نشع من مواسير المجارى بتنزل على العربيه ولو بسيطه جدا سوف تؤدى ايضا لظهور هذه البقع وهذا حصل معايا
على فكرة اسوأ تشطيب لعربية فى العالم هو الصنى المصرى ..اسوأ حتى من 128 و الشاهين و اللادا ... انا سمعت حاجاتمذهلة و تشيب عنها خصوصا عن الدهان و البارومة .. واحدة صحفية من اخباراليوم كتبت عن عربية صنى ضربت فيها البارومة بعد اسبوع واحد من شرائها ثم انتشر فى خلال شهر واحد و اكتسح سقف العربية بالكامل و شافت الويل مع التوكيل .. و رفضوا رفضا باتا اعادة العربية او تغييرها رغم الضمان !! يظهر اسهل ان اسرائيل تنسحب من القدس من ان اى واحد ممكن ياخد اى حق من هذا التوكيل .. ربنا يستر معاك و ما تلاقيش مشاكل جامدة تانى ...
و المضحك انهم جايبين واحد يابانى اسمه مستر ساتو بيحطوا صورته فى الاعلانات للضحك على الزباين و ايهامهم بان الشركة من شدة اهتمامها بخدمة ما بعد البيع جايبين خبير يابانى مقيم فى القاهرة ..اقطع دراعى ان ما كان الراجل ساتو الشهير ده راجل مالوش علاقة بالسيارات و كان بيبع نوجا و عسلية بجوار محطة قطار طوكيو و كل وظيفته التصوير فى الاعلانات و لا حول و لا قوة الا بالله ..