يا ريت توضحلنا عملوها ازاى ... سخنوا وللا رشوا وللا غيروا خالص؟ والبقع كان مكانها فين؟
العفو يا باشا انا تحت امرك
ان شاء الله مشكلتك تتحل بس بارضو لازم تبعت للشركة
لو في اي حاجه ممكن اعملهالك قولي
بص دا رقم مهندس في السبع القطامية
كلمة
المهندس شريف: 0120240641
و يارب اكون ساعدتك
زى مالناس كلها ياباشا الموضوع ملوش حل غير جهاز حماية المستلك + انك تحاول تصور العربيه وتبعتلت للشركه الأم فى اليابان بالحاله انا ليه واحد صاحبى بعت لشركة رينو واجبروا التوكيل على تغير موتور كامل لعربيه كليو 2002 كان تمنه وقتها 22000 الف جنيه
والله حزين وانا بشوف الكلام ده عن الصناعه المصريه
ومع ايمانى الكامل انى ارفض شراء اى سياره مصنعه بمصر مهما كان اسمها
ومهما كان سعرها
الاحسن اشترى حاجه مستعمله متقفله فى بلدها
انا لو مكانك ابهدلهم فى التوكيل ولا اقبل اى حل الا تغير السياره او استرداد الفلوس
وكأن العربية مدهونه بقالها 10 سنين مثلا !!!! انا فعلا اول مرة اشوف عربية زيرو كدة ؟؟؟؟؟؟؟؟؟؟؟ ديه غريبة جدا جدا
حضرتك خليك وراهم لحد متاخد حقق بالشكل الى يرضيك ....
بس انا بقول لو حما حيرشو العربية فى المصنع ... دة يبقى حل وسط ... وماتستلمش العربية لو لقيت ان فيها حاجة غلط .. حتى و نقطة بيوية على الازاز مثلا !! طبعا دة اقتراح لحل وسط ..... لكن انتا لو حابب تستبدل العربية اعتقد دة حقق
بص حضرتك ... انا شوفت الصور تانى ... وحطيط نفسى مكانك .... لازم لازم اغير العربية دية ... بواحدة تانية ... انا مش كل يوم حدفع 90 الف جنية فى عربية و بعد كدة تترش وممكن فعلا يكون فيها عيوب ......... ده حقق ... وانا بتراجع عن رأيى فى موضوع الرش دة . لازم تغيرها مهما كان المشكلة ووصل الموضوع لشركة نيسان نفسها ... وماترضاش بحل وسط
الله يكون فى عونك
من الواضح فى الصور ان ده عيب فى دهان العربيه من المصنع وبالتالى هما ملزمين باصلاح العيب على اقل تقدير او تغيير العربيه بعربيه اخرى على اقصى تقدير ولازم حضرتك ماتسكتش على حقك زى ما انتا اهتميت بشركه نيسان ووثقت فيها واشتريت منتج من منتجاتها فاقل واجب ان الشركه تقدر ده وتهتم بحل مشكلتك وياريت كمان تبعت ميل على الفرع الرئيسى فى اليابان وتحكيلهم كل اللى حصل
شكرا يا جماعة على وقفتكم جمبى
بالنسبة لأخر التطورات
اليوم اتعرفت عن طريق المنتدي الرائع ده على المهندس ايمن . و الطريف انة عنده نفس العربية و بنفس اللون و نفس الموديل وشاري فى نفس التوقيت و حصل معاه نفس اللى حصل معايا فى بقع الدهان مع المصنع و مع نفس الأشخاص و نفس السيناريو
تأكدت سا عتها ان ده عيب فى الدهان و ليس عيب رطوبة او شوية برد فى العظم زي ما قالو
المهم روحت مكلم مدير الضمان ولما واجهتة بمشكلة ايمن و ده معناه انه عيب متكرر والله اعلم حصل كام مرة ..... الطريف انة كان ما يعرفش ايمن و انكر انة شافة او فاكرة او ان ده حصل اصلا
هههههههههههههههه
لو انتو الاتنين تتحركوا مع بعض و تتفقوا من الاول علتى عدم الرضا بأي بديل غير تغيير السيارتين يبقا كويس اوي و لو تروحوا لجهاز حماية المستهلك مع بعض لأثبات ان الموضوع موضوع عيب صناعه بحت و متكرر كمان و تبعتوا صور العربيتين بأرقام الشاسيهات لنيسان اليابان و لو متمش الرد عليكم تبعتوا تاني و لكن بصيغه التهديد انه هيتم نشر الصورتين دول في كل الوسائل اللى ممكن توصلوا ليها من المنتديات للجرايد للتليفزيون
الموضوع هياخد وقت شويه منكم بس محتاج صبر و في الاخر شركه كبيرة زي دي مش هتسيب سمعتها كدة تنزل بالسهل بس انتو لازم تثبتوا على موقفكم و تتحركوا مع بعض و دة افضل شيء فعلا