متزعلش يا سيدى
انا بصبرك وعلى العموم ربنا يوفقك
ولما تحل المشكله ابقى عرفنا عملت ايه
وانا عارف الواحد بيكون مضايق اد ايه لما تحصل فيه عربيته حاجه وبالذات لو كانت زيرو
متزعلش يا سيدى
انا بصبرك وعلى العموم ربنا يوفقك
ولما تحل المشكله ابقى عرفنا عملت ايه
وانا عارف الواحد بيكون مضايق اد ايه لما تحصل فيه عربيته حاجه وبالذات لو كانت زيرو
ياباشا انت زعلت اوى ليه كده الراجل كلو قصدو انو يهون عليك المشكله
على العموم ربنا معاك وطمنا لما توصل لحل
ربنا ما يجيب زعل يا جماعة ... كفاية الواحد يحس ان فى ناس واقفة جامبة فى ازمتة و بتفكر معاة
و الف شكر على ارائكم كلها .... ده فايدة ان الواحد يطرح مشكلتة هنا .. علشان ما حدش لية مصلحة فى أي رأي بيقولولة ... يعنى كلنا بنقول كلمة حق
اولا الله يكون في عونك ويصبرك ويوفقك في اخذ حقك منهم
انا رأيي انهم مستحيل يغيروا السيارة عشان عيب الدهان .. خلينا واقعيين لأن حتي بتوع حماية البيئة مش ح يقدروا يوصلوا معاهم للحل ده .. الوحيدين اللي ممكن يعملوا كده هم الشركة الام في اليابان وده طبعا لإختلاف تفكيرهم عن تفكير المصريين .. لكن ممكن تخليه وسيلة ضغط علي التوكيل خاصة امام الشركة الام
لو ماقدرتش توصلها لليابانيين يبقي امامك الحلول المتاحة في التوكيل فقط و انا باميل نحو تغيير الكبوت ودهان السقف مع اصدار شهادة منهم بذلك عشان ما تخفضش قيمة السيارة في حالة اعادة البيع ونصيحة مني حاول تفحص باقي الاجزاء في السيارة بدقة لأن السيارة مدهونه في المصنع بنفس البوية والورنيش ونفس التوقيت لكن السقف والشنطة والكبوت هم الاكثر تعرضا للشمس والتراب والعوامل الاخري وربنا يستر وتكون مافيهاش عيوب مماثلة في اجزاء اخري .. لكن الحرص واجب
وربنا يوفقك ونرجو ابلاغنا بالتطورات والحلول اللي وصلتلها معاهم
انا فعلا عملت شكوي فى جهاز حماية المستهلك و أنا مستنى ردهم
و الخطوة التانية لو معملوش حاجة هيا اليابان
و ربنا يستر علشان بجد الواحد ندمان على قرارة بأن التقفيل المصري كويس
كنت عايز اخد رأيكم
دلوقتى كلمنى مدير الضمان فى المصنع و عايزين ياخدوا العربية علشان يعالجوها تاني
و لما رفضت قالى : يسحبوا العربية من تحت البيت بونش يرفعها و يسيبولي عربية تانية بديلة لحد ما عربيتى تخلص ....المهم انا بفكر اخوض التجربة تاني و نشوف
بس دلوقتى انا قدامي 3 خيارات
ارفض تماما و اتمسك بموقفى
يغيروا الكبوت و الشنطة بجداد غيرهم من المصنع مرشوشين و يعالجوا السقف بس
او يعالجوا العربية كلها كبوت و سقف و شنطة
انا خايف تغيير الكبوت و الشنطة يعمل مشاكل او يأثر على قيمة العربية
اية رأيكم ... بس بجد انا نفسي أخلص من الموضوع ده
شكرا
ما انا حكيت كل الموضوع
بس كنت عايز اخد رايكم لو مكانى و حصل معاك التسلسل ده حتعمل اية
أنا شايف انك تاخد البديله لغايه ما عربيتك تبقى تمام لإنى شايف انهم مش هيغيروا العربيه (ده إعتقادى الخاص لأن العيب اللى عند حضرتك ممكن أصلاحه )واصلاحها حيطول وتغير الكبوت والشنطه وانا معتقدش ان تغيرهم حيقلل من قيمه العربيه