ربنا يعدي الازمه على خير
عرض للطباعة
ربنا يعدي الازمه على خير
الأستاذ فاروق العقدة امبارح (محافظ البنك المركزي ) قال انه محددي السحب بالدولار في اليوم بـ 10 الآف دولار و 50 الف جنيه مصري ولكن لو عايز تحول حسابك اللي في البنك وتشتري دولار وتخليه في حسابك من غير ما تسحبوا ده شئ راجعلك ولكن فكر برضوا في مصلحة بلدك احنا ما ها نقلب على تايلاند سنة 90 لما كلو فكر في نفسوا البلد خربت !! انا من الناس اللي كان معايا 60000 الف دولار قبل الأزمة كنت نازل اشتري شقة وكنت ها احول على 5.80 بس قدر الله وما شاء فعل ومنزلتش النهاردة البنك بيقولي تعالا حول على 6.50 انا شايف انه ده مش في مصلحة البلد بالمرة !!! وفاروق العقدة قال ادي الموضوع اسبوع بالكتير ها يرجع لوضعه الطبيعي تاني !! ان شاء الله مش ها نطر نطبع فلوس بدون رصيد !! + التضخم ها يبقى مسيطر عليه + بس الفكرة انه الناس ميبقاش عندها حالة الهلع على الدولار كأنه طوق النجاة ...
التهافت على التحويل من جنيه لدولار هيودي البلد كلها في ستين داهية ..... و لو كل واحد قال الحق نفسي قبل الداهية ما هي هتخرب هتخرب يبقى غلطااااااااااااااان ....... بلااش ارجوكم ...... ارجوكم ...... بلدنا هتضيع مننا .......
يبقى الوضع على ماهو عليه
مش هاغير ولا هاعمل حاجة
والله يا استاذ احمد الكلام ده كان من بنك مش مصري :d ولكن مقره في مصر الجديدة جنب نادي هيليوبلس اكيد حضرتك عارفه ولكن عشان اكون اكثر صراحة كانت ماكلمة تلفونية عشان اتأكد من سعر الصرف .. ولكن يا استاذ احمد الأستاذ العقدة اكد امبارح انه المخاوف بتتجه لنشأة سوق سوداء مرة أخرى بيصل بالدولار الى 7 جنيه !!!!
كلمت شركتين صرافه انهارده
واحده قالتلي ماعنديش اسعار
والشركه التانيه قالت
ب 5.96
وقاللي تعالي بسرعه علشان مايزيدش لو اتأخرت
طبعا انا عارف انه ب 5.85
بس برضه الحراميه هيقعدوا ساكتين لازم يستغلوا
انا حاسس لو كلمته دلوقتي هيقولي 6
عموما انا قررت عدم التحويل بعد ماقريت كلامكم
بس في ناس كتير في شركات الصرافه بتحول
والشركات بتعلي الاسعار براحتها
نفس الشركه اللي معليه السعر كنت بسأله علي اليورو امبارح
قاللي ب 8.35
مش فاهم ليه واخد 45 قرش في جيبه
الشركه في مكرم عبيد
ولو عايزين اسمها علشان محدش يروح للحراميه
بيهجص .... انا دخلت على البنك بتاعي دلوقتي اونلاين و حاولت اعمل تحويلين واحد من المصري للدولار و التاني بالعكس (بس ما كملتش الخطوات للاخر) و شفت السعر ......... 5.924 زي ما قلت لحضرتك
المركزي هيثبت سعر الانتربنك عند 5.90
ارجوكم جميعا ..... ما تدوش فرصة لأي انتهازي متسلق يركب الموجة ...... و بلغوا فورا عن اي شركة صرافة بتغلي السعر او بتعمل سوق سودة ......
البنك المركزي بتاعنا قوي و قادر على ازالة السوق السودة زي ما عمل في اواخر 2004-اوائل 2005 و وفر الدولار في البنوك بوفرة - زي دلوقتي - و قلل السعر و قضى على السوق السوداء ...... الناس دي عايزة ترجع تاني ........ عدم شراءك للدولار الا من مصادره الشرعية و عند الحاجة بقدر الحاجة فقط هو السد المنيع أمام ذئاب السوق السوداء المنتظرين لنهش لحومنا .....
الناس دي بتتاجر بمليارات و ما يهمهمش الناس تولع و لا لأ و لا الغلابة تلاقي رغيف عيش و لا لأ