طيب واليورو وضعه اية؟
عرض للطباعة
طيب واليورو وضعه اية؟
استاذ احمد انا لسة قافل مع الصيارفة المتحدون اللي في ميدان الأوبرا بلغني انه سعر الدولار 5.95 على اساس انه البنك بـ 5.92 اعتقد ده سعر كويس وبالنسبة للبنك الأجنبي ده كانت اشتغالة ؟ وهوة بصراحة انا اعتقد انه احنا عندنا نظام مصرفي جيد جدا بالفعل قضا على لاسوق السوداء تماما ولكن انا معلش كده انا مش رجل اقتصاد هوة ايه ضرر انه الناس تنزل تشتري دولار عشان انا لحد دلوقتي مش فاهم اي حاجة في اي حتة !!! :d
المركزى المصرى عنده احتياطى قوى يقدر يظبط بيه الدنيا بالاضافة انه ممكن فى اى وقت يرمى مليار دولار مثلا فى السوق تنزل السعر 10 قروش مرة واحدة زى ما حصل من كام شهر بالاضافة الى اجراءات زى رفع الفايدة على الجنيه و غيرها من الاجراءات اللى تظبط الدنيا.... محافظ البنك المركزى الحالى متمكن و فاهم شغله كويس
اها يعني معنى كده ببساطة
الإقبال على الدولار = ضعف القيمة الشرائية للجنيه
!!!!!!!!
متشكر جدا على الإفادة فعلا والله اخيرا وصلت :d :d
ممكن طبعا
و فعلا البيع للبنك ضروري في الظروف الحالية ...... لان البنك هيتصرف تصرفات مسؤولة و محكومة عن طريق نظام الانتربنك .......
معلش ضحي بالقرشين الفرق مش هيفرقوا كتير (قرشين كل 1000 دولار يعني 20 جنيه فرق يعني 5920 بدل 5940 مثلا :) )
ايوة يا باشا اشتغالة فعلا
بيع للبنك بلاش تبيع للصرافة ارجوك ...... بلاش بيع للصرافة في اليومين دول الصيارفة دول مش هيفرق معاهم لو البلد ولعت المهم الدولار يغلى
الضرر في ان الناس تشتري دولار كتير ان العرض عالدولار هيقل جدا و الطلب عليه هيزيد ...... فالمستوردين اللي بيستوردوا سلع حيوية (اغذية و ادوية او مواد اولية لتصنيع سلع حيوية او ماكينات الخ الخ ) مش هيلاقي دولار و الدولار هيغلى بسبب ارتفاع الطلب عليه و الجنيه هينهار لانه عامل زي شجرة عملاقة بس مسنودة بحتة خشبة صغيرة ........ و ساعتها السلع هتغلى جدا و هيحصل ركود و كساد و تبقى باظت الليلة
هل ده مع تأكيد الأستاذ فاروق العقدة على وجود احتاياطي من الدولار يتعدى الـ 36 مليار دولار يقدر في اي وقت يسيطر على سعر الدولار في مصر ؟