بسم الله الرحمن الرحيم
بعد تواصل اكتر من 18 ساعه يوميا مابين وظيفتى فى البنك ومابين شغلى الخاص اول لما عرفت ان البنوك هاتشتغل من يوم الاحد اللى هو النهارده فانا بقا انكشحت ع الاخر وقولت افراج بقا وجهزت يدله وقميص وجرافته اللى هى بيقولوا عليها فى الشغل رباط العنق وهاخرج بقا اشتغل ده انا السرير زهق منى الا ان يجيلى تليفون ويحطم فرحتى ويقولى ان العمل هايقتصر على بعض العاملين ياعنى المركز الرئيسى اللى فيه اكتر من 300 موظف هما حوالى 20 واحد هايقوموا بالشغل بس بالنسبه للغياب والمرتب مافيش مشكله والحمد لله اتحسبت اجازه طوارىء ودى الفايده الوحيده اللى الواحد كسبها من شغله فى الحكومه
المهم اتجمعت انا وخمسه من زمايلى فى البنك ولكوا ان تتخيلوا ايه اللى عملناه
دخلنا سايبر ولعبنا ميدل اوف هونر هههههههههههههههه
وكل واحد كان مسمى نفسه على اسم وزير ومعاهم احمد عز وفضلنا نموت فى بعض
الغريب ان كان فى واحد مابيموتش فى الجيم ابدا ودايما يطلع الاول
انى اناشد شباب مصر العاطل
ياشباب مصر العاطل
بكره والدعوه عامه هانروح نلعب بلاى استيشن والدعوه عامه اللى عاوز يجى يتصل بيا لو معاه رقمى ولو ماردتش عليه خلاص مايتعشمش بقا
هانلعب فى مدينه نصر فى شارع الطيران بعد صلاه الظهر