نفهم احنا من كدة ان الشركة فهمتكم ومشيتكم ولا ايه بالظبط
طمنا عليك
عرض للطباعة
أبو أياد أزيك يا باشا عامل أية . تصدق فوجئت اليوم أنهم فى الشغل بيقولو برضو واحد بس ينزل المكتب تخيل حاجة حلوة يعنى يوم واحد شغل و 6 أيام أجازة ههههههههههههههه الله أعلم المرتب حا يبقى شهر و لا مرتب 4 أيام
الحمد لله
انا الوضع عندي مستقر هي شركة مقاولات ( رخام و جرانيت )
التصدير واقف طبعاً
بس متوقع الفترة الي جاية الشغل هيبقى على ودنه
ربنا ييسر الحال للجميع
لا حول ولا قوة الا بالله.كان متوقع موسم ممتاز للسياحة السنة ديه وكان عندى حجوزات لحد شهر مارس واول ابريل كمان ودلوقتى للاسف.بقالى 3 ايام بقابل وبرد على مكالمات اعتذار على النت والايميلات.وربنا يسترها ونخلص بقى من الموضوع ده كله والاوضاع تهدى.
ده انا مكنش عندى الغاء حجوزات بالطريقة ديه ايام الارهاب فى الاقصر.
والحاجة اللى خنقتنى بقى واحد بيتصل يلغى الحجز ومتاثر وزعلان على الحال وكان نفسه يجى مصر ويشوف ويتفرج وفى الاخر يقولى ايه: بس اهم حاجة كويس انك عايش. :mmm: ليه بس يا خواجة هما قالولك احنا بنقتل فى بعض ولا ايه.الموضوع كله فى ميدان التحرير.وهنا بقى حسيت انه:what: : والناس اللى بتتسرق والاجانب اللى بيمشوا والطائرات اللى عمالة ترجع الناس والسجون اللى اتفتحت والمولات والبيوت اللى اتسرقت وهنا بقى الخط بداء يقطع واتقطعت المكالمة.:eee:
ربنا يقدرنى بامره اننى افضل واقف على رجلى واصرف لحد ما تنزاح الازمة.
هشام باشا انا الحمد لله بخير انت اخبارك ايه . بص بقا ياباشا طالما الشركه قررت ان واحد بس هو اللى يقوم بالعمل يبقا هايطلعوا مرتب شخص واحد ويتقسم هههههههههههههههههه
طبعا بهزر باذن الله مافيش الكلام ده وكله هايبقا تمام على فكره لو قطاع عام مافيش جنيه هاينزل من المرتب ولا اجازه هاتتخصم من الموظف