دلوقتي معظم الناس رجعت شغلها انهاردة
ايه الوضع عندك ؟
بالنسبة للشركة اللي انا شغال فيها
تم فصل حوالي 50% من الشركة
والباقي تم تخفيض المرتبات إلى 25% (يعني اللي بيقبض 4000ج يبقى 1000ج)
بحد أدنى يكون المرتب 1000ج للناس اللي مرتباتهم اعلى من 1000ج
عرض للطباعة
دلوقتي معظم الناس رجعت شغلها انهاردة
ايه الوضع عندك ؟
بالنسبة للشركة اللي انا شغال فيها
تم فصل حوالي 50% من الشركة
والباقي تم تخفيض المرتبات إلى 25% (يعني اللي بيقبض 4000ج يبقى 1000ج)
بحد أدنى يكون المرتب 1000ج للناس اللي مرتباتهم اعلى من 1000ج
السلام عليكم اولا
ثانيا انا كنت قاعد مع مراجع قانوني للشركة عندنا والراجل ده فاهم جداااا
قاللي الشركات الاجنبية في مصر قافلة ومستنية تشوف الوضع ايه لو حلو هايرجعو لو سيء الشركات دي هاتقفل ومعني ان هي تقفل يبقي في ناس عاطلة عن العمل
والشركات الاجنبية قدامها سوق ثاني وهو دول الخليج وقطر ودبي
الحل اما ان يرجع استقرار البلد والدنيا تهدا بتعيين رئيس للجمهورية متمثل في عمرو موسي وارجاع حال البلد للاحسن لتشجيع الاستثمار
ثانيا ان يحصل انقلاب عسكري في الحكم وبناء عليه البلد هاتتعدل
انا عن نفسي بحبز الراي الاول
الشركات الاجنبية دي لو قفلت في ناس كثير بيوتها هتتخرب والناس دي متمثلة في الطبقة المتوسطة
الطبقة المتوسطة لو اتلغت يبقي علي الدنيا السلام
انا شغال في شركة توكيلات
كل الشغل اتوقف قاعدين طول النهار عالنت وبنهزر
بجد البلد في حالة مزرية وربنا يعدي الايام دي علي خير
الزيادة السنوية اتلغت
ياريتها جت على الغاء الزيادات السنوية
الحمد لله من قبل ومن بعد
قلبي عندك يا ابو صلاح ان شاء الله ازمة وهتعدي
الحمد لله الشركه عندنا اجنبية وشبه انها مشيت من مصر خلاص
لحد دلوقت مش عايزين ياخدوا قرار
المشكله ان معظم الشركات اللى اصحابها البهوات اللى جابو فلوس من الهوا هايحاولو فى الفتره الجايه يسيلوا ممتلكاتهم وشركاتهم يتنقلوا لبلاد تانيه بعيد عن العين واقتصاد اعلى ولكم ان تتخيلوا كم البطاله اللى هاتبقى فى البلد
وياترى مين اللى هايشترى الشركات دى ؟؟؟
ربنا يستر
وانا قاعد فى البيت ومش لاقى شغل..............................زى الفل.............
وصاحبى شغال فى شركة سياحة قاعد بقالة اسبوع..........
قاعدين بنلعب جيمز.قربنا نقفل موست وونتد .....
وضع شركتي للاسف لا ينبئ باي خير
النهاردة غالين تلتين يوم
الادارة فقط
المصانع مش شغالة
مش عارفين هانعمل ايه في سعر الصرف
وكل مشترياتنا بالدولار واليورو
هانبيع لمين وازاي في ظل الازمة الحالية
عدد العمالة المباشرة احصائيا 4600
وحوالي الف عمالة غير ثابتة
و30 الف صناعات مغذية وموزعين معتمدين وغير معتمدين
http://www.nileup.com//uploads/image...a1cc5eae10.jpg
وسط انباء عن تخفيض الرواتب وتبعات اخرى زفت
ربنا يستر
انا برضو شغال فى شركة مش مصرية انهاردة خدو قرار يمشو الناس بتوع المبيعات بحجة تقليل المصاريف وبعد كده يبقو يرجعوهم لما الدنيا تشتغل بس عندى احساس كبير انهم حيقفلو
ربنا يستر
ودي التحذيرات الامنيه اللي اتبعتت :
Due to ongoing demonstrations and unrest in Egypt, ABB is banning travel to Egypt with immediate effect and until further notice.
Travelers currently in Egypt should follow the advice below and be prepared to leave the country if the situation deteriorates.
Travelers in Egypt whose trip is not-business critical should leave the country as soon as possible if it is safe to do so.
Avoid mosques at the end of Friday prayers (13.30h-15.00h), when activists sometimes try to whip up anti-government or anti-foreigner sentiment.
There is a possibility of both small and large-scale terrorist attacks by Islamist extremists. Minimize the amount of time spent in the vicinity of likely targets, which may include government and military buildings, Western embassies and commercial assets, tourist sites and venues popular with Western personnel. Ensure that hotels have adequate access controls and perimeter security, and report any suspicious behavior or suspect packages to the authorities.
It is likely that internet, cell phones and possible fixed phone lines will be shut down temporarily or for longer periods ABB travelers in Egypt must:
Have daily contact with home office
Keep passport, ticket and sufficient cash with them at all times
Store water and food
Follow local news
Avoid movements after dark
Respect any governmental advice or rules
Be aware that military regulations oblige foreign travelers to obtain a permit for travel beyond major roads in desert areas.
Taxis are a suitable means of travel in urban areas. Do not use shared minibuses or station-wagons, trams, buses and trolley-buses; they are unsuitable for
business visitors. Avoid all rail routes other than those between northern cities.
Self-driving is inadvisable. Road standards are poor and driving conditions are chaotic; the road accident rate is high. Where self-driving is unavoidable, female
drivers should wear a headscarf to avoid attracting unwanted attention. Dress modestly in loose-fitting clothing covering the arms and legs, and respect Muslim
and Arab cultural sensitivities.
Mines pose a risk in some desert areas, particularly along the Libyan border and in the Sinai. Do not leave sealed roads and pavements (sidewalks) and be
vigilant for tape, signs or symbols indicating areas of danger.
ربنا يسترها بجد
ربنا يستر علينا كلنا
انا شغال فى الشركه اللى بتنفذ المترو والخواجات كلهم سافروا ربنا يستر علينا كلنا
انا لي واحد صاحبي ماسك المشتريات في فندق المرتب نزل 50%
انا صاحب شركة صغيرة للاعمال الهندسية
عدد العملين الثابتين عندي (( 20 )) ما بين مهندس و فني
عدد العاملين المؤقتين حسب حاجة العمل تصل الي (( 20 )) اخرين
كل العدد ده بفضل الله بما فيهم سيارات بنستأجرها لتسيير العمل جالسين في البيوت بمن فيهم العبد لله
قبل الاحداث (( يوم الخميس 27-1 )) كانت الحمد لله كل مرتبات الناس جاهزه ولكن كان سيتم سحبها من البنك يوم الاحد (( 30-1 ))
و لكن تمت الاعمال للاسف و لم استطيع صرف فلوس الناس المربوطين في رقبتي
طب الحمد لله الفلوس تم صرفها اليوم من البنك بأعجوبة
معظم الشركات التي اتعامل معها شركات قطاع عام يعني اشتغل و اصرف و فوت علينا بعد كام شهر علشان تأخذ جزء من مستخلصك طب اجيب انا فلوس اشغل بيها الناس لمدة شهر او اتنين منين و بعدين اجري وراهم علشان أأخذ كام ملطوش حتي غير مضمون بعد الاوضاع الحالية و طبعا شركات القطاع الخاص و المكاتب الاستشارية العاملة في المجال اكيد هتلم رجلها في فتح اي مشاريع جديدة و اذا استمرت فسوف تحاول ان تنجز ما في ايديهم و لا يتم التوسع في الاعمال
و ان كنت استطيع الصبر شهر كمان و الحفاظ علي المجموعة الدائمة لا اعرف هل استطيع الصمود اكثر من ذلك
الكثير منهم فاتح بيت و شباب يريدون استكمال زيجاتهم
اللهم استرنا و ارحمنا يا كريم
م.حاتم السباعي
الوضع زى الزفت دة بيقولك نخفض ساعات العمل علشان تكون طريقة و ذريعة لتخفيض المرتبات و دة لو فضلت تاخد مرتب أساسا بيقولك حا نجيب منين . دة قطاع السياحة و الطيران . الوضع بقى أسود و مش مطمئن عاوز بقى اعرف الحل فى هذا المأزق . سوق السياحة و سوق الطيران أنضرب و بقى مشلول ((( هل دى ضريبة النجاح بقى و لازم تستحمل علشان الناس تتبسط )))) لا تعليق
العمل لدينا متوقف لحين إشعار أخر
جميع الأجانب و أسرهم تم إجلاءهم على طائرة خاصة و رجوعهم متوقف على تعليمات السفارات و الوضع الأمني داخل البلاد...و طبعا من عير أجانب مافيش شغل
المرتبات لم تتأثر حتى الان....لكن أكيد لو الوضع إستمر هايعيدوا النظر في الموضوع
احنا سامعين كلام عن تخفيض المرتب 25% وعدم احتساب وقت اضافى لمدة 6 شهور
يعنى هتشتغل وقت اضافى هتشتغل بس صدقة من عندك للشركة
للأسف قطاع الطيران احوالة زى الزفت الاسبوع اللى فات تقريبا كل الطيارات راجعة فاضية وحاليا اغلبها واقف على الارض وطبعا مفيش حد بييجى من برة
الظريف بأة ان الناس اللى لسة قاعدة فى ميدان التحرير لما بيستضيفوهم فى التليفزيون مش مقتنعين ان حال البلد واقف ومن ضمن المقترحات انهم يعملوا تحويلات مرورية من ميدان التحرير وبالتالى الناس اللى عايزة تروح الشغل تروح والناس اللى عايزة تقعد فى الميدان تفضل قاعدة .. هى البلد كلها ميدان التحرير ولا اية !!!!!
بالنسبة لبعض شركات الطيران و السياحة . موظف واحد الى ينزل المكتب و طبعا علشان مفيش شغل و لا أحزنون و لسة مفيش أى اخبار عن المرتبات و الى بيتداول مفيش فلوس دى الحاجة الى ممكن يقولوها لك بالفم المليان بس لو سألت عن المستقبل بيقولك ربنا يسهلها دى ازمة علينا كلنا يعنى بالبلدى كدة مفيش فلوس
أنا طبيب عندى عيادة وأعمل فى مستشفى خاص ومستوصف ، دخلى بصورة عامة تأثر بنسبة 50% بس ان شاء الله مش هانزل مليم من مرتبات الناس اللى شغالة معايا لأنهم أحوج منى.
شركتي قفلتها لأجل غير مسمي محلي يوم افتح ويومين لأ
شركات الأتصالات جميعها بتستعبط وبتصرح تصريحات غير سليمه عن توافر كروت الشحن لدي الوكلاء بالسعر الرسمي الذي به هامش ربح لا يكفي لأكل عيش حاف واذا خرجت لتبحث عن هؤلاء الوكلاء لاتجدهم وتقع في ايدي التجار الكبار المستغلين واكيد انتم عرفتوا ثمن كرت الشحن وصل لكام واذا احببت ان تشتغل لكي تعيش وتأخذ من هؤلاء التجار كروت او شحن لتبيعها سيقول عليك الناس انك ايضا انسان مستغل وجشع لذلك نآيت بنفسي عن هذه المهزله وهذه التهم
لكن لتعلم جيدا هذه الشركات اننا لن نسكت عليهم بعد الأن وسيكون بيننا وبينهم حساب ولكن عندما تهدأ الأحوال بأذن الله سننظم جميع التجار المشتغلين في هذا المجال مظاهره ضدهم وامام مقر شركاتهم الرئيسيه
فيكفي عليهم ماكسبوه من مليارات المليارات وكانوا لايلقون لنا الا فتات الفتات بل يلزمونا بالبيع به
الوضع يسوء وليس لنا الا الله لنلجأ اليه فهو رب المستضعفين الرزاق الكريم
الشركة قفلت خالص ومفيش مرتبات
يعنى أنا مهندس كنت بدور على شغل بمرتب 1000 جنيه ودايخ
دلوقتى هبوس على ايد حد يشغلنى ب150 جنيه
للاسف وقفت نشاطي مؤقتا في الاستيراد نظراً لارتفاع سعر الدولار
و الشغل تقريباً لحد دلوقتي متوقف لحين اشعار آخر...
اللطيف اني كنت متفق على بعض الخامات اللي هتجيلي من فرنسا من شركة لافارج
و حولت الفلوس للشركه يوم الخميس اللي قبل جمعة الغضب, و شكرااا :))
لقيتهم بيكلموني من فرنسا من يومين بس و البنت المسؤله عن الاوردر
بتاعي مغربيه, و بتكلمني و هي مكسوفه جداا و بتقوللي قلبي معاكم
و ربنا يوفقكم و قمة الروح الطيبه, و قالتلي ان الاوردر جاهز و منتظرين
تدينا كونفيرم علشان نبعته... طبعاً لسه الامور متوتره, لكن ربنا يسهل
و نجيب الاوردر ده و نركنه في المخزن زي الباشا لان المشروع اللي
هيتوردله الاوردر ده توقف اصلاً مع توقف المقاولون العرب عن العمل...
لكن مع كل ده و انا بردو مش زعلان, لاني شايف من وجهة نظري
المتواضعه اني اعيش بكرامتي و احس اني بني آدم ليه قيمته في بلده
و حاسس اني عايش على ارضي و في بلدي مش عزبة الريس و لا الحزب الوطني
احس اني مش عايز اسيب البلد دي او اهاجر زي ما كنت عايز اعمل
عندي اهم من اني اتعطل اسبوع او اسبوعين في شغلي...
احس ان البلد دي فعلاً بقت بلد محترمه و اقدر و انا مطمن اني اربي فيها
ولادي و اعلمهم و اكبرهم و احسسهم قد ايه البلد دي بلد عظيمه زي تاريخها
عندي الاستعداد بالتضحيه بشوية ايام من الحاضر في سبيل مستقبل محترم
و مشرف ليا و لاولادي و لاولادهم كمان...
احنا طول عمرنا بنتسرق, اعتبر نفسك اتسرقت اليومين دول بس
اللي جاي هيعوضك عن اليومين دول نفسياً و مادياً و اجتماعياً.....
تحياتي...
محلات تجارية خاصة
والحمدلله لا بنبيع ولا بنشترى :)
وربنا يعديها على خير
الحمد لله على كل شئ
ممكن, بس اعتقد انهم هيتأثروا اكيد, لكن المقاولين العرب مش هما الملاك للمشروع اصلاً,
وزارة البترول هي المالك للمشروع, و بالمناسبه السعيده دي, احب اقول ان الوزير سامح فهمي
اللي تم اختياره تاني في الوزاره الجديده من الفاسدين بردو لانه اهدر اكتر من 100 مليون جنيه
من المال العام في مشروع واحد فقط, و ما خفي كان اعظم..!!
يا جماعة المشكلة ان اللي بيحصل ده كتير
وربنا يعديها على خير ويفك كربنا كلنا
انا مفتنع ان شركتي هتتأثر بالكلام بس مش بالشكل المريع ده
أخيرا بعد شد وجذب على آخر اليوم قرر انه يكون ساعات العمل حتى 2.30 ظهرا
والحمد لله دلوقتي أخوكم معروض عليه يشتغل على ميكروباص سوزوكي
ايه رأيكم؟
بالمناسبة يا جماعة قرار الست عائشة ووزارتها ايه في الموضوع ده؟
ربنا معاكم جميعا
ان بعد العسر يسر
وربنا يقوي الناس اللى مكانتش عاملة حسابها لليوم ده
وبحيي كل اخواننا اللى عندهم مشاريع ومصممين يحموا الناس اللى بتشتغل معاهم لاخر درجة
واخونا الدكتور المحترم اللي دخله قل بشكل كبير ومقللش مرتبات الناس اللى شغالة معاه
ربنا يستر والجامعات هي كمان متعملش تخفيض عمالة والا هانضم لابو صلاح على الميكروباس (احجز لي مكان يا ابو صلاح)
الشركه التي اعمل بها ( نشاطها الاساسي بيع الاجهزة الالكترونيه والمنزلية )
لحد دلوقتي مفيش فيشه واحده عدت خارج مخازنها فبالتالي قطاع المبيعات وكافة المندايب مفيش شغل
انا شغال فى المالية وشغلي بعيد شوية عن المبيعات فيعتبر مش متأثر كتير بس الخوف ان الحال يستمر على كده و يبدأ عمليه التسريح
قلبي عندك يا اخي وربنا يعوض عليك
انت برضه شغال مع مغاربة فرنسيين
ده شغلي الاساسي معاهم توانسه وجزائرين ومغاربة
والمان وسوايده
وربنا يستر لان الشحن في ازمة جامدة جدا عشان الحظر
لو عرفت تاخر شحن الاوردر لو مش محتاجه اخرة اسبوع ولا حاجة
ووضع القنصليات في الدول برضه مش ظريف لان في توتر جدا في كل الدول
فالموردين مش عارفين ياخدو ختم القنصلية
قال تعالى: ( ولنبلونكم بشيء من الخوف والجوع ونقص من الأموال والأنفس والثمرات وبشر الصابرين ) [البقرة:155] فقد بين الله سبحانه وتعالى فيها بعض أنواع البلاء التي يبتلي بها عباده، ثم جاء الثناء على الصابرين عند المصائب عامة الذين يقولون: إنا لله وإنا إليه راجعون. قال الإمام ابن كثير رحمه الله ( أخبرنا تعالى أنه يبتلي عباده: أي يختبرهم ويمتحنهم، كما قال تعالى: (ولنبلونكم حتى نعلم المجاهدين منكم والصابرين ونبلو أخباركم) فتارة بالسراء، وتارة بالضراء من خوف وجوع… و ( نقص من الأموال) أي ذهاب بعضها ( والأنفس) بموت الأصحاب والأقارب والأحباب.
قال ابن كثير: وقد حكى بعض المفسرين أن المراد بنقص الأموال: الزكاة، والأنفس: الأمراض، والثمرات: الأولاد. وفي هذا نظر. والله أعلم ( تفسير ابن كثير1/259).
وقال تعالى فى سورة التوبة
(قُلْ إِن كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللَّهُ بِأَمْرِهِ وَاللَّهُ لاَ يَهْدِي الْقَوْمَ الْفَاسِقِينَ )
قال تعالى فى سورة التوبة
(إِنَّ اللَّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللَّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ)قال تعالى فى سورة التوبة
(مَا كَانَ لِأَهْلِ الْمَدِينَةِ وَمَنْ حَوْلَهُم مِّنَ الأَعْرَابِ أَن يَتَخَلَّفُواْ عَن رَّسُولِ اللَّهِ وَلاَ يَرْغَبُواْ بِأَنفُسِهِمْ عَن نَّفْسِهِ ذَلِكَ بِأَنَّهُمْ لاَ يُصِيبُهُمْ ظَمَأٌ وَلاَ نَصَبٌ وَلاَ مَخْمَصَةٌ فِي سَبِيلِ اللَّهِ وَلاَ يَطَؤُونَ مَوْطِئًا يَغِيظُ الْكُفَّارَ وَلاَ يَنَالُونَ مِنْ عَدُوٍّ نَّيْلاً إِلاَّ كُتِبَ لَهُم بِهِ عَمَلٌ صَالِحٌ إِنَّ اللَّهَ لاَ يُضِيعُ أَجْرَ الْمُحْسِنِينَ)
شركتى لسه مضروبلها خط و محطة غاز طبيعى فى سينا
و الحمد لله ماحدش اتخربش
حسبى الله و نعم الوكيل