شركتك وضعها ايه دلوقتي

**heshamzaky** · 09-02-2011 08:21 PM

البند القانونى برقمة كمان يا باشا أهوة
( مادة 130 )
يلتزم صاحب العمل أن يعطي العامل دون مقابل عند انتهاء عقده وبناء على طلبه شهادة يبين فيها تاريخ التحاقه بالخدمة وتاريخ انتهائها ، ونوع العمل الذي كان يؤديه ، والمزايا التي كان يحصل عليها .
وللعامل أن يحصل من صاحب العمل دون مقابل على شهادة بتحديد خبرته وكفاءته المهنية وذلك أثناء سريان العقد وفى نهايته .
ويجوز بناء على طلب العامل تضمين الشهادة مقدار الأجر الذي كان يتقاضاه وسبب إنهاء علاقة العمل .
ويلتزم صاحب العمل بأن يرد للعامل عند انتهاء عقده ما يكون قد أودعه لديه من أوراق أو شهادات أو أدوات فور طلبها .

**m000dy** · 09-02-2011 09:03 PM

بالنسبة لشغلى الخاص عندى شركة ويب و برنتنج ديزاين بالاضافة ل اشتشارات موارد بشرية وكل العملاء اللى معانا معتمدين على دعم هيئة تحيث الصناعة اللى بتمنحة وزارة التجارة والصناعة والدعم ده كان بيوصل فى بعض القطاعات ل 70 و 80 % من قيمة البروجيكت

ومش فاهمين ايه اللى بيحصل دلوقتى

يافندم انا Advisor فى مركز تحديث الصناعة والدعم مازال مستمر ومفيش انباء حتى عن وقوفه
وانما المشكله ان الشركات بقى همها اكبر من تحديث وتطوير اعمالها لانهم فى حاجه الى اعادتها اولا ثم بعد ذلك تحديثها
وللحق اغلب الناس متمسكه بعمالتهم لكن هذا التمسك لن يدوم طويلا
وان شاء الله نحاول نساعد اصحاب الشركات دى لو مش عشانهم وعشان اللى شغالين فعلى الاقل عشان اقتصاد البلد

**dr-mohamed** · 09-02-2011 09:07 PM

غرقت الراجل يا هشام بيه
يا ابو صلاح الراجل بتاع الموارد البشرية ده لئيم وهيظبط لكم مع صاحب الشركة خروجة محترمة
خد بالك جدا من اي ورقة بتمضي عليها او اي حاجة انت مسؤل عنها الفترة اللى جاية

**heshamzaky** · 09-02-2011 09:11 PM

المشاركة الأصلية كتبت بواسطة dr-mohamed

غرقت الراجل يا هشام بيه
يا ابو صلاح الراجل بتاع الموارد البشرية ده لئيم وهيظبط لكم مع صاحب الشركة خروجة محترمة
خد بالك جدا من اي ورقة بتمضي عليها او اي حاجة انت مسؤل عنها الفترة اللى جاية

يا دكتور أنا كل كلمة قولتها لة نزلت لة البند القانونى بتاعها ما قولتش لة كلمة من دماغى ألا موثقة ببند من كتاب العمل و قولت لة هدى الدنيا معاة بس بعرفة حقوقة و لا عاوز أبو صلاح يسخن و يتحامل على صاحب العمل

**heshamzaky** · 10-02-2011 12:08 AM

الله يخليك يا أبو صلاح باشا و أى استفسار قول يا جزر ههههههههه . من غير ضرب يا دكتور محمد ماشى هههههههههههه

**ahmed4000** · 10-02-2011 09:51 AM

يجماعة استهدوا بالله خلال الايام الجاية ومتسخنوش لغاية لما الدنيا تهدى وتتعدل ...وحطوا فى اعتباركم ان اصحاب الشركات دلوقتى مبيدخلهومش ولا مليم فانت لو مكانهم ممكن تعمل اسوا من كده...انا مبقولش انهم صخ بس خاولوا تعدوا الامور

**tamatemo** · 10-02-2011 08:27 PM

الحمد لله قعدت في البيت ومبقاش فيه شغل
و والدي قفل المصنع اللي عنده ومشغل فوق ال50 عيلة
وكلهم قعدوا في البيت

لانه مفيش خامات والدولار غلي ومفيش تصريف للانتاج وفيه خراب بيوت

والحمدلله

**أبو صلاح** · 11-02-2011 01:16 AM

المشاركة الأصلية كتبت بواسطة tamatemo

الحمد لله قعدت في البيت ومبقاش فيه شغل
و والدي قفل المصنع اللي عنده ومشغل فوق ال50 عيلة
وكلهم قعدوا في البيت

لانه مفيش خامات والدولار غلي ومفيش تصريف للانتاج وفيه خراب بيوت

والحمدلله

تسمحلي اختلف معاك
اولا موضوع الدولا اللي بتقول غلي
هو غلي كام 30-40 قرش
فرقت ايه يعني ؟

ثانيا :
انت بتقول 50 عيلة يعني على الاقل 50 شخص
يبقى المفروض ان امكانيات المكان ده عاليه
بالله عليكم يا أصحاب الاعمال ورؤوس الاموال : ما معنى ان شركتك لا تستطيع الوفاء بمصاريفها الثابتة الشهرية من عمالة وايجار وخلافه من مصاريف لمدة 6شهور الى سنة على الاقل مع انخفاض المبيعات؟
يعني على افتراض ان حجم المرتبات مثلا 50 الف هل لا يملك صاحب رأس المال 300 الف للحفاظ على شركته تحت أي طارئ مثل هذه الظروف
ليه أصحاب رأس المال بيتصرفوا بالشكل ده
على سبيل المثال لو شركة شغللها معتمد على مناقصات وقعدت فترة من غير ما تاخد اي شغل هل هتصفي العمالة بتاعتها ؟

هو ليه في الفرح منسيين والحزن مدعوين

يارب اشوف البلد دي محترمة والمواطن المصري يعرف يحصل على حقوقه وبرضه صاحب العمل يحصل على حقوقه وياريت اشوف جهات حيادية للاشراف على الشركات

لاكن ما يبقاش يا فرحتي شركة اسمها مساهمة مصرية وراس مالها 6 مليون ومع اول نفخة هواء تقع وتخرب الدنيا

**م. حاتم السباعي** · 11-02-2011 01:47 AM

المشاركة الأصلية كتبت بواسطة أبو صلاح

تسمحلي اختلف معاك
اولا موضوع الدولا اللي بتقول غلي
هو غلي كام 30-40 قرش
فرقت ايه يعني ؟

ثانيا :
انت بتقول 50 عيلة يعني على الاقل 50 شخص
يبقى المفروض ان امكانيات المكان ده عاليه
بالله عليكم يا أصحاب الاعمال ورؤوس الاموال : ما معنى ان شركتك لا تستطيع الوفاء بمصاريفها الثابتة الشهرية من عمالة وايجار وخلافه من مصاريف لمدة 6شهور الى سنة على الاقل مع انخفاض المبيعات؟
يعني على افتراض ان حجم المرتبات مثلا 50 الف هل لا يملك صاحب رأس المال 300 الف للحفاظ على شركته تحت أي طارئ مثل هذه الظروف
ليه أصحاب رأس المال بيتصرفوا بالشكل ده
على سبيل المثال لو شركة شغللها معتمد على مناقصات وقعدت فترة من غير ما تاخد اي شغل هل هتصفي العمالة بتاعتها ؟

هو ليه في الفرح منسيين والحزن مدعوين

يارب اشوف البلد دي محترمة والمواطن المصري يعرف يحصل على حقوقه وبرضه صاحب العمل يحصل على حقوقه وياريت اشوف جهات حيادية للاشراف على الشركات

لاكن ما يبقاش يا فرحتي شركة اسمها مساهمة مصرية وراس مالها 6 مليون ومع اول نفخة هواء تقع وتخرب الدنيا

اخي الكريم اسمح لي بصفتي صاحب عمل ان ارد علي مشاركتك
اولا مرتبات ال50 شخص لن تقل بأي حال من الاحوال عن 75 الف جنيه هذا مبدأيا
وسوف اشركك معي حتي تأخذ انت القرار بالنيابة عني في المرحلة القادمة (( اذا لا قدر الله استمر الحال شهرين تلاته ))
في البداية كانت لي مداخلة في اول الموضوع و شرحت فيه وضع شركتي و كيف اني استطيع الصمود علي المرتبات مدة شهر
يعني للعدد الذي يعمل لدي (( 22 )) فرد ما بين مهندس و فني و سائق و ما بين 20 فرد (( عمالة مؤقته )) تأتي حسب الحاجة للعمل
الذي لا يعلمه الكثيرين انه ليس كل صاحب عمل فهو يمتلك مدخرات يستطيع من خلالها ان يدفع للعاملين لديه شهر او اكثر
طبعا الكثير منا لا يملك سوي سيارته و شقته سواء تمليك او ايجار
و اذا امتلك اجهزة العمل و لم تكن ايجار يبقي شئ جيد
ليس رأس المال المعلن للشركة هو العلامة علي امتلاك الشركة لاموال فائضه و يستطيع من خلالها اصحاب الاعمال ان يحتوي العاملين لديهم اذا توقفت الاعمال و جفت المنابع
من كان يملك المال و يبخل علي من يعملون لديه اكيد سوف يلقي نفس المصير لان الدنيا قلابه
و ما يفعله الانسان في دنياه كله (( سلف و دين ))
اخيرا ارجو من كل صاحب عمل ان يتقي الله فيمن يعملون لديه
فأكيد من يمتلك شركة الان كان في الماضي يعمل لدي صاحب عمل
و الدنيا يمكن ان تجعله يعمل لدي الاخرين مرة اخري
فليعلم ان الله مطلع عما في قلبه فإن احسن الظن حتي و لو بالنيه
اكيد ربنا سينقذه و علي الاقل سيجازي خيرا عن نيته
و للعاملين لدي اصحاب الاعمال
اقول لهم ما في نفسك يعلمه الله
فأنت الان يمكن ان تقول انا مليش دعوه (( يتصرف )) (( مهو ياما كسب )) (( المهم يخلينا و انا مليش دعوة هيجيب منين ))
اعلم اخي الفاضل
انك يمكن ان يكرمك الله و تصبح بين ليلة و ضحاها صاحب عمل و لديك عاملين سيعملون لديك
اعلم اخي الفاضل ان ما ستضمره في قلبك (( هو ما ستجنيه وقتها ))
ان كان خيرا بصاحب العمل او كان شرا

م.حاتم السباعي

م.حاتم السباعي