شركتك وضعها ايه دلوقتي

**أبو إياد** · 09-02-2011 03:23 AM

المشاركة الأصلية كتبت بواسطة dr-mohamed

تصدق مش مصدق لغاية دلوقت ان انت اللى اتصلت

فكرتنى صحيح

اشهدوا بقا يا ناس انا النهارده اتصلت بالدكتور محمد ومكانش عارف مين معاه ده ان دل هايدل ان رقمى مش معاه ياعنى كان بيفترى عليا حلوه دى 1/0

وبعدين بقا انت واستاذ هشام نازلين احباط على ابو صلاح ليه كده ده ابو صلاح هايبيع عربيته وانا كمان هابيع عربيتى ونشترى ميكروباص وهو يوم وانا يوم ويوم

**heshamzaky** · 09-02-2011 03:26 AM

و بص دى يا باشا دى بتضمن للعامل حقة .

مادة 7 )

تكون للمبالغ المستحقة للعامل أو المستحقين عنه بمقتضى أحكام هذا القانون امتياز على جميع أموال المدين من منقول وعقار ، وتستوفى مباشرة بعد المصروفات القضائية و المبالغ المستحقة للخزانة العامة ومع ذلك يستوفى الأجر قبل غيره الحقوق المشار إليها فى الفقرة السابقة .

( مادة 8 )

إذا تعدد أصحاب العمل كانوا مسئولين بالتضامن فيما بينهم عن الوفاء بالالتزامات الناشئة عن هذا القانون .
ويكون من تنازل له صاحب العمل عن الأعمال المسندة إليه كلها أو بعضها متضامنا معه فى الوفاء بجميع الالتزامات التى تفرضها أحكام هذا القانون .

( مادة 9 )

لا يمنع من الوفاء بجميع الالتزامات الناشئة طبقاً للقانون ،حل المنشأة أو تصفيتا أو إغلاقها أو إفلاسها .
ولا يترتب على إدماج المنشأة فى غيرها أو انتقالها بالإرث أو الوصية أو الهبة أو البيع- ولو كان بالمزاد العلني- أو النزول أو الإيجاز أو غير ذلك من التصرفات ، إنهاء عقود استخدام عمال المنشأة و يكون الخلف مسئولا بالتضامن مع أصحاب الأعمال السابقين عن تنفيذ جميع الالتزامات الناشئة عن هذه العقود .

**heshamzaky** · 09-02-2011 03:28 AM

المشاركة الأصلية كتبت بواسطة dr-mohamed

هههههههههههههههههه
كانوا بيشتغلوا مع مرتضي
يبقوا واخدين المحاماة بلطجة وعافية وقوة ودراع
ههههههههههههههههههههههههه هههههههههههههههههههههههه
اوع تسمع نصيحتهم يا ابو صلاح

ماليش دعوة ههههههههههههههههه بس بجد الراجل دة كتاب قانون متنقل مش ممكن دماغة ذرية و عارف أزاى يصطاد الخصم بالقانون صح

**heshamzaky** · 09-02-2011 03:29 AM

أبو أيا ما تدخلنى معاكو شريك ههههههههههههههههههههه أزيك يا استاذ واحشنى و الله العظيم

**dr-mohamed** · 09-02-2011 03:35 AM

المشاركة الأصلية كتبت بواسطة أبو إياد

فكرتنى صحيح

اشهدوا بقا يا ناس انا النهارده اتصلت بالدكتور محمد ومكانش عارف مين معاه ده ان دل هايدل ان رقمى مش معاه ياعنى كان بيفترى عليا حلوه دى 1/0

وبعدين بقا انت واستاذ هشام نازلين احباط على ابو صلاح ليه كده ده ابو صلاح هايبيع عربيته وانا كمان هابيع عربيتى ونشترى ميكروباص وهو يوم وانا يوم ويوم

الموبايل كان عليه رقمك والله يا ابو اياد بس الله يرحمه يوم 28 ايهئ ايهئ ايهئ
وبعدين متبقاش من قطاعين الارزاق انا اتفقت مع ابو صلاح هو يركب الميكروباس وردية وانا التانية وكريم كان عايز يدخل في السبوبة ويشتغل تباع وطبعا رفضنا اكراما ليه مش خوف على الايراد طبعا

المشاركة الأصلية كتبت بواسطة heshamzaky

ماليش دعوة ههههههههههههههههه بس بجد الراجل دة كتاب قانون متنقل مش ممكن دماغة ذرية و عارف أزاى يصطاد الخصم بالقانون صح

هو بصراحة غتت جدا
بس طرقه في المحاكم ملتوية ومش نضيفة عادة

المشاركة الأصلية كتبت بواسطة heshamzaky

أبو أيا ما تدخلنى معاكو شريك ههههههههههههههههههههه أزيك يا استاذ واحشنى و الله العظيم

يادي النيلة هو الشعب المصري كدة مش هيتغير ابدا اول ما يلاقي سبوبة تبص تلاقي الكل نط فيها
تكونش فاكرنا هانفتح سنترال ولا محل موبايلات
الميكروباس خلاص كامل العدد

**أبو إياد** · 09-02-2011 03:35 AM

المشاركة الأصلية كتبت بواسطة heshamzaky

أبو أيا ما تدخلنى معاكو شريك ههههههههههههههههههههه أزيك يا استاذ واحشنى و الله العظيم

والله وانت واحشنى اكتر وبالنسبه للمشروع انا راجل ديمقراطى فلازم ابو صلاح يوافق وانا عن نفسى موافق بس مش هانجيب ميكروباص بقا هانجيب اتوبيس 26 ولو ابو صلاح وافق وانت وافقت وانا كمان ندخل معانا دكتور محمد ونجيب اتوبيس 52 ولو انا وابو صلاح وانت ودكتور محمد وافقوا ان باقى الاعضاء تبيع عربياتها وتشاركنا نشترى شركه السوبر جيت ويبقا المنتدى بعد موافقه كريم باشا بقا المره دى يكون خاص لكل ما يهم الاتوبيسات

ونجيب نور الشريف يبقا رئيس مجلس الاداره

**أبو إياد** · 09-02-2011 03:38 AM

ياجماعه ماتنسوش ان السيد المحترم وحبيب قلبى مرتضى منصور راجل زمالكاوى ياعنى راجل بمعنى الكلمه

**dr-mohamed** · 09-02-2011 03:40 AM

المشاركة الأصلية كتبت بواسطة أبو إياد

والله وانت واحشنى اكتر وبالنسبه للمشروع انا راجل ديمقراطى فلازم ابو صلاح يوافق وانا عن نفسى موافق بس مش هانجيب ميكروباص بقا هانجيب اتوبيس 26 ولو ابو صلاح وافق وانت وافقت وانا كمان ندخل معانا دكتور محمد ونجيب اتوبيس 52 ولو انا وابو صلاح وانت ودكتور محمد وافقوا ان باقى الاعضاء تبيع عربياتها وتشاركنا نشترى شركه السوبر جيت ويبقا المنتدى بعد موافقه كريم باشا بقا المره دى يكون خاص لكل ما يهم الاتوبيسات

ونجيب نور الشريف يبقا رئيس مجلس الاداره

ههههههههههههه
بغض النظر عن انك شقلبت الترتيب وهو ابو صلاح وبعدين انا وبعدين كريم وبعد كدة انتم الاتنين فانا موافق وشكلنا كلنا هانبيعها قريب ونديها موتورجل
وموافق طبعا على اقتراح منتدي الاتوبيسات اما بخصوص نور الشريف فانا اعترض وارجع لورا كام سنة كدة وانت تعرف السبب والعملية مش ناقصة شبهة

**heshamzaky** · 09-02-2011 03:41 AM

لآ لآ بدل الحاجات دى نشترى مترو الانفاق و اهو يعمل سبوبة حلوة و نشترى الاوتوبيسات الخضراء و نخصصها هية و المترو ههههههههههههههههه . و الله الواحد ضحك و روق مع أن الحالة زفت بس الواحد فوق و روق شوية . و يا دكتور محمد نشوف شنورى و نعمل مول للموبيلات و نعمل مشاريع جامدة ههههههههههه . هو شنورى فين صحيح مختفى لية

**heshamzaky** · 09-02-2011 03:46 AM

المشاركة الأصلية كتبت بواسطة أبو إياد

ياجماعه ماتنسوش ان السيد المحترم وحبيب قلبى مرتضى منصور راجل زمالكاوى ياعنى راجل بمعنى الكلمه

تصدق و تأمن ب الله أنا لا بحب السياسة و لا اعرف أسماء الوزراء الا كام وزير كدة و برضو مش بحب كورة القدم و لا عمرى لعبتها و لا بتفرج عليها بس بحب الماتشات المهمة علشان انزل وقت الماتش أجيب طلباتى و الشارع فاضى هههههههههههههه