الموضوع: حد عنده فكره عن تقسيم حدائق الاهرام ؟؟؟

على فكرة كلام صح 100% إنك فى بلدنا لا تشترى إلا الشقة الجاهزة للاستلام ولا تدفع مليم قبل مفتاح الشقة حتى بدون تشطيب المهم تستلم وتقفل الباب وترفع دعوى صحة توقيع لحين تسجيل الشقة واحتمال كبير ما تعرفش تسجل هناك أصلاً أو تسجل بصعوبة .وطبعاً لا يفوتك أن تطلب من البائع دليل ملكيته للعمارة والأرض وهذا حقك ولو هيمضى معاك العقد ويكتب فيه زى ما بيعملوا ( بصفته وكيل عن فلان وعلان ) إطلب منه أصل التوكيل قبل دفع أى مليم . ولا تكتب فى العقد مبلغ أقل من اللى انت دافعه فى الحقيقة لأن هذا يتمخض عنه مشاكل قانونية جمه فى حالة اختلافك معه وفسخ العقد .

المشاركة الأصلية كتبت بواسطة mazdawy

على فكرة كلام صح 100% إنك فى بلدنا لا تشترى إلا الشقة الجاهزة للاستلام ولا تدفع مليم قبل مفتاح الشقة حتى بدون تشطيب المهم تستلم وتقفل الباب وترفع دعوى صحة توقيع لحين تسجيل الشقة واحتمال كبير ما تعرفش تسجل هناك أصلاً أو تسجل بصعوبة .وطبعاً لا يفوتك أن تطلب من البائع دليل ملكيته للعمارة والأرض وهذا حقك ولو هيمضى معاك العقد ويكتب فيه زى ما بيعملوا ( بصفته وكيل عن فلان وعلان ) إطلب منه أصل التوكيل قبل دفع أى مليم . ولا تكتب فى العقد مبلغ أقل من اللى انت دافعه فى الحقيقة لأن هذا يتمخض عنه مشاكل قانونية جمه فى حالة اختلافك معه وفسخ العقد .

كلام حضرتك مظبوط 100% بس دي الاجرائات الطبيعية اللي المفروض يعملها اي شخص بيشتري شقة جديدة بس انا لية ملحوظة علي موضوع الشقة الجاهزة دي لان غالبا الشقق اللي بتكون تقسيط وبالذات في المدد الطويلة بتكون العمارة لسة مطلعتش و مش كل الناس عندها امكانية انها تشتري كاش علي طول فا موضوع اني اشتريها و هي لسة مطلعتش مش مرعب اوي للدرجة دي مش عايزين نهوله زيادة و اكيد والواحد بيشتري مش بيشتري من اي حد لازم مثلا يكون حد دلني علي المكان ده و سمعته معروفة انا مثلا روحت شوفت العمارات اللي الشركة بنتها قبل كدة و سألت كام مالك في العمالرات دي عنهم و عن تعاملهم و بيغيروا في كلامهم ولا لا و ملتزمين في مواعيدهم و كدة ولا لا فا ان شاء الله لو الواحد تحري عن المكان كويس مش هيكون في مشاكل

المشاركة الأصلية كتبت بواسطة abzaky

استاذ احمد جمال
ايه احسن المناطق ؟؟؟؟و الاسعار عامله ايه
معروض عليا شقه فى منطقه و ب 1500 م قسط
60 الف دفعه تعاقد
30 الف دفعه استلام (6/2009)
30 بعد سنه
1600 قسط شهرى على 50 شهر
ايه رايك انا هاروح اتفرج على المكان يوم الحد

انا عن نفسي مانصحكش بالبوابة الاولي بصراحة بعتبرها من عشوائيات المنطقة الا اذا كانت جوة شوية و طبعا لازم تكون بعيد عن خطوط الكهرباء زي ما الاستاذ احمد ابو الفتوح قال ده معروف اوي هناك
بالنسبة للشقة اللي معروضة علي حضرتك فهي في البوابة التانية و بصراحة البوابة التانية لذيذة انضف من الاولي والمكان قريب اوي من البوابة فاعتقد ان موقعها مميز بس ممكن تلاقي سعر اقل من كدة لو دورت شوية ماتخودش اول حاجة تشوفها او تتعرض عليك لا دور شوية بص انصحك انك ماتتاخرش في الشراء اوي لان فعلا اسعارها في زيادة مستمرة
انا لسة صديق لية واخد في البوابة الثانية شقة قدام النادي بالظبط سعر المتر 1400 و موقعها هايل فعلا والشارع واسع عرضه 20 متر تقريبا فاانت دور شوية وان شاء الله ربنا يوفقك

المشاركة الأصلية كتبت بواسطة hfekry

أستاذ / أحمد جمال
معلش انا كمان ليا سؤال. سعر المتر وصل كام فى المنطفة أ

والله انا اخر حاجة سمعتها هناك كانت 2000 ج للمتر وفي ناس بتبيع اغلي شوية كمان

طيب حضرتك مفكرتش في شقق ظباط الرماية
المنطقة هناك جميلة وهادية والشقق ارخص من حدائق الاهرام وتقدر تستلم فوري

طيب انا عندى سؤال عن البوابه التانيه فى حدايق الاهرام النطقه ل رقم 89 علشان احتمال ان شاء الله اخد شقه هناك

هما بيقولو جمب فندق اطلس

هى المنطقه دى ظروفها ايه؟