الموضوع: هل تثق فى وعود الرئيس مبارك بتنفيذ المطالب ام لا تثق في وعودة ؟؟

المشاركة الأصلية كتبت بواسطة ghazy12

الماده 85 مش بس خيانه عظمى, كمان اي شبهه من اي نوع في تورط
الرئيس في اعمال فساد او شبهه جنائيه من اي نوع, و غيره...

دى حاجة مش اقدر اكلم فيها لانها ناحية قانونية بحتة
و معنى انه قلل الفساد بنسبه يبقى نهيص و نبوس ادينا وش و ظهر يا استاذ احمد
لا طبعا لان ده واجب عليه من غير ما نطلبه
و هو اصلا ماكانش هيعمل اي حاجه إلا بمجهود الشباب اللي عايشين و اللي ماتوا..؟؟

اصل الباشا كان متخيل في البدايه انها مظاهره زي زمان, هتخلص
لما يفضها الأمن المركزي بشوية عصيان على غرار اننا شعب تفرقه العصى

معاك فى دى

ده احنا وصلنا لاننا بقينا شايلين له جميلة انه ماسابش البلد و جري زي بن علي..!!
مش جميلة ليه ولا من منه علينا
، لكن ده حاجة البعض مننا وانا منهم شايف انها فى مصلحة الدولة
يا باشمهندس مواضيع فى المنتدى بيناا كانت بتعمل جدال كبير
يبقى لو مشى البلد مش هتدب فيها فوضى بسبب الاختلافات والجدال والصراعات

هتلاقى ناس بتجادل لمجرد الجدال وناس بتظهر على الصورة وهيا معملتش حاجة زى البرادعى وناس ممكن تستعمل العنف زى الاخوان وده هيخللى الخلاف يزيد والبلد مش تهدى
انا مش بحبه
لكن وجوده فى الست اشهر اللى فاضلين هيكون افضل وبس

انا اصلاً مش مع اننا ننسب الاصلاحات ليه او لاسمه, ده يبقى حراااام والله

المشاركة الأصلية كتبت بواسطة Dodo2009

نفسى أسأل سؤال ايه الضمان ان مبارك مش حيترشح تانى بعد 6 شهور ان شاء الله يعنى احنا شوفنا من الشعارات المؤيده لمبارك (ست شهور مش كفايه انت معانا للنهايه) يعنى ممكن قوى قبل الانتخابات تطلع شلة الهتافين دول ويظهر الريس فى التلفزيون وتغرورق عيناه بالدموع من حب وطلب الناس ليه بالاستمرار وتنازله وقبوله الترشح والفوز الكاسح طبعا بدون جدال وما حدش يقولى العهود والكرامه والكلام الجميل ده ديه ناس مش بتحس وما عندهاش كرامه اصلا أهم حاجه الكرسى والمنصب والمصالح الشخصيه

دة السيناريو الأقرب حقيقة لتخيللى

ومش بعيد شلة الهتيفة يقولوا عايزين جمال كرمز للوفاء للرئيس

مش رئيس الوزراء كل شوية يقول الاخلاقيات و ال ethics