القول الفصل في تسخين العربيه في الدواره ولا لأ

**momo10000** · 15-02-2011 12:01 AM

ده انت حتى مقولتش لحد ما الـrpm ينزل

بينزل بعد 150 ثانيه بالظبط ... يعني دقيقتين ونص.

المانيوال بيقول تتحرك بعد الار بي ام اما ينزل.... حفاظا علي ترس الدفيزور.

لما التوكيل يلبك فـ ثمن catalytic أو lambda بكام ألف

... هتعرف انه غلط.!!

اسمحلي اققولك اني من 16 سنه وانا بركب عربيات حديته تقريبا 15 عربيه وكلها انجكشن ما عدا عربيتين.... وطول عمري بسخن 5 دقايق واكتر .... ولم يحدث علي الاطلاق اي مشكله في الكتالتك او المبادا !!!!!!!

**fahd_628** · 19-02-2011 02:06 AM

المشاركة الأصلية كتبت بواسطة hiyakli

مانيوال الرينو 2 بيقول انك تلف المفتاح لحد ما ينور التابلوه و دي السنة او التكة القبل الاخيرة وتنتظر لحد ما تطفي الانوار كلها ما عدي نور البطارية و الزيت طبعا , المهم هنا هو لمبة صفراء غلي شكل ملف ودي لمبة التسخين المبدئ او البري هيتنج وبعد كدة هات التكة الاخيرة الاجنيشن و توكل علي الله

لمبة الملف دية بتاعت العربيات الديزل و مش موجودة فى البنزين

و فى الديزل لازم تستنى اللمبة دية تطفى يا اما العربية مش حدور لو باردة

**abou_mariam** · 19-02-2011 12:52 PM

أوعى تمشى من غير تسخين لان الموتور ( يتمدد بالحرارة و ينكمش بالبرودة ) فتكون حركة البساتم مش طبيعية 100 % لان الموتور بارد ( منكمش ) يعنى قافل عليها
ثانياً لما الموتور يسخن توصل بعض الحرارة للفتيس فبالتالى يسخن زيت الفتيس و تحس انه سهل الحركة
ثالثاً كتاب العربية به تحذير من المشى و العربية باردة ( أرجع للمانيوال )
أخيراً التسخين يحافظ على الموتور و يطول عمرة إن شاء الله

**Formulator** · 19-02-2011 03:15 PM

محدش قال امشى بالـ عربية وهى باردة...!!!
لكن التسخين مفروض مايستناش بعد الـrpm ماتنزل للـidle الطبيعى بتاعها... وانت تكمل التسخين مشى "بطىء" لحد ما امبير الحرارة يثبت عند الـ90 أو whatever اللى بيقف عندها.

وbtw زيت الفتيس ملهوش أى علاقة بسخونة الموتور... وزيت الفتيس بيسخن بالنقل بين التروس والغيارات.. مش زيت الموتور..!!

**Mah_Badawy** · 24-02-2011 09:26 PM

مكتوب في كتالوج اللوجان صفحة 2.7

Drive carefully for first few miles until the engine reaches its Normal operating temperature, rather than let it warm up while the vehicle is stationary

ولذلك أنا بسخن بتاع 5-6 دقائق بحيث قبل مخلص الشارع بتاعي تكون وصلت للحرارة الطبيعية و الله أعلم

**Formulator** · 26-02-2011 02:04 PM

المشاركة الأصلية كتبت بواسطة Mah_Badawy

مكتوب في كتالوج اللوجان صفحة 2.7

Drive carefully for first few miles until the engine reaches its Normal operating temperature,rather than let it warm up while the vehicle is stationary

ولذلك أنا بسخن بتاع 5-6 دقائق بحيث قبل مخلص الشارع بتاعي تكون وصلت للحرارة الطبيعية و الله أعلم

لأ لا لأ ... حضرتك فهمت غلط ...؟؟؟!!
rather than يقصد بيها "بدلا من" أنك تسخنها وأنت واقف..!!!
يعنى أمشى بيها بالراحة لحد ما تسخن...

-

الموضوع: القول الفصل في تسخين العربيه في الدواره ولا لأ

LinkBack

أدوات الموضوع

عرض

-

-

-

-

المواضيع المتشابهه

يا ريت القول الفصل فى الفيات ال 126

القول الفصل فى سخونية الميجان

القول الفصل في تغيير سير الكاتينة

ما هو القول الفصل فى بيجو 206

القول الفصل فى استهلاك byd

الكلمات الدلالية لهذا الموضوع

المفضلات

المفضلات

ضوابط المشاركة