الموضوع: سيناريو يطرح نفسه حول توقف المنتدى

السلام عليكم ورحمه الله
للاسف سيناريو يطرح نفسه وبشده اليومين دول
خاصة في ظل الازمات السياسية والاقتصادية التي تعيشها البلد
السيناريو يتلخص في احتمال توقف المنتدى عن العمل
وده بثلاث طرق:
الاولى اننا هانفضل على نفس السيرفر الكبير ذو الامكانات القوية حتى نهاية فترة الاشتراك والتي لن تتجاوز الشهر الحالي واللي بعده بالكتير لو قدرنا ندفعه
والثاني انتقالنا على سيرفر اصغر وابطء وبامكانات محدودة عشان نعرف نقعد شهرين تلاتة
وبرضه التوقف وارد جدا جدا
الاسباب طبعا لا تخفى على الكثير منك
تردي الاحوال الاقتصادية للدولة وده هايثر جدا ان المعلنين مش هايكملو في الاعلانات تقريبا
رغم حاجتهم الشديد لاستمرار الاعلانات للمحاولة لتعويض الخسائر الكبير لديهم
الى جانب انخفاض اعلانات جوجل الى الخمس تقريبا وهي اصلا كانت ضعيفة
واعلان جوجل ان مصر منطقة غير امنه لارسال النقود
يعني لو بقي فيه فلوس هاتفضل مجمدة لحين اشعار اخر
وفي العادي بغطي انا تكاليف المنتدى
لكن في ظل الازمة الحالية مش عارف هاقدر اغطي تكاليف المنتدى في ظل انخفاض الرواتب المتوقع ولا لاء

ثالثا: اتصال هاتفي النهاردة الصبح من مصدر امني اعرفه جيدا ومفاده
خللي الاعضاء تلم نفسها شوية
الرئيس ما زال في الحكم
يعني لو ماتقفلش بسبب اخفاض الموارد هايتقفل امنيا بسبب تطاول بعض الاشخاص على الحاكم
وتجنب طاقم الاشراف توقيع عقوبات على الاعضاء لتعاطفهم هم الاخرون معهم

حبيت اخليكم في الصورة عشان لو صحيتو الصبح مالقتوش المنتدى
تبقو عارفين ايه اللي حصل
ونتقابل بقي في جروب المنتدى عالفيس بوك :-(

سلام عليكم