الموضوع: سيناريو يطرح نفسه حول توقف المنتدى

المشاركة الأصلية كتبت بواسطة ashouhdy

@heshamzaky

تفتكر اصلا كام واحد اشترك فى العضويات المدفوعة ؟؟ 10% ؟؟

29 عضو :-)
الاكتيف ممبرز في المنتدى 12 الف :-)

المشاركة الأصلية كتبت بواسطة ecybrarian

لا لا لا..نايل موتورز لن يغلق ابدا...ماهو كل المنتديات الكبيرة والصغيرة في مصر فيها اشد انواع النقد للنظام..هو احنا هانرجع لأيام حبيب العادلي دا تاني ولا ايه؟؟؟
اما عن التكلفة احنا لازم نعمل fund raise او حملة تبرعات لصالح نايل موتورز..اسمح لي يا كريم.

الفكرة مش في النقد
الفكرة في ان فيه فرق بين النقد وال شتيمة المباشرة
ومعلش ياباشا اعذرني لسه والله على اننا نعمل حملة تبرعات
انا بس بعرف الناس السيناريوهات المتوقعة
وغلق المنتدى اهون عندي بكتير من انه يدخل مرحلة التبرعات

المشاركة الأصلية كتبت بواسطة hobiko

أنا مرداش لأي حد في إلدنيا الأذية بسببي ...... ناس محترمة ذي ا.كريم

بس الواحد يتكلم فين ..... يطلع إلي جواه فين ؟؟؟؟!!!!!

امال احنا عملنا ثورة ليه ؟؟؟؟؟ طلعنا في مظاهرات ليه ؟؟؟؟

في فرق كبير بين اننا نثور
وبين اننا نشتم واصحاب المكان اللي بنشتم فيه يتاذو بسببي
لما اعمل ثورة هاثور في الشارع
مش هادخل كافية مثلا واكسره لاصحابه عشان انا اعمل ثوره

مع الفارق الكبير للوضع الحالي ويا ريتها هاتكون خسار مادية
الخسارة اكبر بكتير وكلنا فاهمين

المشاركة الأصلية كتبت بواسطة midohits

على مأظن مش فارقه كتير ، كده كده محدش بيدخل ولا حد بيرد عل مشاركات ولا حاجة من يوم ماتعمل موضوع العضويات داه وانا مش عارف تكاليف ايه الكتير للمنتدى ؟
هوه المنتدى الدومين : 60 جنيه
السرفر آخره كام في الشهر ؟
داه لو سيرفر امريكي : 71 دولار في السنه ياعني 400 جنيه وشوية ، انا نفسي اعرف تكاليف ايه ؟يمكن فيه حاجة الأعضاء مش عارفهاها ، ماحنا عندنا كلنا مواقع ولا بنكسب منها ولا حاجة ، ولو كسبنا فين وفين ، اهم حاجة السمعه الكويسه للموقع والأعضاء ، الفلوس مش كل حاجة
بس معلش اني بتكلم كده بس ، انا زعلان انه حاجة زي دي تحصل لموقع زي داه ، علشان هوه من احسن المواقع في مصر

بص يا ميدو
مشاركتك فعلا ضحكتني في وسط الهم ده
مش عارف ايه السيرفر الامريكي اللي بتتكلم عنه اللي ب 71 دولار في السنه (سيرفر مش شير هوست) وفي السنة كمان :-)
بس بجد هو عشان حتة امنية مش هاقدر اقولك بندفع كام في الشهر بالظبط خاصة بعد ارتفاع سعر الصرف والبلد اللي مابقاش فيها ولا دولار بس بص هنا كدة
Hostlayer, Linux VPS Hosting, Shared Hosting, Reseller Hosting, RAID-10 Servers
الخطة اللي على اليمين دي اللي احنا واخدينها
بس مش بالتمن ده
بزيادة ما يقرب للضعف تقريبا
لانك لما بتيجي تاخد سيرفر بتختار باقة كاملة وتزود حاجات انت بتحتاجها شهريا
زي رامات زيادة واريد هارد ديسك والخراب الكبير الباندويث وده اللي فعلا بنستهلك كتير قوي قوي منه كل شهر نسبع لعدد الزوار الكبير لمنتدانا واللي بيتجاوز نص مليون زيارة شهريا
والتيرا الواحدة في الداتا سنتر دي واللي بتصنف انها احسن واقوى داتا سنتر في العالـــــم واي ويب ديفلوبر فاهم ده كويس بتكلفنا 100 دولار زيادة لكل تيرا زيادة في الخطة بتاعتنا
مش عايز اقولك بقي احنا بنستهلك باندويث كام عشان السيكوريتي
ده غير تكاليف المونتيرنج والمانجمنت والسيكورتي
واللي بتعمله للمنتدى شركة من اكبر الشركات في مصر واللي بتخدم مواقع كبيرة زي فتاكات والدستور وغيرها
فواضح ان فكرتك عن المواقع الصغيره غير فكرتك عن المنتديات الضخمة زينا