الموضوع: جديد اسعار تويوتا كورولا بالتوكيل أبريل 2008

المشاركة الأصلية كتبت بواسطة limo

انت متأكد ان الاسعار ده اسعار التوكيل بالحجز ولا اسعار الاستلام الفورى ؟؟
لو اسعار التوكيل بالحجز والاستلام بعد 4شهرو يبقى الحمد لله رب العالمين انى محجزتش كورولا

أنا اتصلت على الرقم اللي أنا كاتبه في الموضوع (19292) يا ليمو

ممكن حضرتك تتصل وتشوف إيه الوضع.. بانتظار الأخبار منك يا صديق :)

المشاركة الأصلية كتبت بواسطة Omarmax

كده كتير أوى الاسعار دى عالية جداً ......وسيكون لها تأثير على مبيعات الكورولا لصالح انواع اخرى من السيارات.................وحتفقد كورولا التوازن الى كان عندها فى السعر والجودة والقدرة على منافسة الموديلات المماثلة لها وكان السعر اعلى شوية من الماركات الاخرى ولكن الجودة كانت بتعوض الفارق ولكن الان السعر بعيد جدا جدا عن الموديلات والماركات الاخرى.
عمر

ده مش بس كده يا أستاذ عمر... دي فقدت الاتزان إنها تاخد قرارات صح في التسويق
وفعلا كده هي بقت في منافسة مش في صالحها

المشاركة الأصلية كتبت بواسطة new

ده اسمه هبل 167000 للكورولا الجنوب افريقى ليه يعنى !!!!!!!!!
ما الواحد يشتريها خليجى و هاتبقى على الاقل يابانى 100 % وموضوع الضمان ده مش قضيه لأن التويوتا 1 X المليون لما بيكون فيها عيوب صناعة . وبعدين موضوع التوكيلات دة جديد على مصر ماهو فى التمانينات كانت كل العربيات بتيجى من الخليج وكانت ذى الفل ومن غير ضمان ولا توكيل ولا يحزنون . وخلى توكيل تويوتا فى مصر يشربها مدام الاستغلال وصل للدرجه ديه


وبعدين ما الواحد يشترى التحفه الجديدة (الجيتا) ب 166000 جميع الكماليات و ستيبترونيك وبالضمان كمان و برقبة عشرين كورولا

اشرف

معاك حق يا أشرف..

إيه رأيك نشن حملة مقاطعة البضائع التويوتاوية ؟؟؟؟ :) أنا باتكلم جد مش هزار

بأنتظار آرائكم وتعليقاتكم

أولا احب اوضح اني لست مع زيادة السيارات اين كانت

ولكن مش المفروض ان احنا نردد ورا بعض اللي احنا مش عاوزينه بدون تدقيق في الوضع

يعني اعذروني انتم قولتم الجيتا بــ 166 الف فيها كل الكماليات

اولا الجيتا بــ 169 الف من الوكيل اول موديل اتوماتيك بس

ماشي عاوز تقارن قارن باول موديل للكورولا اللي هيا اتوماتيك برضه اللي بــ 137900 الف

يعني فرق بين العربيتين حوالي 31 الف جنيه


الكاملة بتاعت الجيتا بـــ 200 الف وشوية كمان
الكاملة بتاعت الكورولا بــ 167 الف زي ما انتم بتقولوا بس مش عارف ده حجز ولا استلام فوري

المهم ان احنا بنقارن بعربيات بعيده جدا عن السعر اللي احنا بنتكلم فيه
مينفعشي اجيب عربيه كامله اقارنها بعربيه فاضيه او مش موجود فيها نفس الكماليات

ويمكن هو الموضوع صعب علشان احنا متعودناش ان الكورولا توصل للأسعار دي
ولكن مننساش ان العربيه اول مره تنزل بالأوبشن ده والكماليات دي
فطبيعي تروح لفئة سعرية تانيه غير اللي كانت فيها

وبعدين انتم مش حاسين ان العربيات كلها طلعت وبقينا بنتكلم فوق الــ 100 الف كأنها عادي ودي الفئة المتوسطه في العربيات

وشكرا لكم

المشاركة الأصلية كتبت بواسطة wawoo

بيقولك الاسكوتر حيرخص ...ههههه
و دى مفجائة 2008

دي أولا يعتمد على ماركة السكوتر وموديله... وإذا كان جر أمامي وللا دفع خلفي وللا فور باي فور :)

بانتظار أسعار قطع غيار السكوتر يا واو :) :) :)