أنا أول مره أدخل الموقع ده و عجبني أوى ان كل اللى هنا بيتكلوا عالفاضى (أو أغلبهم) نص اللى بيتكلموا أصلا لا بيفكروا يشتروا كورولا و لا حايشتروها أصلا و نصهم يمكن أصلا ما شفهاش ...
أنا عندى الكورولا الفول أوبشن 2008. و جبتها لإستلام فورى 167000 فى أول مارس من عند موزع و بتاعة الوكيل. أنا معرفش إذا كانت فعلا غليت أمتر ولا إيه كل حاجه وارده.. بس اللى أنا اقدر أقوله عن تجربه إنها تستاهل.
العبيه دى برقبه اللانسر و السيفيك . الهاف أوبشن بتاعتها فيها أوبشنز أكتر من السيفيك أساسا.
أنا قبل مادفع المبلغ الكبير ده فى عربيه قعدت 3 شهور أقارن لحد ما أستقريت عليها. الجيتا و الفيكترا و السكودا اللى فيهم نفس الأوبشنز أغلى بكتير قوى. مش أقل من 30,000 فرق. و ده أكيد.
بأمانه العربيه معايا بقالها شهر، و تستاهل و الحاجه الوحديه اللي مش عجبانى فيها صوت الكلاكس اللي عامل زى الموتوسيكل ده. غير كده ممتازه
المفضلات