طالما الموضوع ديمقراطية: يبقى أنا مش عاجبي تكرار " وائل غنيم " عبارة لا تجعلوا مني بط

**bemocarlo** · 08-02-2011 08:46 PM

وائل غنيم بطل!انكار الذات دي قمه البطوله.عدم الانانيه قمه البطوله؟الوطنيه اللي ماليه قلبه وعقله قمه البطوله.الراجل ده ربنا مديله وانعم غليه بكل حاجه.فلوس وربنا يبارك له فيها.عمل وربنا يزيده كمان وكمان.position وربنا يوفقه ويبقي مدير جوجل نفسها.كل ده نسيه واتحبس والله اعلم اتعامل ازاي جوه.وكل الامور دي بتحصل لبطل في العقد الثالث.انا اسف .وائل بطل لا بل هو سيد الابطال كمان وربنا يزيد شباب مصر من امثاله وانتو تشوفو بلدنا هتبقي عامله ازاي.
bemo,ire

**M.Osman** · 08-02-2011 09:05 PM

المشاركة الأصلية كتبت بواسطة SeiffoZ

و ليه تحتقر نفسك ؟؟؟ يا عم عثمان

..

مش شرط إنك منزلتش المظاهرات أو محركتش ثورة يبقى إنت مش وطنى أو تخاذلت .. لأ

إن نزلت تحت بيتك عشان تحمى الممتلكات العامة قبل الخاصة .. رغم إنك ممكن تكون قافل على عربيتك فى الجراج بباب حديد و قاعد فى الدور ال12 معاك سلاح و قافل عليك و مستحيل تتسرق ...

كان ليك دور مهم إنك تحمى الناس إللى ولادها مسافرين أو إللى ولادها متجوزين و عايشين فى حته تانية و لا حول لها ولا قوة ..

كان ليك دور إنك تحمى أهالى الشباب إللى فى التحرير أو فى التظاهر فى وقت الشرطة مش موجودة ..

فى الحروب الجيش إللى بيحارب و فى شوية متطوعين بيروحوا يحاربوا بلبسهم المدنى ... ممكن تلاقى ناس تانية متروحش ... لاى سبب .. و إحنا إللى نروح ....

ممكن إنت مايكنش ليك فى المظاهرات أصلا و مش بتاع إعتصامات و يسقط يسقط .. ليك دور تانى .

المجتمع مابقاش زى زمان وقت الأزمة كله بيعمل حاجة واحدة ... لازم يفضل إللى يأمن الغذاء و إللى يأمن الممتلكات و إللى يأمن الماء و إللى يأمن الكهرباء و الأمن و إللى وإللى

بس كده .. إرفع راسك ....

يمكن خانني التعبير يا سيف
بس قبل 25 انا مكنتش وطني خااالص

بجد و الله ..
كنت فاقد الأمل تماااااماً في البلد و الشعب ده و كان تفكيري ان مع اول فرصة عشان اكمل حياتي برة مصر .. هيحصل .. (دا يا راجل انا كنت كاتب في البروفايل بتاعي عالفيس بوك في political views ياكش تولع ) !!

كنت بايعها تماماً ..!

لكن بعد الأحداث دي
لما تشوف جيرانك اللي كنت بتتخانق معاهم كل شوية .. بقيت واقف سهران معاهم
لما تشوف واحد زي وائل غنيم في منصب زي ده و الخ الخ من المميزات اللي تخليه ولا يفكر في مصر اصلاً ... بيحب مصر ازاي و عمل اية

و حاجات تانية كتير

يبقى ستوب

انا فعلاً كنت مغيب او مغمض عيني

==================
عاش شعب مصر!!

**osoliman88** · 08-02-2011 09:55 PM

المشاركة الأصلية كتبت بواسطة osoliman88

لا أحد ينكر ما فعله وائل غنيم
ما من أحد إلا وبكي بكاء شديدا أكثر من مرة في برنامج العاشرة مساء
ولكن..
بصراحة أنا ما كانش عاجبي كل شوية يقول " أرجوك لا تصنعوا مني بطل" وتكرارها بمناسبة وبدون مناسبة أكثر من عشرين مرة، على الرغم من أنه لم وصفه أحد بالبطل. المهم ... قلت مش مشكلة ربما يكون مشوشا نتيجة للضغوط الرهيبة التي مر بها، ثم يعود للإتزان مرة أخرى.
ولكن اليوم يقوم بتكرار نفس العبارة في قناة ontv , في لقطات على قناة الجزيرة. أرجو أن يتوقف عن إعادة هذه الكلمات، لأنه قد يشعر بها البعض أنه يريد الناس أن يصفوه بهذه الصفة. كما أن الأبطال الحقيقين - بلا نزاع - هم الشهداء والمصابين والمشاركين بالفعل في هذه الثورة ، أكثر ممن حرض لها ، بلا شك، وهذا ما يقوله وائل غنيم .

أنا ترددت كثيرا في كتابة هذه الكلمات ، خوفا من الهجوم من الآخرين الذين قد يسئوا فهم كلامي.

أرجو ألا أكون أغضبت أحد ، فهو مجرد رأي شخصي يحتمل الصواب والخطأ

أن أؤمن تمام الإيمان بالحرية في التعبير عن الرأي
ولكن قرات بعد التعليقات - وهي قليلة جدا - التي خرجت عن اللياقة في الرد
والكثير من الردود كانت على مستوى المسئولية على الرغم من الإختلاف في الرأي وهو أمر عادي.
بس عندي رجاء لماذا أشعر بأن هناك ردود تكون على العنوان دون قراءة الموضوع:
يعني ماذا كان سيحدث لو قلت عكس ما هو باللون الأزرق في الإقتباس من نص الموضوع.

على العموم الإختلاف في الرأي لا يفسد للود قضية.

**shaddadfalcon1** · 08-02-2011 10:37 PM

انا عندي سؤال

النهارده شديت مع حد في الشغل لانه قال المفروض بعد اللي حصل ده اي بني ادم محترم وعنده دم ينزل دلوقتي

انا بصراحه منزلتش اي مظاهره في حياتي ومليش فيها نهائي واهلي بصراحه مش بيسمحو نهائيا ان اشترك في اي مظاهرات وبصراحه انا شايف ان طاعتي ليهم اهم من اي مظاهره

بس السوال هل لو انا منزلتش اي مظاهرات نظر للي قولته وظروف شغلي واني بخاف اسيب اهلي ومراتي لوحدهم او ان حد يبهدلهم بسبي ابقي كده مش وطني ومعنديش دم؟
مع اني معاهم كل ثانيه ومتابع والله العظيم بدعيلهم في صلاتي وفرحان جدا للي الشباب بيعملوه ونفسي يوصلو للي الكل عايزه وهو ان مصر تبقي اعلي دوله في كل حاجه والمصري يبقي ليه احترامه وهيبته في كل حته

ارجوكم جاوبوني