موضوع مهم خاص بالبيع و الشراء .... يرجى الإنتباه جيداً

**أشرف العدوي** · 08-02-2011 04:19 PM

و انا باخد لفة في منتديات متعددة
لقيت أشي ساعات و نظارات و موبايلات بأسعار أقل من الطبيعي
قولت يمكن الناس مزنوقة و بتبيع بأي ثمن و ده أحتمال
و أفتكرت بردو المحلات الي اتنهبت و قولت جايز بردو

فلراحة البال للبائع و المشتري
ياريت الي بيبع حاجة يوضح إذا كان معاه فاتورة بيها و لا لاء ( طبعاً من الحاجات الجديدة الحديثة ) مش مثلاً تليفون نوكيا 5110 و حد هيطلبله فاتورة

و الي بيشتري يتاكد ان الحاجة دي تخص الشخص فعلاً عن طريق فاتورة او بوليصة شحن اي اثبات يعني

و أن شاء الله الايام دي تعدي على خير

**heshamzaky** · 08-02-2011 04:24 PM

تصدق ناحية الدقى فى الايام الى فاتت ناس كانت بتبيع تلفزيونات lcd ب 300 جنية دى أكيد كانت طبعا منهوبة و مسروقة و محدش أشترى لآن الناس فهمت أنهم مسروقين و حرام

**أشرف العدوي** · 08-02-2011 08:08 PM

اه انا في ناس صحابي من ناحية وكالة البلح
بيقولي البدل و الجزم كلها ماركات و الجواكت اغلى حاجة بـ 200 جنيه انا ما شوفتش بعيني غير الي لقيته على بعض المنتديات