الموضوع: ايه رأيكم في سخان توشيبا او أريستون؟ حد جربهم؟؟؟ الدنيا مظاهرات بس انا عايز استحمى

المشاركة الأصلية كتبت بواسطة د.أحمد عبد الرحمن

القول الفيصل في الموضوع
هل بيشتغل على ضغط ميا قليل جدا ؟؟؟؟


وهل مثلا لو فتحت الساقع والميا ضعيفة حيطفي ؟؟؟

اكيد طبعا ماهى دى الميزة اللى فى تكنوجاز وموش موجودة فى الانواع التانية
توكل على الله وهتدعيلى

إشتريت سخان وايت ويل لما جيت أتجوز من 6 سنوات ، لأن شكله الخارجي حلو ، وكمان علشانبشوف منتجات الشركة من الثلاجات كبيرة الحجم فقلت أكيد الشركة دي كويسة. ضمان السخان 7 سنوات. الجهاز بيحصل ليه كل سنة عطل أو عطلين وبصراحة خدمةالعملاء كانت كويسة ، كنت باتصل بيهم بيجوا بسرعة ويغيروا العطل ، ولكنعندهم الفنيين مش بكفاءة عالية ، لأن ممكن فني واحد يجي من الشركة يشخصالعيب بحاجة معينة ، ولما واحد تاني فني من عندهم يجي يركب القطعة المعطلة يلاقيتشخيص العطل مختلف عن تشخيص الفني الي جيه قبله. المهم كل ده مش مشكلة

، في السنة الأخيرة من الضمان الي هي السنة السابعة حصل عطل في الجهاز ، الجهاز كان بينقط مايه وفيه صوت تنفيس ، اتصلت بالشركة وجيه الفني قالي أنه محتاج قطعتين بحوالي 280 جنيه ، وكمان رسوم الزيارة أصبحت 40 جنيه ، فأنا قلت له أولاً الجهاز لسه في الضمان ، ثانياً لو هدفع 320 جنيه يبقى اشتري جهاز جديد أفضل. اتصلت بالشركة كذا مرة وفي الآخر قالوا لي إحنا هنغيرلك الجهاز الي عندك بجهاز جديد موديل 2012 وتدفع نصف ثمنه فقط 350 جنيه. قلت لهم ماشي مش مشكلة ، بدأت الأيام تعدي وكل لما اتصل بيهم كل ثلاثة أيام يرد علي شخص من خدمة العملاء أو الصيانة ويقولي معرفش حاجة عن الشكوى مش مسجلة عندي ، المهم يسمع مني الموضوع كاملاً ثم يقول لي هنتصل بيك ، وما حدش يتصل. ونكرر الموضوع تاني كل كام يوم. الموضوع ده حصل حوالي 3 أو 4 مرات في مدة 20 يوم أو أكثر. وحتى الآن لم يتم الإستبدال أو حتى حد يتصل بيا. الوحيد الي بيتصل بينا هو الفني الي جيه شخص حالة السخان ، يتصل يقولي ها يا فندم حضرتك هتصلح الجهاز ، أقوله لأ أنا مش هصلح الجهاز هما بلغوني أنهم هيغيروه وأدفع النصف ، غير كده هاضطر أني أشتري أي ماركة ثانية. والله أنا ترددت قبل كتابة الموضوع ده ، ولكن كتبته فقط لعل حد منكم يستفاد من التجربة ، والله من وراء القصد والله على ما أقول شهيد.

محمد إبراهيم من حلوان – mohamed75@gmail.com

توكل علي الله في التوشيبا
هو رخص فعلا .انا كنت جايبه ب ١٠٥٠ جنيه ٥٥ ليتر
انا كنت جايبه من ٥ سنين و شغال تمام
بس نصيحه اخويه من مهندس كهربا لو هاتجيبه كهربا مش غاز يبقي يفضل شغال علي طول ما يفصلش
و ده مش كلام نظري بس- ده عن تجربه كمان
و ساعتها اواكدلك انه هايستهلك كهربا شهريا اقل من التلاجه مثلا