الموضوع: انت زعلان من تصرفات اللي في التحرير-ناوي تعمل ايه ؟

المشاركة الأصلية كتبت بواسطة jojajo

ياجدعان العيال اللى فى التحرير دول كلهم طريقة كلامهم واحدة وكلهم مش عايزين يفهموا انا شايف اللى عايز يروح يروح واللى عايز يقعد يقعد وكل واحد هيروح هو متحمل النتيجة كلها ومحدش عارف اية اللى ممكن يحصل العيال دية عايزة تقضى على البلد يعنى بدل ما البلد فيها الروح وبتقوم هما بيقوللها لا مش عايزينك ده اول حاجة
تانى حاجة العالم دية مش بتفهم والله لازم الشرطة او الجيش ينزلوا بقى ويضربوا فى العيال دية هما فاكرين نفسهم فاهمين فى السياسة واحب اقول لكل واحد من العيال اللى فى التحرير انت لو الحرب قامت احنا هنشوفك تحت السرير ولا واحد من دول يستعد انه يروح يحارب لانهم من الاخر عيال مش متحملين المسؤلية اللى احنا فيها يعنى لو البلد باظت احب اقول ان اى واحد فى التحرير الناس بنفسها هتنزل تاكلها اكل محدش هيرحمهم والجيش لغاية دلوقتى بيطبطب عليهم واللى عايز يروح قصر الرئاسة بروح يكش كل اللى فى التحرير يروحوا والحرس الجمهورى والجيش يقلبوا الضرب على شوية العيال دية بجد حرام حال البلد وقف محدش عارف يروح ولا يجى

ل طبعا محدش يقبل اللى حضرتك بتقولو دا اللى فى التحرير دا خويا واخوك وابوك وامك وخالك وعمك وبصوره او بأخرى هتلاقى بينك وبينه صله مش معنى انو مش متفهم الوضع كويس او مختلف معاك فى وجهت نظرك يبقى يدور فيه الضرب فى اساليب تانيه تفهمه بيها

المشاركة الأصلية كتبت بواسطة jojajo

ما المشكلة ان كل الاساليب اتعملت معاهم انا بس عايز اقول حاجة البت بتاعت حركت 6 ابريل دية لما اتحبست قال والله انا معملتش حاجة ومش عارف اية وامها بعتت للرئيس قالتله دية زى بنتك ومعلش والرئيس خرجها جاية دلوقتى تقول لا مش هنقبل الحوار لما لقيت نفسها معاها ناس فا دية اول حاجة تانى حاجة انا مش عارف لية كل واحد وكل واحدة بيتكلم على الجيش كانه ابن عمه ولا حاجة ده مفهوش هزار مش رايحين نعمل فيلم رامى الاعتصامى الجيش فعلا يقدر يضرب وعنده كل الصلاحيات انا بالذات عارف يعنى اية جيش الجيش ممكن دلوقتى اه يعمل حبيبك وكدة لكن اول ما ا...لاوامر تجيله ولا يعرف امه ولا يعرف خالته ولا يعرف اى حد لان ده هيبقى اوامر واللى مينفذش الاوامر دية فى وقت حرب بالذات بيبقى اعدام يعنى مش كل واحد يكلمنى على الجيش كانه اخوه وعايز اقول حاجة شوية العيال اللى فى التحرير دول والله كمان مرة حلال فيهم الضرب دول شوية ناس همج اية استولوا على الميدان خلاص تانى حاجة انا مش عارف اهلهم سيبنهم لية كدة وبعد ما يموتوا يقولك شهداء شهداء مين ياعم الحج دول شوية عيال هيبوظوا البلد

30 سنه فى الحكم تعمل فى الناس اكتر من كده

شكرا يا مستر حسنى على اللى عملته فى الناس

الفكره مش إن تكون مع أو ضد

الفكره إنك تكون محترم و تقدر و يبقى عندك إحساس

بلاش إسفاف و كلام عقيم

ربنا يرحمهم جميعا

هنقول إيه في بعض الناس لما مات 1034 واحد غرقااا في العباره و بعديها بإسبوع كانوا بيفرحوا بكاس أفريقيا

ال30 سنة أكبر إنجازتها إن الإنسان بقى مالوش قيمة مافيش كرامه للمواطن مافيش تقدير ليه

المشاركة الأصلية كتبت بواسطة jojajo

ياجدعان العيال اللى فى التحرير دول كلهم طريقة كلامهم واحدة وكلهم مش عايزين يفهموا انا شايف اللى عايز يروح يروح واللى عايز يقعد يقعد وكل واحد هيروح هو متحمل النتيجة كلها ومحدش عارف اية اللى ممكن يحصل العيال دية عايزة تقضى على البلد يعنى بدل ما البلد فيها الروح وبتقوم هما بيقوللها لا مش عايزينك ده اول حاجة
تانى حاجة العالم دية مش بتفهم والله لازم الشرطة او الجيش ينزلوا بقى ويضربوا فى العيال دية هما فاكرين نفسهم فاهمين فى السياسة واحب اقول لكل واحد من العيال اللى فى التحرير انت لو الحرب قامت احنا هنشوفك تحت السرير ولا واحد من دول يستعد انه يروح يحارب لانهم من الاخر عيال مش متحملين المسؤلية اللى احنا فيها يعنى لو البلد باظت احب اقول ان اى واحد فى التحرير الناس بنفسها هتنزل تاكلها اكل محدش هيرحمهم والجيش لغاية دلوقتى بيطبطب عليهم واللى عايز يروح قصر الرئاسة بروح يكش كل اللى فى التحرير يروحوا والحرس الجمهورى والجيش يقلبوا الضرب على شوية العيال دية بجد حرام حال البلد وقف محدش عارف يروح ولا يجى

كلمة عيال اللى انت بتقولها مستفزة جدا ومش هاقدر ارد عليها لان الرد هنا مش مناسب ياريت تحسن اسلوبك فى الكلام على ناس هما اطهر ناس شافتهم مصر منذ اجيال طويلة

المظاهرات مش بس فى التحرير لكن الاعلام مركز عليها المظاهرات الحرة فى كل انحاء مصر ومن كل فئات الشعب
تعالى اسكندرية تشوف اشراف واحرار كل يوم بتنادى بالحرية ياريت تقف وسطهم يا راجل وتقول عليهم عيال هايثبتوا لك ساعتها اد ايه هما رجالة .............