الموضوع: انت زعلان من تصرفات اللي في التحرير-ناوي تعمل ايه ؟

الجيش صعب يضرب نار على المتظاهرين لاسباب تاريخيه

من اول ان الجيش تقريبا الحاجه الوحيده اللى الناس بتثق فيها

لو الجيش استعمل القوه هتكون حرب شوارع
ومن المعروف ان فى حرب الشوارع القوات النظاميه تخسر

بس الضحايا هتبقى كتير -- كتير يعنى كتير

وده مع اول واحد يفقد اعصابه

فيه حاجه كمان الظباط اللى على الدبابات والمدرعات قالوا صراحه والدمزع فى عيونهم حتى لو فيه اوامر بضرب النار صعب جدا اضرب اخويا

مش عارف اللى هيحصل

بس كلام عمر سليمان عن انقلاب يرجح ان هيبقى فيه عصى موسى

المشاركة الأصلية كتبت بواسطة m.mostafa80

للأسف السنريوهين اسواء من بعض لو نفذو على ارض الواقع
سواء طاعه الرئيس
اواعلان الأنقلاب على الحاكم العسكرى ويصبح الجيش المتصرف الأمر الناهى

فعلا وده ألي بنحاول نوضحه للناس من أسبوع تقريبا وفي الأخر يقولوا ضد الثورة أحنا عايزنها أنتفاضة أو ثورة مطالب
مش لازم نوصل لتونس والبهدلة ألي فيها
وبعدين أيه ألي مصور للناس أن الدولة مخالبها كسرت دي ثورة كانت سلمية يعني القوات الأمنية بصحتها زي ماهي أيه يعني كام عربية أتكسرت ولا كام قسم أتحرق
ده المفروض يطمنا أكتر لوعود عمر سليمان وأحمد شفيق .....لأنهم كفوا أزى الشرطة عنن المتظاهرين تفتكروا أنه ماعندوش القدرة يستخدمهم كورقة لأرهاب المتظاهرين ياجماعة بلاش نحطهم في طريق مسدود
الناس بدأت تعمل أصلاحات كتيرة في البلد وبعدين ماعهمش مصباح علاء الدين علشان يصلحوا ما أفسده الدهر في 30 سنة في شهر

المشاركة الأصلية كتبت بواسطة ghamrawy

يعنى الجيش يعمل ابادة للشعب و جماعات حقوق الانسان و الامم المتحدة حاتقف تتفرج ؟
لا اعتقد يا دكتور و عندنا السودان اقرب مثال
دول طلعوا عمر البشير مجرم حرب وحبسوه جوه بلده

الجيش عمره ما هيعمل اباده للشعب لكن هيحكم البلد ويأمن امنها القومى الداخلى والخارجى
وفى الحاله دى حنخسر كل المكاسب اللى انا من وجه نظرى المتواضعه شايف انها هتتحقق
هنخسرها هتقولولى فين الضمان هقولكم صحوه الشعب اللى فاق خلاص وفهم وعرف السكه فين
صدقونى اللى بيدوق طعم الحريه مابيفرطش فيها لو الحكومه الحاليه والوعود اللى وعد بيها متحققتش
بجد الناس مش هتسكت وهتبقى اكبر من المره دى واللى بيقولو لأ مش هيطلع 25 %من اللى طلعو لأ بقولك هيطلع 1000% من اللى طلعو والضامن هو الله فى كل شئ
ونهايتا احب اقول ان اللى ربنا عايزه هو اللى هيكون بس ياريت نبقى ازكيه ونعرف نستخدم الكارت الربحان معانا ونقعد لهم بالمرصاد لما نلاقيهم تخاذلو عن الوعود نقف نفس الوقفه تانى والشرطه خدت الدرس واتعلمته كويس خلاص مش هينفعو يقفو ضددنا تانى ومش هينفع يستخدمو اسلوب الترويع والأرهاب اللى استخدموه المره دى وقدرو يشتتو البعض لحمايه نفسه وممتلكاته لأنها هتبقى لعبه قديمه
واهم شافو المره دى ايه اللى حصلهم نزلو مكسورين الجناح وللأسف مش عارفين يقومو بشغلهم زى الأول لأنى بدأت اشوف همجيه بعض الشعب فى التصرفات بسبب غياب دور الشرطه فى الشارع

المشاركة الأصلية كتبت بواسطة metenawy

اعتقد ان هناك فرق بين ان تكون ورقة ضغط علي مبارك لينفذ مطالبنا و انك تعتصم عشان يرحل داه معناه ان مش فارقا معاك المطالب او تنفيذها بدليل انك بتطالب الي المفروض يحققها انه يمشي اما موضوع ان الاصلاحات البتحصل بسبب المعتصمين و ان لولاهم لكان النظام معملشي حاجة فانا شايف انه راي غلط لان اي اصلاح او تغير في الاشخاص و السياسة وللرموزالنظام كانت بسبب شباب 25 و 28 يناير مش العملين مولد في التحرير

يا استاذ لحد اول امبارح عمر سليمان بيقول الشعب المصرى غير موهل للديمقراطية

و النهاردة فى انتقادات لموقف عمر سليمان بان تصريحاتة غير مفيدة

وانقل ليك و صف جريدة امريكية

وصفت صحيفة "نيويورك تايمز" الأمريكية وعود عمر سليمان نائب الرئيس مبارك للمعارضة بـ"الوعود الفارغة"، مشيرة إلى أن سليمان يتحدث مع الأمريكان والغرب بلغة لطيفة ومهذبة، في الوقت الذي يحاول فيه المحافظة على النظام القمعي للرئيس مبارك


مش عارف لية الثقة لبعض الناس فى النظام رغم افعالة
وتصريحاتة الواضحة