الموضوع: حبة حاجات مضايق منها فى هوندتى

وائل باشا يارب تكون خير انا قريت المشاكل كلها وخير كلها حاجات بسيطة وانا هجاوبلك على كل سؤال :

1: بالنسبة للاربى ام انة يكون على 1.5 والعربية باردة وبعد كدة ينزل ل0.9 او 850 لفة كدة الطبيعى والصح

2: بالنسبة لموضوع الاربى ام انة بيزيد او ساعات بيبقى طبيعى لما تيجى تنقل على الd هو المفروض انة يقل شوية يعنى لو مثلا هو على 850 لفة هيبقى على 700 لفة وبعد كدة يرجع تانى لوضعة الطبيعى ودة حلها ( سلك الفتيس اللى واصل بالماتور عايز يتظبط )

3 : بالنسبة لموضوع الاربى ام مع الفرامل او مع التهدية حلة ( انك تاخد هواء من فرامل الاربع عجلات - اتاكد من ربط مشترك الفرامل كويس وان مافيش حاجة مرشحة زيت باكم- احكام ربط بلف الايدل كنترول وان الجوان بتاعة كويس )

4: بالنسبة لموضوع مسمار الفاكيوم انت بتظبط المسمار لحد مالمكنة تتظبط خليط هواء وبنزين وممكن تروح لواحد تظبط عندة الكلام دة بجهاز اسمة ظبط فاكيوم السيارة واظبطة بس بعد ماتفك ال( throttle body) وتنظفة كوبس ب wd 40 وبعد كدة ببنزين او جاز , وتنظف بلف الايدل كويس تانى وفية عندك o-ring صغير فى مسمار الفاكيوم دة بتغيرة وبتجيب واحد جديد وبيركب وبعد كدة ممكن تقفلها باى خليط يعمل العجينة دية وغالبا بيبقى كاوتش مطاط دة بيتباع فى انبوبة تمنها 8 جنية

5: بالنسبة لماسورة الفلتر دلوقتى انت محتاج من الماسورة انها تكون اصلية لو مش لاقيها او مش عارف تعملها يبقى هتجيب الماسورة بتاعة العمة الاصلية لماتورك وهتركبها وعليها الفلتر , وفعلا هية لازم يكون ليها فايظ هواء عشان مايكتمش المكنة

اى استفسار احنا فى الخدمة ياعم وائل

المشاركة الأصلية كتبت بواسطة Waelemam2008

والله يا سامح باشا انا غلبت فى الموضوع ده لما بزبط السلك موضوع ال rpm بيتظبط بس النقلات بتهيس والكيك داون بيجى فى اول الضغط على الدواسه مببقاش عارفه مكانه فين بالظبط :D

اظبط السلك صح وانت هتستريح وعشان تظبطة صح اعرف ان التانى لازم يجى عندك عند 2500 لفة


كالعاده برضه احب اقولك انى غيرت مشترك الفرامل وغيرت زيت الفرامل وخدت هوا من الاربع فرد ولسه المشكله موجوده بس هيا راحت لما الميكانيكى لعب فى مسمار الفاكيوم :D ورجعت تانى بعد ما انا لعبت فيه شويه برضه

طيب كويس انت بتقول راحت لما مسمار الفاكيوم اتظبط ودة معناة ان الماتور عدد لفاتة منخفض وعشان تظبط عدد لفات الماتور صح نظف البوابة كويس جدا وحط الماتور على جهاز اسكانر او كاشف اعطال وخلية يظبطلك الtps على الجهاز ويشيلك ال errors وانسى


طيب لو الهوا مش مظبوط مع البنزين العربيه المفروض تاكل بنزين انا العربيه عندى بتعمل 200 كيلو جوه البلد و300 على الطرق السريعه ...وانا لما انضف الثروتل بودى افك البوابه كلها ولا وهيه راكبه واضبط حوار الفاكيوم ده فين ؟؟ والرينج ده بيبقى تحت المسمار يعنى ولا فين ؟

كل دة هيبان لما تحط العربية على الجهاز هتعرف اذا كانت مظبوطة ولا لأ لان العربية مش قدامى ولازم اسمع صوتها واشوف نغمة الماتور ماشية ازاى

وبالنسبة للرينج دة حضرتك لو طلعت المسمار برة خالص هتلاقى فى اخرة الرينج دة ودة عشان يحكم الهواء كويس وعلى فكرة لو الرينج دة متاكل مش هيظبط العربية مهما عملت , وتنظيف البوابة فية حاجة اسمها ثروتل بودى اللى بيبقى راكب فية حساس الماب والtps وبكرة الاكسراتير


طيب ممكن اشترى اى ماسوره فيها مدخل للفايز هيه دى الاصلى ولا لأ .... وعندى صوت غريب الفلتر بيعمله عمرى ما سمعته فى عربيه مركبه فلتر اسبور قبل كده هل الصوت ده فعلا بسبب انى شايل الفلتر الاصلى ..؟ صوت زى الصفراه الخفيفه كده بيكون واضح قوى والعربيه بارده وبيقل شويه لما العربيه بتسخن بس مستفذنى جداا ومخلينى عايز اشيل الفلتر بس المشكله انى مش معايا الفلتر الاصلى بتاعها علشان شاريها كده


انت لو جيبت ماسورة العربية الاصلية هتلاقى فيها مخرج الهواء دة وركب عليها الفلتر الاسبور عادى جدا , ولو عندك الفلتر بيعمل صوت صفارة واضح والعربية باردة يبقى الفلتر دة مسدود وعايز يتنظف ونظفة وبالفرشة كدة من برة امسح علية بزيت باور وسيبة ينشف شوية وركبة

يا باشا انا بجد مش عارف اقولك ايه .... بجد لازم نعمل تفويض باسم عصابه الهوندا انهم يدولك توكيل هوندا بدل الفطيم ولا اقولك نطلع على

توكيل الفطيم نعمل مظاهره بما ان البلد دلوقتى اى حد مش عاجبه حاجه فيها او عايز يعمل حاجه بيعملوا مظاهره
ربنا يخليك ياباشا يمسكهولى بس ووعد منى هدخلك صيانة عندى اول مرة مجانا اظبطلك فيها العربية