جيتا 2008 هاى لاين أم سيراتو كوبية 2011 أعلى فئة ؟

**zoroisill** · 27-02-2011 11:20 PM

المشاركة الأصلية كتبت بواسطة rs12

اكيد لأ

لأن المقارنة ليست ما بين جيتا زيرو و بين سيراتو كوبيه زيرو

الجيتا مستعملة و المستعمل مهما كان مش مضمون 100%

السيراتو بضمان الوكيل 5 سنين يعنى راحة بال 5 سنين من مشاكل عيوب الصناعة و خلافه

الجيتا كعربية اكيد تكسب و دا بدليل ان ديه فئة و ديه فئة تانية

بس انا شايف المقارنة بصراحة صعبة و محتاجة تفكير كثيير

السيراتو عربية مش وحشة اطلاقا و بالذات الكوبيه .. شكلها حلو .. ماتور كويس .. اوبشنز كويسة

الجيتا عربية محترمة جدا و لكنها تنتمى لفئة تانية

اللى يرجح كفة السيراتو الكوبيه من رأيى انها زيرو يعنى راحة بال و ضمان 5 سنين

بس لو فيه جيتا مضمونة 100% يبقى الجيتا

و برضو يرجع لأستخدام صاحب الموضوع و دماغه زى ما الجيتا ليها مميزات .. السيراتو ليها مميزات برضو و اهمها قطغ الغيار الارخص نسبيا و ديه تفرق مع ناس كثير

شكل السيراتو من برة sporty اكثر و دا عشان هى كوبيه .. الجيتا elegant اكثر و دا طبعا مش عيب فى الجيتا

بالعكس يعنى ديع نازلة فى فئة مختلفة بتخاطب استخدامات معينة

اتمنى تتقبلوا كلامى بصدر رحب و شكرا :D

أشكرك على ردك - وأنا فعلا دى مشكلتى
أنا عاوز راحة بال والجديد هيفدنى فى الموضوع ده جدأ
انا حابب الأتنين جدأ بس مش قادر أقرر لحد دلوقتى بصراحة
العقل بيقول كوبية علشان جديدة وأبشنز وشكل وموتور وأرخص فى قطع الغيار
والقلب بيقول جيتا وألمانى وشياكة وفخامة

فى مقولة مشهورة تقولك You choose what you want or what you need
يعنى تختار ألى انت عاوزه ولا اللى انت محتاجة
انا عاوز الجيتا - بس محتاج الكوبية

**Mohab.Nabil** · 28-02-2011 11:46 AM

المشاركة الأصلية كتبت بواسطة zoroisill

أشكرك على ردك - وأنا فعلا دى مشكلتى
أنا عاوز راحة بال والجديد هيفدنى فى الموضوع ده جدأ
انا حابب الأتنين جدأ بس مش قادر أقرر لحد دلوقتى بصراحة
العقل بيقول كوبية علشان جديدة وأبشنز وشكل وموتور وأرخص فى قطع الغيار
والقلب بيقول جيتا وألمانى وشياكة وفخامة

فى مقولة مشهورة تقولك you choose what you want or what you need
يعنى تختار ألى انت عاوزه ولا اللى انت محتاجة
انا عاوز الجيتا - بس محتاج الكوبية :_alshmokh08[1]:

انا رأى ان حضرتك تستخير ربنا و تتبع عقلك و تتجه ناحية العربية الزيرو و اللى متمثلة فى الكوبيه

المستعمل مهما كان مش مضمون 100% و حضرتك هتبقى راكب و جواك شك برضه هتسمع اى صوت فى العربية حتى لو عادى هتضايق .. هتحصل اى مشكلة حتى لو بسيطة هتفكر و تفول ما كان ادامى العربية الزيرو و انا اللى جبت مستعمل

انا شايف فى بداية الموضوع ان حضرتك كاتب ان العربية هتقعد معاك 5 سنين يعنى ديه فترة الضمان بتاعت السيراتو الكوبيه

و بعدين حضرتك هتدفع مبلغ مش قليل برضه يعنى فعلا الموضوع محتاج دراسة و تأنى بس انا بصراحة برجح كفة الزيرو و انا هنا مش بقارن ما بين الجيتا و الكوبيه انا بقارن بين جيتا مستعملة و كوبيه زيرو

احساس ان تبقى اول واحد راكب العربية و متأكد ان العربية ملمستهاش ايد قبلك دا احساس يفرق برضو

و عايز اسأل حضرتك مفكرتش ليه فى الفلوينس و اللى تعتبر بديل جيد للجيتا من ناحية الفخامة و الشياكة و عربية اوروبى برضه او فى البرافو و اللى بتميل ناحية الشكل و الاداء الرياضى

انا مش عايز احير حضرتك اكثر بس الموضوع فعلا مش سهل و مش كل يوم الواحد بيجيب عربية جديدة

**Formulator** · 28-02-2011 12:45 PM

المشاركة الأصلية كتبت بواسطة 1.8Tee

الاتنين كسروا ال speed limit فى طرق حالتها صعبة.....دة كان قصدى بالغباء.
احساس الشر دة كان انطباعى من ردك......و ربنا يستر طريقنا جميعا :).

لو تعرف الحته اللى بقولك عليها فـ الدائرى... أسفلت كويس والطريق مكانش زحمة (بالليل متأخر)
سيبك أنت.. مش أنت الأستاذ M.Z بتاع قسم الميتسوبيشى..؟؟؟!!

عملت أيه فـ موتور الـ1.8 GSR اللى سقطته فـ الكريستالة؟؟؟! عايزينك تكملنا الموضوع فـ قسم الميتسوبيشى... بالتوفيق ان شاء الله.

**hpxp** · 27-02-2011 08:53 PM

غير كمان من ناحيه الالماني شوف المرسيدس الخنزيرة عايشه قلها قاااااااااااااااااااااام (كام) سنه

**tito_1980** · 01-03-2011 01:27 AM

لو الجيتا حضرتك ضامنها و ضامن صاحبها يبقي توكل علي الله فيها

**bero0o0o0** · 01-03-2011 01:44 PM

انا صوت لصالح الكوبيه عشان زيرو بصراحة
و برد النظر عن اللي قالوه بعض الاعضاء اللي مجربوهاش انا سقتها و لقيتها ثابتة
لكن انا لو قدامي الاتنين زيرو اكيد اكيد مش هروح اجيب سيراتو و انا قدامي جيتا