الموضوع: جيتا 2008 هاى لاين أم سيراتو كوبية 2011 أعلى فئة ؟

المشاركة الأصلية كتبت بواسطة snakeson2

المهم زميلنا لسة مأخدش القرار يجيب جيتا ولا سيراتو كوبية

عموما انا مش من هواة المقارنات بين الكوري والالماني ومش متعصب للالماني
بس نصيحة لوجة الله: الكوبية هتزهق منها بعد فترة صغيرة جدا . الجيتا هتحبها !!

هية دي ميزة الالماني ان فية علاقة هتكون بينكم !

أشكرك على ردك - بس بالنسبة لنقطة هزهق منها بعد فترة
السيارة كاشكل رائعة وكأمكانيات وموتور رائعة
أية الأسباب اللى هتخلينى أزهق منها أذا كانت أفضل من الجيتا فى الأمكانيات والموتور

- أعتقد الشى الوحيد اللى يخلى الواحد يزهق من عربيتة انها تكلفه فلوس وقطع غيار وصيانة
- أنا مجربتش مستعمل جديد من قبل علشان كده محتار لان الجيتا مش كسر عداد (دى أستخدام 3 سنين برضو مهما كان حالة العربية يعنى بتتكلم فى 40 ألف كيلو وأنت طالع)

جيتا حتي لو كانت مستعمله , عربيات شركه فولكس محترمه جدا و بتديك ثقه جامده و انت سايق سواء كان في الثبات و ده اهم حاجه في أي عربيه من وجهه نظري أو قله أعطال .

أنا ركبت الجيتا , ابيزا 2010 و سيراتو سيدان و سيفيك و السيراتو كانت اقلهم في الثبات بشكل ملحوظ و امتع واحده فيهم في القياده كانت الابيزا بتسارعها الملحوظ جدا و بثباتها الغريب .

لما تكون ٨٥ دى النسبة المئوية لصالح الجيتا مقبل لا شئ للكيا اعتقد الفرق واضح جدا بعدين اصلا متنفعش المقارنة دى حتى لو مستعملة

المشاركة الأصلية كتبت بواسطة ahmedsadek82

مش ممكن لحد النهارده لسه بنحاول نفهم ان الالماني مستوى و فكر مختلف في صناعة السيارات , يا جماعة مافيش منتدى في العالم بيناقش ان السيراتو احسن من الجيتا , يا جماعة الموضوع كبير في هندسة و كلام معقد اللي خلى الالماني في المستوى ده , لازم تكون سقت عشان تعرف الفرق او تصدق انه فرق كبيييييير ,,,

صح جدا طبعا
يا باشا انا اللي كنت بدافع عن الكوبيه و انا على فكرة راكب فكترا (يعني الماني)
و عارف الفرق كويس
انا برشح للراجل عربية تناسب ظروفه
مش بنقول مين الاحسن لان الاجابة معروفة طبعا
حضرتك بس مافهمتش الكلام كويس
لكن طبعا معاك في ان الالماني لا يعلى عليه

كل الشكر لكل الردود - وفى أنتظار المزيد من المشاركات

المشاركة الأصلية كتبت بواسطة formulator

انا بس عايز أقولك بالنسبة للـ ESP
أكثر السيارات احتياجا للثبات الألكترونى هى السيارات الـSuper-Sport
اثناء مراحل التطوير بيختبروا السيارة بـESP On و ESP Off
لازم العربية من غير ESP يكون أداؤها متماثل جدا كما لو كان الـESP شغال.. بالنسبة للـtest driver المحترف وطبعا بيستخدموا الـdata analysis لمعايرة كل الـparameters

عشان لما السائق الع ادى يسوقها تبقى calibrated بالـESP

لو عربية سيئة الأداء ولا ESP ولا حتى ASP هينفع معاها

يا بيه انا معاياه كوبيه خليجى واحب اطمنك انها الوحيده في فئتها الى فيها esp !!!! كوبيه التوكيل ضايعه وناقصه كماليات كتير !!!!بمافيها esp ........ الخليجى ب 131 الف يعنى كمان ارخص ....... ثبات وهمى .......جنوط 17 ... ابعد عن المستعمل وخليك فى الامان .... وعلى فكره الجيتا مكونات المانى تقفيل برازيلى .. وتعتبر عار الالمان لان الاصل هيا الباسات ... غير الشكل والسحب ... كوبيه برقبتها ... خلينى اقلك الكوبيه كوم وجميع انواع السيراتو كوم !!!!! العفشه بالزات !!!! خد بالك انا بتكلم على الخليجى كوبيه ... مش كوبيه التوكيل الضعيفه والى ناقصه كماليات كتير !!!! ده غير سعرها 140 الف ... نصيحه اخيره ابعد عن الجيتا لاتها تقليد فاشل للباسات بس بسعر اقل للى مش قادر على الباسات .... انما الكوبيه مش تقليد لحد انما شخصيه وشكل صارخ نتيجة قمة الابداع الكورى ... وبالتوفيق ...