للأسف أحيانا تختلط الحقائق بالافتراءات والافتراضات مما يجعلنا نخسر معاركنا ضد الفساد والمفسدين
فيه نقطتين بس هاتكلم عليهم هما اللي وواضحين بالنسبة لي لاني كنت متابعهم لاسباب خاصة ..
18- خصصت الحكومة 52 ألف فدان للملياردير الكويتى ناصر الخرافى – يحتل المرتبة الأربعين فى قائمة أغنى أغنياء العالم – فى منطقة " جرزا " بمركز العياط بالجيزة بسعر 200 جنيها للفدان ، يذكر أن الفدان كان يباع للفلاحين فى المنطقة المذكورة بسعر 15 ألف جنيها ، الكارثة أن المساحة المذكورة عبارة عن منطقة أثرية وبها هرمانمنهما هرم " سنوسرت " ..
الشركة المقصودة بالأرض بتاعت العياط هي الشركة المصرية الكويتية للتنمية والاستثمار وصاحبها من الجانب المصرى نائب مجلس الشعب عن دائرة دار السلام سوهاج (أحمد عبدالسلام قورة ) وليست الشركة القابضة المصرية الكويتية المملوكة للخرافي ومعتز الألفي وجلال الزوربا وآخرين، وبالمناسبة برضه المساحة مش 52 ألف فدان وإنما 26 ألف فدان وهي المذكورة في البند 12
4- خصصت الحكومة 9 آلاف فدان( 37.8 مليون متر مربع ) لهشام طلعت– أحد أركان لجنة السياسات بالحزب الوطنى والموجود الآن فى السجن بتهمة قتل سوازان تميم بعد أن هددت الإمارات بسحب مدخراتها إذا أطلق سراحه – فى منطقة شرق القاهرة لإنشاء منطقة سكنية باسم مدينتى بسعر يبلغ 5 جنيهات للمتر ، تقدر القيمة السوقية للمتر المربع بها بمبلغ 3500 جنيه مما أهدر على الدولة مبلغا قدره 28 مليار جنيه ..
المعروف ان تخصيص الأرض تم مقابل نسبة من الوحدات التي سيتم إقامتها وده من وجهة نظر أفيد للدولة ان مقابل الأرض قيمته هاتزيد مع الوقت وزيادة قيمة المشروع واللي هايختلف تماما عن قيمة الأرض وهي صحراء جرداء على بعد أكثر من كيلومترا من الطريق الدائري ومن وجهة نظر تانية شايفة انه كده تقسيط للتمن بدون مقابل "وجهات نظر"، المهم ان حكاية ال5 جنيه للمتر دي مش عارف اساسها ايه
لما اتعملت لجنة لتقييم الأرض السنة اللي فاتت بعد القضية الشهيرة، توصلت اللجنة ان قيمة سعر المتر وقت تخصيص الأرض في 2005 كان حوالي 297 جنيه وبالتالي قيمة الأرض كلها تقترب من 10 مليار وده الرقم اللي اتحط كحد أدنى للوحدات العينية في العقد الجديد "المطعون عليه برضه"
لو فرضنا ان سعر المتر 3500 زي ماهو مكتوب يبقى الاجمالي أكتر من 117 مليار مش 28 زي ماهو مكتوب؟!
المهم بقى ان سعر المتر النهاردة للأرض المترفقة الجاهزة في الشروق لا يزيد عن 1500 جنيه يبقى السعر في الصحراء اللي قدامها سنة 2005 كان 3500 جنيه؟؟ لو تفتكروا يا جماعة ان في الوقت ده كانت الشروق مالهاش سعر وكله بيقولك دي بعيدة، بعد ما ظهر مشروع مدينتي مش بس الشروق لا دي كمان بدر بقت تبيع وليها تمن على حس مدينتي!!
ده غير نقطتين كده شاكك فيهم ..
6- خصصت الحكومة 1500 فدان لشركة أرتوك بثمن بخس على طريق مصر الإسكندرية الصحراوى والتى يمتلكها كل من إبراهيم نافع رئيس مجلس إدارة جريدة الأهرام وحسن حمدى عضو مجلس إدارة الجريدة ورئيس النادى الأهلى
أعتقد ان ارتوك مملوكة لشفيق حبر مش كده ولا أيه؟؟
7- خصصت الحكومة 2045 فدانا بمبلغ 454 مليون جنيه لأحمد بهجت – أحد أركان الحزب الوطنى – من خلال شركته دريم لاند فى عام 1994 .. كان بهجت قد اقترض عدة مليارات من الجنيهات من البنوك المصرية ولم يتمكن من سدادها ووضع اسمه ضمن قوائم الممنوعين من السفر للخارج ، إلا أن جمال مبارك أخرجه للسفر إلى أمريكا للعلاج .. تفجرت قضية أراضى دريم لاند بصورة سريعة فى 2 يونيه 2008 عندما أعلنت الشركة المذكورة عن بيع 831 فدان وتقدر قيمتها السوقية بمبلغ 12 مليار جنيه وهو جزء قليل إذا ما قورن ببقية الأراضى المذكورة ...
هو أحمد بهجت من أركان الحزب الوطني؟؟؟
* سيد طنطاوى : شيخ الأزهر ، خصص له ولولديه - عمرو وأحمد - ثلاثة قصور فخمة وعلى مساحات واسعة بالتجمع الخامس ... كما حصل ولداه المذكوران على 220 ألف متر بالدخيلة بسعر 35 قرشا للمتر ، علما أن الأرض المذكورة قد نزعت ملكيتها من مالكها الأصلي ، لكنه مثل خالد فوده فى الفقرة 5 لا يملك أى جنسية أجنبية - كالتى يتمتع بها وجيه سياج - كى يستعيد حقه ! .. يذكر أن سيد طنطاوى نشأ فى عائلة معدمة فى قرية سليم شرقى بمركز طما بمحافظة سوهاج ..
مهما اختلفنا او ما اقتنعناش بأراؤه، بس مش قادر اصدق على الشيخ سيد طنطاوي الله يرحمه الكلام ده ..
....*
للتوضيح اكيد مش بدافع عن مبارك ولا عن اي حد من الحرامية، انما للأسف في الدوشة والجو الثوري الحقيقة بتوه ومابنبقاش عارفين مين الحرامي ومين الشريف
....*
أذكر نفسي وأياكم بقول رسولنا الكريم صلى الله عليه وسلم "كفى بالمرء إثماً أن يحدث بكل ما سمع"
المفضلات