Kia Rio vs. FSV

**zemanovaxxx** · 14-02-2011 03:42 PM

kdosoki باشا
والله فعلا إنت أفدتني كتير, مع العلم إن بعض المواضيع اللي كنت ذكرتها حضرتك أنا كنت مريت عليها بالفعل وليا فيها مشاركات
الريو فعلا سيارة مقابل سعر ولكن متنكرش معايا إن البريليانس ال fsv شكلها فعلا ملفت جدا ومع الكماليات اللي فيها واللي مش موجودة في فئات أخري من السيارات اللي سعرها أقل من 100 ألف(يعني مثلا الفرامل الـ ABS اللي مش موجودة ف عربيات كتير الفئة أقل من 100 ألف), ده يخليها مغامرة تستحق التجربة.
شاكر ليك جدا مجهودك الرائع, واسمحلي أضم صوتك لمؤيدي الريو
كده الـ FSV تلاتة: الريو واحد

**zemanovaxxx** · 16-02-2011 11:33 AM

إيه يا جماعة؟
الموضوع أنا عارف مش مهم بالنسبة لناس كتير, بس ساعدوني أخد قرار الشراء. إحنا إتفقنا علي كده من الأول

**i_samy** · 05-03-2011 11:01 AM

بعد تجربة لمدة 60 يوم متواصل للسيارتين
fsv تكسب بالتأكيد فى حدود الفئة السعرية لها و فئة سعة الموتور و الكماليات

أما بالنسبة لمسألة توافر قطع الغيار و معدل دوران سعر إعادة البيع فلصالح الكيا

**zemanovaxxx** · 06-03-2011 12:08 AM

المشاركة الأصلية كتبت بواسطة i_samy

بعد تجربة لمدة 60 يوم متواصل للسيارتين
fsv تكسب بالتأكيد فى حدود الفئة السعرية لها و فئة سعة الموتور و الكماليات

أما بالنسبة لمسألة توافر قطع الغيار و معدل دوران سعر إعادة البيع فلصالح الكيا

شاكر ليك مرورك
علي فكرة سعر إعادة البيع مش بفكر فيه أوي علشان أنا مش ناوي أبيع قريب, يبقي بالتالي ال fsv يعتبر الإختيار الأمثل بالنسبة لي.

**zemanovaxxx** · 06-03-2011 12:11 AM

كده الـ fsv أربعة : الريو واحد

إسمحولي بقي بما إني صاحب الموضوع إني أضيف صوتي للبريليانس
يبقي كده الـ fsv خمسة : الريو واحد

أنا شكلي كده خلاص هاشتري ال fsv إن شاء الله

**No Comment** · 06-03-2011 12:53 AM

السلام عليكم ... معلشى سؤال على السريع انت جربت ركوب الأثنين الأول .
انا مش هشكر ولا هزم فى اياً من الأثنين مع انى جربت سواقة الـ fsv قبل كدة ومجربتش الكيا ريو فمش هقدر اقولك انهى احسن .
لاكن بعد التجربة ممكن اقولك جرب ركوب الأثنين الأول علشان تستريح للأختيار النهائى بدون ندم لاقدر الله .