الموضوع: Kia Rio vs. FSV

بما إنهم متقاربين و لكل واحدة مزاياها وعيوبها ... روح المعرض جربهم ال 2 و اللي تستريحلها أكتر هاتها

ماتنساش:
1. صلاة الاستخارة
2. ماتستريحش لواحدة قبل ما تشوف ... يعني ماتركبش وانت عندك فكرة مسبقة إن دي أحسن و هجيبها عشان يبقى تقييم موضوعي

و ربنا يباركلك فيها و يرزقك خير منها

نصيحه مني متاخدش بان اللي قالك اعمل كذا يبقي عشان دول عددهم اكتر من اليل قالولك كذا يبقي تاخد بكلامهم ده مش مقياس شوف مزايا وعيوب كل واحده منهم وقارن بينهم وانا عن نفسي بما اني حجزت كيا ريو وكنت متابع الفتره اللي فاتت هقولك علي اللي عرفته ويارب اكون بفيدك

ضمان خمس سنين او 100 الف كيلو وده في باقي العربيات بتلاقيه تلات سنين بس

جوده التقفيل متقنه وعزلها نضيف جدا باكاد وانته قافل العربيه بتسمع الصوت بره لانها مستورده ومش مجمعه في مصر وجوده خامات التقفيل في رايي افضل انا بالصدفه امبارح ركبت البرليناز في المعرض اللي حاجز فيه وشوفت جوده الخامات اقل من ريو وخد علي سبيل المثال الايد بتاعه لفتيس والتابلوه وزراير التكييف بايين اوي الفرق في الاتنين

مرايات كهربا في الريو عكس المريات في البرليانز بتحركها بدارع من جوه مانيوال
عيب الريو الوحيد اللي اكتشفته انه نازله بدون انذار وبتركبه في التوكيل او بره زي ما تحب

ارجو انك تخلي المقارنه بالشكل ده وربنا يهديك للي فيه الخير

ربنا يوفقك للخير ان شاء الله ........صلاه الأستخاره

المشاركة الأصلية كتبت بواسطة zemanovaxxx

أحب احييك علي موضوعيتك ونصيحتك الغالية في الأول
طبعا أنا مش باعمل إستفتاء علي العربية دي أو دي, بمعني إن عدد الأصوات الأكتر لعربية معينة هو اللي معناه إن العربية دي أحسن, ولكن ده مجرد حاجة هتساعدني علي إني أخد قرار في ظل ما أنا فعلا محتار.
أنا متأكد إن العربيتين كويسين, وده اللي خلاني محتار في الإختيار إلي الأن, وإن كنت قد بدأت أميل للبريليانس فعلا, مش علشان شكلها أفخم وبس.
إسمحولي أشكركم علي مساهماتكم في الموضوع, جميع أعضاء نايل موتورز
تحياتي وانتظروا خبر شرائي السيارة قريبا جدا إن شاء الله.

الف مبروك مقدما