ايه رأيكوا فى بيان الرئيس؟؟؟

**AmAhmed** · 11-02-2011 12:14 AM

التحرك الي القصور بدون التاكد من موقف الجيش بشكل واضح هو مغامرة غير محسوبة العواقب قد تؤدي الي نتائج كارثية
انصح الجميع بالتعقل قليلا قبل البدء في المواجهة
و لا حول و لا قوة الا بالله

**تامر.محمد** · 11-02-2011 12:15 AM

المشاركة الأصلية كتبت بواسطة m7amd_7amdy

برده للأسف هيحصل غسيل مخ تااااااااانى زى الخطاب اللى قبله

وهنتحول لفريقين تااااااانى

وبعد كاااااااااااام يوم على ما أثار الغسيل تنتهى وتفوقوا تاااااااااانى

تبقوا مع الناس اللى فى التحرير لتالت مررررة

أنا مرارتى اتفقعت خلاص

ده اللي كنت هاقوله بالظبط
و فيييييييييييييييييييييين لما اثار الغسيل و الناس تكتشف انه سلمنا لصبيه اللي مش فارق عنه حاجة , عميل تاني لأمريكا و اسرائيل و علاقاته مشبوهة و من نفس النظام و جزء من فساده و بيحتقر الشعب طبقا لكلامه شخصيا

كان سلم الحكومة الانتقالية لرئيس المحكمة الدستورية زي ما الناس طلبت طالما ماشي ماشي على حد قوله

حسبنا الله و نعم الوكيل

**Samah AbdAllah** · 11-02-2011 12:15 AM

اللى فهمته من اول كلمتين فى الخطاب انه متمسك بمنصبه حتى نهاية مدته
وده انا قولته قبل ما يطلع الخطاب اصلا
مش ممكن شخص بمثل عناده وكبرياؤه الواضح تماما فى خطاباته السابقة يتغير
كلام كتير فى الخطاب مكرر من الخطابين السابقين
انا حسيت انى سمعت الخطاب قبل كده فى اجزاء كتيرة منه

**shooter123** · 11-02-2011 12:16 AM

ما علينا من اللي قاله الكل اتكلم انا خايف من حاملات الطائرات اللي واقفه قبالة سواحلنا

امريكا لن تضحي بسلامة وأمن اسرائيل

انتوا حاسيين بمستوي الخطورة؟؟؟؟؟؟؟؟؟؟؟؟؟؟؟؟؟؟ ؟

ربنا يسترها يا رب

**metenawy** · 11-02-2011 12:18 AM

المشاركة الأصلية كتبت بواسطة MTAK

الخطاب ناس شارحاه سياسيا زى الفل
و كل كلام حلو و يالا نبنى البلد و هنحاسب المسئولين عن الاحداث الداميه
و كل ده فى الكام شهر اللى جايين
لو على حسن النوايا هانقول ماشى
موافقين علشان مانخربش البلد
بس لى سؤال صغير
و ارجو ان كل واحد يجاوبه بامانه بين و بين نفسه

من منا يثق فى هذا
و انه سوف يتم بكل حياديه و شفافيه و عدل

هنا مربط الفرس
عاوزيين نعديها علشان البلد تتلم
ماشى بس نبقى واكلينها بمزاجنا
ماتبقاش ضحك علينا

تعديل الدستور و حصل في وقت قياسي
محاربة الفساد و جاري واديك شايف شغل النائب العام الي زي الفل و كمان الرقابة الادارية خصوصا ان النظام بعا الكل واشتري رجالته من الجيش يعني مش حيحمي حد
دم الشهداء و تم عمل لجنة بتحقق في المضوع امبارح يعني ملحقتشي تشتغل
فين بقي الكلام

يا جماعا دا انا و زملائي الاشراف حاولنا كذا مرة نحاول نخلي وزير الاسكان الخرج من مدة يتحاسب و كان بيتحمي شوف دلوقتي الوزير طلع و بعد يومين بيتحقق معاه

**AmAhmed** · 11-02-2011 12:22 AM

المشاركة الأصلية كتبت بواسطة shooter123

ما علينا من اللي قاله الكل اتكلم انا خايف من حاملات الطائرات اللي واقفه قبالة سواحلنا

امريكا لن تضحي بسلامة وأمن اسرائيل

انتوا حاسيين بمستوي الخطورة؟؟؟؟؟؟؟؟؟؟؟؟؟؟؟؟؟؟ ؟

ربنا يسترها يا رب

لا تقلق من هذا السيناريو اطلاقا في الوقت الراهن
المصلحة الامريكية الاسرائيلية هي اقتتال الشباب ما بين بعضهم او اقتتال الجيش داخل نفسه حيث تسقط خيرة الشباب المصري و هم يشاهدون عن بعد
و هذا سيناريو بشع ادعو الله الا يتحقق

**amir** · 11-02-2011 12:22 AM

الي كل الحائرين في فهم الخطاب المتين

الراجل مش ماشي من سده الحكم

الراجل فوض نائبه

و نص الدستور بيمنع النائب اصلا عن تعديل الدستور او حل مجلس الشعب و الشوري

يعني الشعب المصري محتاج سياده الرئيس حاليا لاجراء اصلاحات دستوريه

و الاشاره الي التعديلات في الدستور و الموافقه عليها تؤكد ذلك

اما استخدام فزاعه الضغوط الخارجيه و الاملائات (مش متخيل ليه خطاب رئاسي يحتوي تعبيرات فقيره زي دي ليه بس) هيكون مسمار جحا اللي يضم بيه الشعب لما اوباما يخلص الاجتماع المعقود من اول ما الخطاب الرئاسي المصري انتهي

مش محتاجه تفكير علي الواقع الكئيب اللي فرضه علينا

كده صراحه امن اسرائيل في خطر تجاه الاوضاع السياسيه في مصر و امريكا مش هتسمح بكده و معني كده في منتهي الخطوره

ده غير بنوك سويسرا اللي بدئت اجرائات معينه علي 20 شخصا منهم مبارك

و ده مش لسواد عيوننا لكن من الممكن استخدام الموضوع ده للضغط علي السيد الرئيس المصري المحارب ببساله في 6 اكتوبر العظيم

اول مره اشوف و اعيش احداث حرب بدايتها بتتجسد علي ارض الواقع

ياتري مين فينا يقبل دم ناس علشان يفضل في مكانه؟؟؟؟؟؟؟؟؟؟