الموضوع: ايه رأيكوا فى بيان الرئيس؟؟؟

المشاركة الأصلية كتبت بواسطة mailo

فين التنحي ده ؟؟؟
ياشا هو فوض صلاحيته لنائبه "طبقا للدستور"
يعني عمر سليمان ليه كل الصلاحيات بتاعة الريس بس ملوش يحل مجلس الشعب ولا يطلب تعديل الدستور وفيه حاجة كمان من فاكرها

يا أستاذى هو فوض جميع الصلاحيات للنائب بعد مشكل لجنه تعديل الدستور .....واللغاء قانون الطوارئ ...ياستاذى الفاضل ...........الرئيس شرفى .........

المشاركة الأصلية كتبت بواسطة damasry

هو فيه ايييييييييه؟؟

مش خايف على ولاد مصر؟؟؟؟؟؟

بيستفز الناس عشان يقدر يستخدم العنف ضدهم؟؟؟؟

الناس ابتدت تتحرك وتروح على قصر الرياسة

حسبى الله ونعم الوكيل فيييييييه

ده سؤال برده
الناس ألي مفروض تهدا شوية ونشوف الدنيا ماشية أزاي من تعديلات للدستور وخلافه بلاش أسلوب فرد العضلات على الجيش .........هاتبقى مجزرة للمتظاهرين وخلوا بالكم كمان ياجماعة القوى الأمنية لسه بخيرها حرصوا وبلاش أي تهور رجاءا

المشاركة الأصلية كتبت بواسطة mailo

فين التنحي ده ؟؟؟
ياشا هو فوض صلاحيته لنائبه "طبقا للدستور"
يعني عمر سليمان ليه كل الصلاحيات بتاعة الريس بس ملوش يحل مجلس الشعب ولا يطلب تعديل الدستور وفيه حاجة كمان من فاكرها

ما هو الدستور بيتعدل دلوقتي أصلا
يعني عمر سليمان هيكون له صلاحيات اكتر

أنا برضه شايف ان كده رضا قوى ..
المتظاهرون كانوا عايزينه يتنحى ، هو كده عملياً تنحى ..
النائب هيمسك كام شهر يتم فيها تغيير الدستور بالأمر الذى أصدره مبارك فى بيانه اليوم ، وبعد كده يتم اجراء انتخابات نزيهة غصب عن التخين ويحمى نزاهتها الدستور المعدل .. وتبدأ مصر عهداً جديداً ويكمل فيه الرئيس الجديد ما قد يكون سقط من الاصلاحات فى هذه الشهور القليلة..

لا مجال للرجوع فى اللى بيحصل ده .. فحجة انه تسكين وممكن ترجع ريمة لعادتها القديمة حجة مش مظبوطة ..

أنا شايف ان اللى بيصعدوا وعايزين يزحفوا على القصر ماعندهمش وعى سياسى وتحركهم مشاعرهم (اللى هى الكراهية لشخص الرئيس فى هذه الحالة) ، واعتبارات مثل الاستقرار وانقاذ الاقتصاد و حقن الدماء مالهاش اعتبار عندهم.