مصيبة بعد تعليق النمر قررت أتخلص من الزق الي علي العربية!!!!!!!

**johnyweb** · 02-04-2008 11:15 PM

سلام الاول
بعد معلقت النمر شكرت ربنا وقلت انضف العربيه من الزق الفبريكة الي عليها
واكتشف ان بعد ما شلت الزق ان الاكصدام الامامي مش راكب كويس علي الفانوس اليمين وان في فراغ ملحوظ بين الاكصدام والفانوس اليمين علما اني جايب العربيه من الرواس واكلمهم ويقوليلي ده شيء طبيعي في كل الانسر ما ان كل العربيات شايفها طبيعي مافيش فرق ولا حاجة فهل ده عيب تقفيل ولا ايه بالظبط ولا العربيه واخدة خابطة في الفانوس بس الفانوس مش باين عليه اي خبطة ولا الاكصدام برده
هل الضمان يغطي عيب التقفيل يعني اروح وهما يظبطوها ولا ايه
ارجوا الإفادة وشكرا..............

**مصراوي جدا** · 03-04-2008 12:21 AM

هو طبعا مش مفروض يكون فيه اي فروقات ملحوظة بين الاكصدام والفانوس بشكل غير عادي لذلك

اولا : حضرتك تتأكد من الفرق ده من اي عربية لانسر في الشارع هل فيها نفس الفرق ده ولا لأ

ثانيا : لو العربية من الرواس ومصري يبقى شرفنا في اي وقت في التوكيل (مصرية) مركز الخدمة الرئيسي في قليوب أنا موجود هناك و لو اقرب لك مركز جسر السويس بلغني واكلم حد هناك ينتظرك ، ونشوف الموضوع ده

ولو كانت من الرواس وخليجي فممكن تروح مركز خدمة الرواس اللي في العجوزة وتقابل مدير الصيانة هناك (اعرفه شخصيا) وباذن الله يطلع موضوع بسيط

بس اهم حاجه نتأكد ان ده وضع خاص لعربيتك مش فرق طبيعي في كل العربيات (انما لو فرق طبيعي فهو مش عيب طبعا)

وكده ولا كده اطمن العربية من الرواس يعني عليها ضمان سواء مصري او خليجي ومتبوظش فرحتك بيها ومبروك العربية

**johnyweb** · 03-04-2008 02:19 AM

وديه صورة الفانوس مع الاكصدام هل تركيبهم كدا طبيعي

**boody2** · 03-04-2008 02:26 AM

مفارق طبعا بس علي فكرة ده سهل ربطه جدا و ممكن ما تروحشي التوكيل

ممكن عند اقرب سمكري و بلاش تقلق خالص

**Karim_Monir** · 03-04-2008 11:59 AM

لاء طبعا مش طبيعي
ودي ودان اللاكصدام بسيطة فعلا ان شاء الله

**johnyweb** · 04-04-2008 03:17 AM

شكرا ياشباب علي كلامكم الخفيف الفتحة بين الفانوس والاكصدام واضحة لدرجة وانا بشتري دواسات النهاردة الراجل بيقولي فحكتلو بيحسب ان حد قعد علي الاكصدم وعمل كدا.

**loai-omar** · 05-04-2008 04:48 PM

متهيألي يا باشا دا بيبقا كلبسات الاكصدام
بسيطه ان شاء الله بس رأيي خليك في التوكيل احسن

دنتا لانسر مش اي حاجه يعني و في الضمان كمان

بس ماتقلقش يا باشا ان شاء الله خير و بسيطه