الموضوع: اسلحه لا تحتاج لترخيص امني لحيازتها او لشرائها

المشاركة الأصلية كتبت بواسطة medo.malek

يا استاذ شنورى تحية ليك اولا و اخيرا و انت من الناس اللى الواحد يتمنى يوما يتعرف عليهم ..
و هى دى المشكلة اللى فى امريكا دلوقتى ان كل الناس معاها سلاح و بالتالى كل الناس ماشية متربصة و خايفة عشان عارفة ان كل اللى حواليها معاه سلاح و ممكن يستخدمه ضدها
اديك مثال بسيط بما اننا منتدى سيارات يوضح اللى عايز اقوله ......
ممكن تكون مثلا واقف فى اشارة بالعربية و فجأة يطلعلك واحد يخبطلك على الازاز انت بالتالى هاتتخض و ممكن تضربه بسلاحك ( اى كان نوعة ) من خضتك و بعد كده تكتشف انه كان عايز منك مساعدة او جاى يقولك العجلة نايمة مثلا !

لكن لو الموضوع ما انتشرش هايبقى فى نوع من الامان فى نفوس الناس
يعنى دلوقتى مثلا عن نفسى انا مكنتش هاجيب سلاح و كنت هاعتمد على الله ثم على الامكانيات المتاحة عشان ادافع عن نفسى لكن لما اعرف ان كل الناس بتجيب سلاح او ماشية و معاها سلاح يبقى كده هاضطر اجيب سلاح اقوى و هاتبقى حروب بقى !!

انا عارف ان كلامى ممكن يكون مبالغ فيه شوية و عارف ان موضوعك مش بيتكلم عن الاسلحة الحية و غرضه شريف لكن بلاش ننشر الخوف و الروح دى و الا العواقب هاتكون كوارثية و المثال واضح قدامنا
معلش على الاطالة

السلاح الاقوي ده يا باشا بيتحدد علي حسب نوعيه الجرايم الموجوده في المجتمع المحيط بيك
في امريكا العصابات او الحراميه العاديين تسليحهم قوي مسدسات وخرطوش ورشاشات
وانتشار الاسلحه مع المجرمين اكبر من ان الشرطه تسيطر عليه فلازم تمنح المواطن حق الدفاع عن نفسه
باسلوب معقول يتناسب مع الهجوم الواقع عليه واقلها انه يشتري مسدس او خرطوش وده التطور الطبيعي لشريعه الغاب ونظريه البقاء للاقوي اللي حضارتها اتبنت عليه
عندنا هنا الوضع مختلف اختلاف كبير
لو دخلت اي قسم وفتحت دولاب الاحراز حتلاقيه كله سكاكين ومطاوي واستحاله تلاقي مسدس ولا فرد خرطوش الا في النادر
ويختلف الوضع في الصعيد تلاقي الاسلحه الناريه كتير مع انعدام العصابات بشكلها المالوف في اماكن تانيه وموقعهم المتوسط ايام الحروب وقربهم من مناطق تهريب الاسلحه وبواقي الحروب
وفي السويس ولا العريش سمعنا انهم ضربوا القسم بار بي جي لظروفهم برضه ايام الحروب
فانا بس بوضح لحضرتك ان الموضوع ان موضوعي معمول علي قدر البلطجيه اللي بنقابلهم
وانهم تسليحهم مش محتاج اسلحه قوه لرد هجومهم

المشاركة الأصلية كتبت بواسطة zalabany

طيب أنا عندي سؤال بما أنك يا شنوري مجرب المسدسات مين افضل في الحماية مسدس الصوت ولا مسدس الغاز وإيه افضل نوع ممكن اجيبه في رينج 1000 جنيه

والله يا باشا انا كان معايا الاتنين في وقت واحد
وفي الاول والاخر قوه شخصيتك في استعمال السلاح وطريقه استعمالك ليه ودراستك للموقف هي اللي بتحدد
بالنسبه لمسدسات ضغط الهوا فالجامو مش حتعدي المبلغ بتاع حضرتك وتاثيرها حضرتك ممكن تشوفه في الفيديو اللي انا حطيته
بس هو حيعتمد علي شكله والاذي المحدود اللي بيسببه والرعب من شكله اكبر من الرعب من الضرب بيه
انا مواقف كتير خلصت معايا بيه من غير ما يطلع من جرابه
مره واحده بس كان الموقف يستدعي انه يطلع
وعمري ما ضربت بيه علي كائن حي
الا صرصار كان واحد بيتحداني اني انشن عليه علي الحيطه
ههههههههههههههههههه
الصوت رعبه اكبر من اذاه سواء في شكله او صوته