كـمـــــــال الجـنـزوري - لمن شاهدة اليوم -

**midohtato** · 14-02-2011 12:38 AM

السلام عليكم

كمال الجنزوري كان ضيف العاشرة مساء النهاردة
و اتكلم في حاجات كتير جدا منها الاصلاحات السياسية و الاقتصادية

الراجل دة مكنتش اعرفة كويس كنت اسمع انة راجل كويس بس معرفش ازاي كان بيفكر و اسلوب عملة و كدة

لكن بعد النهاردة انا فهمت الناس لية كانت بتحبة
اتكلم طبعا في كل حاجة منها : مشروع توشكي " اللي احنا بنهاجمة النهاردة
قال كلام مقنع جدا انه المفروض يتم محاكمة اللي وقفو المشروع دة بمجرد خروجة من الوزارة
و قال كلام فعلا ان الناس لو مرحتش توشكي و سينا هيروحوا فين

اتكلم عن مجموعة اصلاحات اقتصادية كتيرة جدا تنم ان الراجل دة عقلية اقتصادية مهولة ..... " مهاتير محمد مصر "

و اتكلم بردة ان الضرايب مش هي اللي بتحل المشكلات الاقتصادية في البلد و الدليل انة لما مسك الوزارة الغي بعض الضرائب

و طبعا اتكلم عن دعم البنزين و وضح ان الحكومة مش بتدعم البنزين لأنة غير مستورد دة بالعكس الشعب المصري هو اللي يعتبر مدي دعم للبنزين للحكومة

دة بإختصار و انا بفتح باب المناقشة لأني اري انة راجل ممتاز جدا و اعتقد ان سنة لا يعيقة عن التفكير الجيد المثمر دة بالعكس و كمان افقة واسع جدا

و اكيد اكيد مش اكبر من مبارك

**FunnyMickey** · 14-02-2011 12:41 AM

راجل محترم الي اقصي درجه
واما راجل محترم زي ده يقع في زباله
لازم يطلع منها بسرعه عشان الريحه الوحشه

قاللك عاطف عبيد كان موجود في كل حاجه عملناها
وكان بيكتب نقط
ومع ذلك
خرب كل حاجه
بس العيب مش عليه
العيب عاللي في توقيعي
وان شاء الله اشوفه كده
وانيل من كده كمان

مش عارف الناس دي حتقف قدام ربنا تقووووووووووووووووووووووو ووووووول ايه

**midohtato** · 14-02-2011 12:47 AM

المشاركة الأصلية كتبت بواسطة funnymickey

راجل محترم الي اقصي درجه
واما راجل محترم زي ده يقع في زباله
لازم يطلع منها بسرعه عشان الريحه الوحشه

قاللك عاطف عبيد كان موجود في كل حاجه عملناها
وكان بيكتب نقط
ومع ذلك
خرب كل حاجه
بس العيب مش عليه
العيب عاللي في توقيعي
وان شاء الله اشوفه كده
وانيل من كده كمان

مش عارف الناس دي حتقف قدام ربنا تقووووووووووووووووووووووو ووووووول ايه

فعلا لما اتكلم عن عاطف عبيد كان بيتكلم بكل اسي و ضيق و من كلامة تستنتج ان عاطف عبيد سبب معظم البلاوي اللي احنا فيها و قبليه طبعا الكبير اللي في توقيعك

ملاحظة : توقيعك رائع جدا

**dr.amr** · 14-02-2011 12:57 AM

والله لو نزل رئيس جمهوريه صوتي ليه
حسبي الله ونعم الوكيل فيك ياحسني

**damasry** · 14-02-2011 01:05 AM

راجل محترم جدا جدا جدا
احترمته انه فضل البعد عن الحياة السياسية والاجتماعية ومدورش لنفسه على مكسب.

واحترمته اكتر لاحترامه للثورة ورفضه الظهور الا بعد نجاح الثورة حتى لا ينسب اليه احد شئ من النجاح

ملحوظة تانية انه زهنه حااااضر وكان بيقول معلومات وارقام كتييييرة من غير ولا ورقة قدامه رغم سنه وبعده عن الحياة السياسية

بصراحة الراجل ده يستحق يمسك الوزارة تانى وانا اول واحد ارحب بيه

**som3aa** · 14-02-2011 01:12 AM

مشكلته الأساسية السن الكبير اوى للاسف يعنى فى رايى مينفعش كرئيس للجمهورية , كلامه ممتاز و بالارقام و فاهم كويس اوى اوى , راجل فاهم بجد هو بيعمل ايه

**abo_anas** · 14-02-2011 01:18 AM

عقليه اقتصاديه محترمه. تحسه ان كان اب للمصريين وكان عاوز يوفر لهم حياه اقتصاديه واجتماعيه كريمه ويحافظ على قيمه الجنيه المصرى . منه لله عاطف سبانخ اللى عومه

اخر سؤال ليه : هل الدكتور كمال الجنزورى ممكن ان نراه الايام القادمه طامحا او طامعا فى اى منصب فى الدوله؟؟

اجابته: مش هقدر اقول اة ولا هقدر اقول لا علشان كلامى لايفسر خطأ ولا يفسر باشياء اخرى

لكن مااود ان اقوله اتمنى ان ارى مصر بلد ديموقراطى يتجه نحو التغيير للافضل واتمنى ان يكون فى عمرى بقيه كى ارى هذا . والايام القادمه ستكون افضل بكثير

**MBhead** · 14-02-2011 01:25 AM

كمال الجنزوري يعتبر اخر الرجال المحترمين في السلطة
و يقال (و انا مصدق الموضوع دا) ان حسني مبارك شاله لانه شعبيته بدات تزيد زي ما عمل مع المشير ابو غزالة (كان راجل محترم ) خوفا علي الكرسي
و لو مسك الوزارة الجديدة حتتحسن الاوضاع كتير جدا لان دا عقلية ممتازة