موضوع خطير بخصوص وائل غنيم ويمس مصر

**أحمد كمال** · 14-02-2011 03:39 PM

بجد يا وائل .... تستاهل

انت الغلطان

انت الغلطان انك ما قعدتش في فيللتك في دبي كافي خيرك شرك

انت الغلطان انك ما خليتكش في شغلتك في جووجل كافي خيرك شرك .....

انت الغلطان انك ما خليتكش في حالك و ما قلتش "إياكش تولع" ......

عشان خليت الناس تقول عليك كلام مالوش تلاتين لازمة !!!!

**smsm_cato** · 14-02-2011 03:59 PM

المشاركة الأصلية كتبت بواسطة tlrsiap

هو ايه الاستفادة من معلومة زي دي سواء صحت او طلعت اي كلام ؟

الاستفادة ان لو الموضوع ده طلع حقيقى هو دلوقتى بيتكلم باسم شباب الثورة وهيعمل حزب ويكون قائدة وده انا متأكد ان هيبقى اعدادة كبيرة لانه هيبقى من كل اللى شارك فى الثورة وساعتها هو هيبقى العقل المفكر يعنى هيبقى فى عندنا حزب بفكر غربى وليس مصرى وممكن تؤدى لخلافات فى المستقبل او حرب اهلية بين الحكومة والاحزاب وده انا شخصيا مش اتمناه واتمنى ان يكون وائل غنيم مصرى نقى مش زى ما احنا حاسيين وحطوا تحت كلمة حاسين دى 100 خط لان احنا مبنتهمش حد بحاجة بدون دليل

**Qmax** · 14-02-2011 04:07 PM

المشاركة الأصلية كتبت بواسطة أحمد كمال

بجد يا وائل .... تستاهل

انت الغلطان

انت الغلطان انك ما قعدتش في فيللتك في دبي كافي خيرك شرك

انت الغلطان انك ما خليتكش في شغلتك في جووجل كافي خيرك شرك .....

انت الغلطان انك ما خليتكش في حالك و ما قلتش "إياكش تولع" ......

عشان خليت الناس تقول عليك كلام مالوش تلاتين لازمة !!!!

معاك حق اللي يقولك مش مرتاح له واللي يقول بيمثل والله حاجه تكسف

بسم الله الرحمن الرحيم
َا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ (6)

سورة الحجرات

**أحمد كمال** · 14-02-2011 04:14 PM

يا جماعة

اما نبقى نشوف منه حاجة وحشة نبقى نتكلم

و الأخ بتاع حزب غربي و بتاع ..... اعضاء الحزب اكيد لو الكلام ما عجبهمش مش هيسكتوا ..... انتهى عهد ال One Man Show خلاص و اكيد مش هنستبدل طاغية بالتاني ....

**Ahmed Selim** · 14-02-2011 04:24 PM

حقاً......أنها الثورة التى ثار عليها الشعب

فرضاً أن وائل غنيم طلع عميل و خاين......أو غيره ( و أنا متأكد أن غيره هيطلع )
أحنا وصلنا لمرحلة مكناش نحلم بيها أو على الأقل معظمنا مكنش يحلم بيها......واجبنا الفترة اللى جاية أننا نحاول نبنى بلدنا من جديد زى ما أحنا عاوزينها.....و أحنا بنبنيها لو لقينا واحد عميل أو مرتشى أو حرامى أو غيره....نقف قصاده بكل ما أوتينا من قوة.

الفترة دى فترة تخبط فى الأفكار و الأراء.......يا ريت قبل ما نعمل رد فعل فى أى حاجة نفكر كويس أحنا بنعمل أيه و ده هيفيد البلد و لا هيضرها.

بالمناسبة الأسورة دى بتتباع فى محلات كتير فى مصر من زمان زى Nike و Virgin Megastores و زى ما قال كمال أنها معمولة لمحاربة مرض السرطان.

**abo_anas** · 14-02-2011 05:29 PM

المشاركة الأصلية كتبت بواسطة نور القمر

اوجزت فأنجزت
هو ده المختصر المفيد
انا بقترح نعمل صفحة على الفيس وكلنا نشارك فيها وننشرها بالمعنى ده

موافق. ممكن حضرتك تتولى الفكره ونشارك فيها كلنا

**د.أبونضال** · 14-02-2011 05:49 PM

هوَّ كده... فيه ناس بتحب تبوظ كل حاجة حلوة حصلت وخلاص
نفس الكلام قيل على سعد زغلول... قيل عنه أنه كان خائنا وموالس مع الإنجليز في الخفاء
وقيل عن جمال عبد الناصر أن الأمريكان زرعوه في الجيش وأن أحد رجال مخابراتهم لا أذكر اسمه الآن كان الأدمين بتاع انقلاب 23 يوليو
دائما هناك مدمنين لنظرية المؤامرة... ولسه.... جايز حسني مبارك يطلع غاندي ولا نهرو واحنا مش عارفين

-

الموضوع: موضوع خطير بخصوص وائل غنيم ويمس مصر

LinkBack

أدوات الموضوع

عرض

-

-

-

-

المواضيع المتشابهه

مين وائل غنيم !!!!!!

الحقيقة وراء وائل غنيم

هل وائل غنيم ماسونى ؟؟؟

وائل غنيم

العاشرة مساء ( وائل غنيم )

الكلمات الدلالية لهذا الموضوع

المفضلات

المفضلات

ضوابط المشاركة