الموضوع: قانون المرور الجديد

المشاركة الأصلية كتبت بواسطة semsem kane

موضوع النقاش هنا هيبقى لية اختيارين :

1: لو اللى ماشى عكسى دة مضطر بمعنى ان مثلا فية مظاهرات وماينفعش تلف او تسلك مسارك الطبيبعى إلا بالاتجاة العكس ودية حصات عندنا فى وسط البلد كتير والشرطة هية اللى كانت بتعمل دة وبتقسم الشارع اللى كان اتجاة واحد بقى اتنين رايح جاى واعتقد فى دة مافيش اى مشاكل انك تقول انك ماشى عكس

2: السبب التانى : انك تعتبر فعلا مهدد لحياة الاخرين لو مشيت فى طريق عكس بدون اى دواعى امنية او مبررات تجبرك انك تمشى وطبعا ماشى مستريح ان مافيش شرطة ولا فاتر ولامخالفات ولا رادارات ودة سلوك خاطىء جدا وبتهدد حياتك وحياة الاخرين

* كلمة بقولها لاصدقاءى واخوانى فى المنتدى لو احنا مشينا بهرجلة وسير عكس وسرعات غير مقررة قانونيا تجاوزناها واتكلمنا فى الموبايل واحنا ماشيين وركنا السيارات صف تانى وتالث وعطلنا الشارع يبقى احنا كدة هنثبت حاجة واحدة بس اننا شعب مابيجيش غير بالصرامة والتهديد ولام تدفع مبالغ غرامات عالية عشان تهدى وتقف

لأ عايزين نثبت عكس دة واننا بشرطة او من غير شرطة ملتزمين بالطريق وقواعد المرور اللى عرفناها وحفظناها وبنطبقها لاننا فعلا منظمين والقواعد بردة :

1: عدم التحدث فى الموبايل اثناء القيادة
2: ارتاء حزام الامان
3: السير بالسرعات المقررة
4: عدم سير عكس الاتجاة ( الا فى المناطق التى تستدعى ذلك )
5: عدم كسر الاشارات
6: الانتظار فى الاشارة المتوقفة حتى لو كانت الاشارة الاخرى لا يوجد بها سيارات مش لازم بقى يبقى فية كاميرات عشان تقف غصب عنك

لو دة اتعمل يبقى فعلا هنقول البلد دية هيتصلح حالها بسرعة اوى لان عشان البلد تتصلح يبقى لازم شعبها يتصلح اولا

تقبلوا كلامى كأخ ليكوا وانا اول واحد بطبق الكلام دة الا فى بعض الحالات بكون مضطر عشان ابقى صريح معاكوا يعنى بطبق الكلام دة بنسبة 90%

فى حالة عدم وجود القانون التزم بالقانون الالهى الضمييييييييييييييييييير

السلام عليكم ورحمة الله وبركاته

ممكن نطبق طريقة معتمدة للمخلفات زي مثلا ما في فرنسا وهي

رخصة المركبة تحتوي على عدة مخالفات وكل نوع منها يوضع امامها عدد من الخانات ( المرات ) وتكون مظللة بشكل يصعب تزويرها وعند ارتكابك لمخالفة يقوم الظابط وليس الامين او العسكري بازالة خانة من المخالفة اللي ارتكبتها والختم عليها بطريقة يصعب تزويرها وبكده لما تجدد وتروح المرور تكون رايح وعارف عليك نوع المخالفة ايه وعددهم ومعرفة قيمة المخالفة ونسيبنا بقى من الدفاتر واللزق على البريبيز ومكافات تخليص الدفاتر والرشاوي وخلافه

المشاركة الأصلية كتبت بواسطة frozen_pain

هو مش المفروض ان طالما الدستور اتلغى يبقى بيتلغى معاه كل القوانين؟

لا توجد علاقة بين الدستور والقانون
الدستور ببساطة مجموعة قواعد يتم الإتفاق على التعامل بها بين أفراد الشعب وبعضهم وبين الحاكم ( حكومة ورئيس الجمهورية ) والشعب