ممكن حد يفيدني اشتري اية

**ahmedmaklad** · 03-04-2008 02:53 PM

انا عايز حد يفيدني و يقولي اشتري اية في حدود 70000 جنية اشتري زيرو و لا مستعمل انا بحب الاوبل جدا و نفسي اجيب اوبل 99 او 2000 بس خايف من قطع الغيار و ناس كتير قالت الاوبل بلاش و مفيش حاجة بصراحه عاجبتني في الزيرو فيرنا او افيو او نيو اكسنت او حتي النوبيرا حاسس ان الاوبل اجمد منهم كلهم فمش عارف اعمل اية اجيب زيرو و خلاص و لا اعمل اللي انا عايزة و اجيب مستعمل اوبل او قولولي اية اللي ممكن اجيبه في الحدود دي

**SEATLOVER** · 03-04-2008 09:01 PM

بدام دماغك فى الاوبل صعب تقتنع بعربية تانية .. و ليك حق ..عشان هى دى طبيعة العربية دى .. انوى عليها و توكل على الله .. و حاجاتها موجودة و لها سككها و ال70 الف يجبولك ان شاء الله واحدة 99 بحالة كويسة جداً .. وفرصتك فيها كبيرة لآن سعرها فى النازل اليومين دول .. مش عشان وحشة او حاجاتها مش موجودة لآ لكن لآنصراف الناس عنها بعربيات تانية نازلة جديد .. فى رايى دون المستوى بالمرة

يعنى باختصار الاوبل تُحفة ومفيش ذيها

**Nader** · 03-04-2008 09:06 PM

تقصد الفيكترا؟؟!

هي طبعاً احسن من الفرنا ويا سلام لو 2000 cc.

اليومين دول بنسمع عنها مشاكل كتير اوي وانت وبختك

بس المهم انك لو هتجيب الفيكترا يبقى تكشف عليها

كويس اوي علشان لو فيها مشاكل في اي حاجة

موتور عفشة فتيس هتصرف معاك.