الموضوع: استفسارات عن السيراتو

ايه يا خلود انت نويت ولا ايه على العموم بالتوفيق ان شاء الله وبصراحه انت سأل اسئله في الجون الله يكون في عون الاخوه النمور جالهم اللى هيشاكلهم هههههههههه
انا بهزر معاك طبعا وربنا معاك ان شاء الله للصالح طبعا

المشاركة الأصلية كتبت بواسطة mhmdalsaadany

ايه يا خلود انت نويت ولا ايه على العموم بالتوفيق ان شاء الله وبصراحه انت سأل اسئله في الجون الله يكون في عون الاخوه النمور جالهم اللى هيشاكلهم هههههههههه
انا بهزر معاك طبعا وربنا معاك ان شاء الله للصالح طبعا

لا يا زعيم انا بسال رخامه بس هههههههههههههههههههه
والله الموضوع مازل فى مرحله التفكير ..منقدرش نقول نويت :)
وبعدين انت بتسخن الرجاله ولا ايه ؟؟ ههههههههه هما اكيد عارفين الاجابات :)

المشاركة الأصلية كتبت بواسطة jackson

ولا يهمك يا حج
بص الفتيس الجديد انا سوقتها فرقت عن الــ 4 سرعات فى ان سحب العربيه زاد شويه وطبعا استهلاكها للبنزين قل هو ده الفتيس الجديد بس طبعا انا واخد على الـ 4 سرعات وحتى لو نزلوا الــ 8 كمان انا مستريح مع الــ 4 وبيظبطوا معايا الكلام لان العربيه 1600 على 4 سرعات كويسين ما بالك بقى يبقى نفس الموتور من غير اى تعديلات ويبقى 6

بالنسبه للاسعار على حسب السوق اليومين دول الصراحه انا مش عارف العربيات هترخص ولا هتغلى

الثبات بالنسبه للاوكتافيا مينفعش تقارن العربيه ثابته ومحترمه جدا بس العربيه موس جرى قصاد ان اهى ثابته وانا جنط 16 كامله بصمه خليجى
العربيه كويسه فى الثبات ثباتها كويس جدا وبالنسبه للــ 17 جميل برضوه بس هو ناشف على العفشه شويه بس ده الستاندرد اللى نازل فى العربيه يعنى اكيد مفيهاش حاجه وانا ليا اصحابى كتير راكبين الــ 17 ومفيش اى شكوى منه
تجربها لو ليك واحد صاحبك معاه سيراتو

العيب الوحيد بالنسبه لى للسيراتو هو صوت الكلاكس بتاعها وحش جدا وانا هغيره ان شاء الله

بس كمجمل العربيه جميله وتحفه فعلا وحتى لو قدمت معاك شويه تقدر تظبيط فيها بودى كيت وجنوط وكده
وربنا يسهلك الامر ان شاء الله

اى استفسار انا موجود

الف شكر يا زعيم ...معلش هتعبك معايا ..عربيتك فيها سيسنور ورا ؟؟ و مواصفاتها ايه يعنى سعودى ولا كويتى ولا ايه ؟؟
الكلاكس ده من اول لحظه فكرت فيها قررت انى اغيره وافك الدلايات منها لو ربنا كرم :)
وعموما الثبات انا تحديدا قصدى على 120 مثلا (لان العربيه للحاج و دى اقصى سرعه ليه) وهو بيحب يحس ان العربيه و الاسفلت حته واحده :) السيراتو هتبقى ظروفها ايه معاه ؟
والف شكر يا زعيم تعبتك معايا

المشاركة الأصلية كتبت بواسطة waleedelpiloot

انا شايف ان العربية ثابتها بيعتمد على حسب الطريق يعنى انا سعات وانا رايح الجامعة بيبقى طريق مش مظبوط وانا على 120 القى الدنيا مراجيح

وامبارح كنت فى طريق الفيوم كان لسة متسفلت جديد كنت ماشى الحمدالله 190 من غير ما احس بى اى حاجة
كلامى دة كلة على الطرق الطوالى
فى الملفات بلسيراتوا ما انصحكش ب اكتر من 80 90 وبلذات لو ملف كوبرى وفية فاصل هتلقيها حدفت من وراة

+11111111
فعلا العربيه مشكلتها في الملفات الثبات بيقل شويه لكن في الطوالي ما شاء الله زي الفل وطبعا شويه دي زيها زي اي عربيه عاديه احنا مش بنتكلم عن بي ام ولا مرسيدس عشان محدش يضرب العلربيه فل الفل

المشاركة الأصلية كتبت بواسطة waleedelpiloot

انا شايف ان العربية ثابتها بيعتمد على حسب الطريق يعنى انا سعات وانا رايح الجامعة بيبقى طريق مش مظبوط وانا على 120 القى الدنيا مراجيح

وامبارح كنت فى طريق الفيوم كان لسة متسفلت جديد كنت ماشى الحمدالله 190 من غير ما احس بى اى حاجة
كلامى دة كلة على الطرق الطوالى
فى الملفات بلسيراتوا ما انصحكش ب اكتر من 80 90 وبلذات لو ملف كوبرى وفية فاصل هتلقيها حدفت من وراة

مممم طيب كويس ..بالنسبه لموضوع انها بتحدف لو قسيت عليها فى الملف ...اعتقد عشان عفشه بيم من ورا مش ملتى ..ولو غلطان حد يصححلى ... بس مش 80 90 قليل شويه ؟؟

المشاركة الأصلية كتبت بواسطة mhmdalsaadany

+11111111
فعلا العربيه مشكلتها في الملفات الثبات بيقل شويه لكن في الطوالي ما شاء الله زي الفل وطبعا شويه دي زيها زي اي عربيه عاديه احنا مش بنتكلم عن بي ام ولا مرسيدس عشان محدش يضرب العلربيه فل الفل

مهو انا تفسيرى انها بتتنطط من ورا شويه ..مع عفشه بيم ..فتنط و تنزل فى مكان تانى هههههه بهزر طبعا ..قصدى بتنط و تحدف شويه ...بس المهم ..بغباء يعنى ؟؟ و الكلام ده بيكون على كام ..اصل 80 90 فى ملف عادى يبقى وحش اوووى